حبيبي أصبح زوجي 💏👰

خطبة كرم & كوكي 😍

كرم : جازت سمانة  محليتش fb كنت خايف نحل ونلقا msg  من عند كوكي يحطمني بصح يما قاتلي بلي رانا راجعين لتركيا  بعد 4 ايام,   تماك تشجعت و حليت صبت ميساج من عندها بسيف باش فتحتو غير قريتو وليت نعيط ونبوس في يما وقتلها بلي كوكي قبلت  وخلاتلي نيميرو  بوها ويماها باه نتاصلو بيهم ونروحو نخطبوها رسميا

كوكي : عيطتلي ميلو قاتلي بلي تسامحت هي وخنفوسها فرحتلها بززاف ,وحاجة باينة نفرح و نحزن معها على خاطرنا خوتات من ابوين مختلفين ، من بعد حكيتلها على  كرم  قاتلي بلي انسان هايل ومتربي وعبد الرحيم حكالها عليه سمعت هدرتها و رحت للfb بعثتلو ميساج قتلو راني قابلة و خليتلو نيميرو تاع والديا باه يعيطلهم  و يهدر معاهم

كرم : خرجت للحومة فليكسيت و طلعت نجري لدار عطيت لبابا ويما يهدرو مع ونسابي هههه و الحمد  الله  قبلو و حلونا بابهم و تفاهمو بعد غدوا نديرو الخطبة والفاتحة في نفس الوقت ، رحت عند عبد الرحيم حكيتلو وقتلو باه يجي معايا  غير غدوا للخطبة  على خاطر غير هو لي صاحبي ولازم يكون معايا ويعاوني هو مجرب ويعرف اما انا لالا  وكيما كان الحال لعشية خرجنا شرينا كامل الصوالح وانشاء الله ما نكونو نسينا والو برك  psq يما دارتلي ليستا طويلة عريضة بجيب و جيب ههههه

كوكي : حكمت بلاصتي رقدت شوي وتجي ماما تولول عند راسي نضت : مامت واش بيك؟ علاه هاذ سوق كامل ؟قاتلي نوضي اي بعد غدوا الخطبة تاعك ايا روحي اشري قفطان وشوي حوايج خزرت فيها و عاودت رقدت بعد ماقتلها: حتان للعشيا ونخرج مع ميلو ونشري خليني  نرتح درك شويا  ، رقدت شويا ونضت لبست حوايجي ورحت عند ميلو  درنا بززاف حوانت باه صبت واش نحوس  حمد الله بصح ميلو مستحيل تخرح و دور بلا ما توكل شي حاجة هههه صحبونتي مكراشة lsl دخلنا بيتزريا كلينا ضحكنا شويا وروحنا 

ميلو : عيطتلي بهلولة  كوكي قاتلي بلي خطبتها غير غدوا ولازم لعشيا نخرجو نشريو لبستها وكامل وش تسحق فرحتلها وشبعت تولويل انا و ماما ، ايا عيطت لخنفوسي وديت شورو باه نخرج وهو طبعا خلاني بصح بشروطو البسي طويل و متضحكيش و.... مهبول وراح يهبلني معاه المهم لحقت لعشية خرجنا درنا حوانت كامل ،  بسييف باش صابت على واش تحوس كملنا قديان.  كنت  بزاااف جيعانة ومقديتش نصبر  شفنا بيتزريا قدامنا شابة دخلنا كلينا وروحت طول لدار على خاطر غدوا صباح نروح نعاون كوكي فتنقية وتفراش الدار و ماما ويماها و مرت خوها( يسرى )   يديرو قاطو

كوكي : نضت صباح على طرحية بالمخاد من عند الحلوفة تاع ميلو كرفستني ويما  و مرت خويا شابعين ضحك وتقولها زيدلها بنتي زديلها هههه نضت بعد ما سمطو عليا رقاد فطرنا و ميلو كيما قتلكم مكراشة فطرت في دارهم و زاد فطرت معانا غير خلصنا تقاسمنا الخدمة  ، بلخف خلصنا  ولينا لتينا بروحنا هذا ماسك هذا فارني و.... 

ميلو : نضت صباح فطرت  ورحت ديراكت عند كوكي صبتها راقدة نوضتها بطريحة تاع لمخاد  و طاطا فرحانة و قاتلي: هيا تفطري ، ضحكت وقتلها : والله فطرت فالدار بصح نزيد  معليش مزال كاين بلاصة ههه  ، ناضت تضحك قاتلي حتا بأنا نعرفك . فطرنا ودرنا للحالة نقينا و فرشنا خرجت toooop  كيما يحب الخاطر رتحنا و ولينا لرواحنا مقعدناش كامل