حبيبي أصبح زوجي 💏👰

أيام ثانوية 1

ميلو : نضت صباح على صوت نبع الحنان  😍 لبست قشي 👗👠مشطت شعري 💇 فطرت ☕  و خرجت حطيت كيت في وذني 📱🎧🎶 نسمع في بلال صغير ❤ و للحظة جاني خنفوس 🐞تاع عبد الرحيم في رأسي يا لطيف راني فارحة 😄و شياخة بصح ذك نوصل للكلاسة نتبدل😠 اووووف وش يسنا فيا نهار ليوم يا درا  دخلت نضحك قعدت في بلاصتي قلت في نفسي سلمات و تجيني خبطة 😠يااااا زمر درت طووول للخنفوس هذاك باسك راني sur هو و تبدأ الحرب هو كلمة و انا عشرة ( لساني طويييل و سريعة فالرد ههه )   lsl  كل يوم نفس لحكاية انا نكون b1 غير نوصل للكلاسة و نشوف عبد الرحيم نتقلب و تبدأ الحرب بينتنا عداو يمات و حنا مزلنا كي قط و الفار 🐭🐹    حتان وحد نهار كتب ربي و هدرنا نورمال بلا عياط و تعراش و حدث ما لم يكن فالحسبان ههه 😂😂 تسمحنا اوووو 😱 توم و جيري ولاو b1 كنت نكرهو  مش  بمعنى نضرو بصح  من طوايشو نديقوتيه 😣  كان عندي إحساس انورمال بيني بين روحي صحباتي يحبو يعرفو شكون يعجبني انا نقلهم غير خويا لعزيز  سليم  ( يقرأ معايا و في مقام خويا ) مي عبد الرحيم جامي جبدتو و كي نسمع وحدة تقول أسمو و يعجبها تقول نخبطها نهبلها 😠 بصح هاذ شي في داخلي برك و متجهلاتو خوفا من الوقوع في حبه 😻 و كانت تظلام عليا كي نشوفو قاعد مع طفلة و نتغم هو ينوض و انا نحس براحة وحد الوقت 23 يوم ما شفتوش لأسباب كان غايب من بعد جات عطلة صماطتلي لقراية و كلاسة نضحك من برا و من داخل مغمومة بصح مكانش علابالي  وش معنى هذا الشعور و خايفة نعرف

عبد الرحيم : نضت صباح صليت فجر  ضربت فيها تبيشة 😎😎فطرت و بست رأس لميمة 👵 هزيت كرطابل و رحت نقرأ  دخلت نقصر مع صحابي و نشوف ف مولات لسان طويل داخلة 😛 وي ميلو شكون غيرها قاعدة  تضحك و عاجبها الحال حكمت بلاصتها باينة فيها ناس يحبوها و حاجة فيها سبسيال مي منعرف واش هيا  وانا كي عوايدي و طوايشي نفحتلي نقلقها 😈 هي تبع مع الدرس و انا مضغت ورقة و طرشتها هي دارت ليا طول تتخنزر 😲 ( ماهيش الخطرة لولا لي نطرشها تسما علابلها بلي انا ، من نهار لول لي دخلت فيه و انا مهبلها بالمطارشة ) lsl عرشت و انا اكيد مش راح نسكت عرشت تاني و هي لسنها ما يخلاصش  بلا بلا بلا ، كي نشوفها هكذاك يعجبني الحال بصح كانت تقلقني كي تطلق هذاك لسان 😠  ، عداو بزاااف يمات و حنا كول يوم هوشة ، وحد الخطرة معلاباليش كيفاه هدرنا كانت في هدرتها حنينة و ظريفة عكس لسان طويل لي مالف نسمعو بعد الهدرة تسمحنا و ضحكنا ولينا نورمال b1  و كول يوم تعجبني حاجة فيها 😍( من نهار لي رفضت صاحبي حطيت عيني عليها و مع الوقت بديت نعجب بيها ) قبل العطلة ب8 أيام غبت يعني 23 يوم ماشتهاش و انا من قبل طلبتها fb  _ insta قاتلي ما عنديش 😟  

  إكرام : نضت بعد تفنين لبست قشي👗👡 فطرت🍶🍵 و درت خيماري رحت نقرأ  📖 دخلت للكلاسة ( نقرأ مع ميلو و عبد الرحيم ) حكمت بلاصتي مع دنيا صحبتي👭  لاتية بقرايتي📔📚 علاقتي مع ميلو مكنتش قوية يعني كنا نورمال برك مش صحبات انتيم 👭   كول يوم نفس روتين مكانش جديد  ني حب ني هم يحزنون اصلا منأمنش بالحب تاع صغر

كرم : نضت على ضرب اختي 👧و هبالها شيعة طبيبة و كبيرة درت دوش 🛀و لبست قشي الخاص بثانوية تعرفو ترك مش كي  دزاير  lsl  وصلتني اختي في طريقها قعدت  في بلاصتي لاتي بقرايتي📚📔 نسعى باه نحقق حلمي و كي نكمل يومي نروح لصال تاع sport   ني طفلة في حياتي ني 10 باسك ملقيتش لي نحوس عليها و حاب نكمل قرايتي قبل

سلام خاوتي خوتاتي  هذه أول مرة نتجرأ و نكتب فيها أي هذه أول قصة ليا نشاء الله تنال إعجابكم و دعموني بتعليقاتكم و متساوش 👍👍👍 ههه باه نتشجع😍😍