ميلو & عبد الرحيم : جازو 3 سنين وحنا كيفكيف . في قرايتنا ناجحين وكذالك في علقتنا بحيث حلمنا بزااف بنهار العرس والحمد الله يا ربي بقات سيمانة برك وندخلو للقفص الذهبي👰💍🤵
شهرين قبل العرس 😍 ميلو : اييه قرب العرس لازم نبداو نوجدو من ذرك المهم خرجت مع غاجلي هه حوسنا على دار صغيرة برك باه نكروها حتان يكمل البنيان فوق دارهم و كيما كان الحال صبنا وحد شااابة بزااف قريبة من خدمتنا في 2* ( كنا نقراو ونخدمو فنفس الوقت انا نخدم عند وحد الفرمسيانة لحكم عندي خبرة في هاذ المجال و شهريتي حمد الله كافية وافية بزيادة لابوغس تاع جاميعة ، اما عبد الرحيم كان عند حانوت دارولو باباه ( رخام و... ) وخدمتو ماشية بزااف حمد الله ولابورس تاني كيما انا ) *ومشهرة درنا لكنترا مع سيد على 4 سنين انشاء الله من بعد رحنا شرينا خواتم و فراش لدار كامل زدنا عقبنا للاصال شفناها وخيرناو هدرنا مع مشرفين على ديكور وبزااف عفاسي تعبنا بزااف من خرجات و دورات والله رجلبنا حفاو
عبد الرحيم : مابقلناش بزااف على العرس وحنا مزال ما وجدنا والو ، ايا ليوم نعيط لميلو ونفريو كلش ليوم ، تلاقينا رحنا شفنا الدار وكريناها و زدنا خيرنا لخواتم و لاصال و فراش لدار ... عينا بزااف 😫 ليوم هذاك اووف
ميلو : بعد ما تهنيت من صوالح الدار ولاصال و.. درت لتصديرتي مع خياطات و شريات و حفافة مزية كوكي عاوتني بزاااف ومخلاتنيش نهار وحدي واهلي تاني كلشي من جيبهم مصرفت والو من دراهمي دورو ماجبدتوش بابا لحاجة لي نقول خاصتني يجبهالي اما ماما خير الارض كامل شراتهولي مخلاوني نتخص في حتا حاجة الحمد الله ربي يحفظهملي
عبد الرحيم : قعدت مع يما وبدينا لحسبات وقديان جيب هاذي ما تنساش هذيك منا ملهيه كل ما نقول خلصت تظهر حاجة ستر ربي معيا صحابي رضا وكرم عاونوني بززااااف هذو هما عروسات دزاير هههه
*اسبوع قبل العرس 😍*
ميلو ⬇️⬇️
الاحد : نضت صباح فطرت لبست روبة سامبل
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
كملت رحت عاونتهم باه حطينا كامل فراشي في صالون وماما ومامات كوكي و نسا خوالي و عماماتي كامل كانو يوجو و يطيبو في رفيس زيراوي حتان جاو 2 فرقونات وطموبيلات فيهم لكبار و لي جان كامل من بينهم كرم و رضا طلعو كلاو رفيس وشربو اللبن وشربو القهوة مع القاطو وتوكلو على ربي بداو يهبطو فالفراش لي محبش يخلاص ههههه
