ميلو : جاز يوم هبال اييه وي كبرنا و ولينا مخطوبين سبحان الله حطيت راسي على لمخدة و غرقت في احلامي شحال حابة نكون عروسة وعلى اسم حبيبي مي دوماج قرايتي لازم نكملها ، قعدت طلع هبط وما فقت كيفاه رقدت , غدوا من ذاك دخلت من لقرايةصبت ميمتي و باباتي ( اهل عبد الرحيم ) عندنا تشوكيت رحت بدلت حوايجي و لبست جبة مستورة وسقمت روحي ⬇️⬇️
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
رحت قعدت معاهم وحمد الله كل مرة يشوفوني فيها يمدحوني وانا ديما على طبيعتي نتصرف عادي نتمهبل منا بصح مقادرتهم كيما والديا ، شوي هكا نطق باباتي موجه كلامو لبابا قلو والله يا خويا بنتك ولات بنتي وحنا رانا حبين تهز اسم عبد الرحيم نعقدولهم شهر لجاي ومنا على عامين ولا ثلاثة نديرو العرس والديا عجبتهم وقبلو اصلا بنسبة ليهم سعادتي اهم . حرت فالقرار مفاجئ ما كنتش متوقعتو كامل بصح قريب نطير بالفرحة واخيرا راه نولي على اسم خنفوسي كشرودي ههههه
عبد الرحيم : روحت عقلي عند ميلو لي راني هابل عليها ومش قادر نزيد نصبر وقعدت نطلع ونهبط و قلت لازم نعقد عليها وتولي مرتي وباسمي وهكا يبقالنا غير العرس ، رقدت وانا نحلم بيها مرتي وحلالي لغدوا صباح هدرت مع يما و بابا قتلهم بلي حاب نعقد عليها ونديرها مرتي والعرس يكون من على 2 _ 3 سنين بين ما نخدم ونرفد روحي وهي توجد روحها . طبعا عجبتهم فكرة وقبلو ولعشوا من ذاك راحو لدار نسابي و هدرو معهم وفرات على خير وبالقبول ورضا حمدالله بقالي شهر وتولي مافام
كوكي : قعدت مقابلة طاقة نخمم و نحزن منين نتفكر كرم غدوا فليل يرجع لتركيا حتان وصلني msg من كرم قالي بلي كل عطلة يهبط يزورني والعرس راه بعد 5 انشاء الله بين ما نكمل قرايتي هنا و تخصص نديرو في تركيا ،قتلو بلي حتا انا تساعدني باه نتعرف عليك مليح ، نضت صباح فطرت وتحفت روحي باه نتلقى بكرم ونودعو ⬇️⬇️
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
تفاهمنا نتلاقاو في jardin وكيما كان الحال لحقنا كيفكيف دخلنا هدرنا شويا عجبتني عقليتو وحبيت نصارحو قبل ما يروح خرجتهالو ملخر قتلو كرم انا قبلت بيك ومنا بصح راني منحبكش وما عندي حتا مشاعر تجاهك متسناش مني نكون كيما بنات لوخرين bb و ... انا كي نحبك ونتأكد ثم نقلك وراني حابة نكون صديقة مقربة ليك حتان تسرق قلبي وانشاء الله ماتكونش زعفت مي انا نحب نصارح باه علاقة تنجح وتستمر قالي شرف ليا صديقك فرحت بزاااف كي تفهمني ومرجعنيش والله صح راجل وعليه لكلام با ربي اعطيه بلاصة في قلبي يتربع عليها
كرم : رحت درت شويا غدوا نرجع لتركيا وكوكي نخليها هنا بففف وليت خممت كل عطلة نهبط لدزاير و بعد خمس سنين نزوجو و تكمل تخصص تعها في تركيا معيا ، عجبتها الفكرة خاصة عندنا الوقت الكافي باه نتعرفو على بعضانا b1 ، تفاهمنا نتلاقاو في jardin باه نودعها ⬇️⬇️
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وصلنا مع بعض دسرنا شوي حتان خزرت فيا بكل ثقة وقاتلي بلي متسناش مني نكون كي لبنات لوخرين على خاطرني مزال منحبكش و كلمات دلع انا نقولهم غير نحبك ونتأكد من مشاعري هكا ما نعيشك في اوهام ما تسنا مني شوق وحب وغرام وطلبت مني نكون صديق مقرب حتان نقدر نسرقلها قلبها ، من داخل زعفت بصح تاني فرحت على خاطرها صريحة بزااف كبرت في عيني وعجبتني وقتلها شرف ليا نكون صديقك ومن بلاصة هاذي بدات حكاية صداقتنا وتقربنا لبعض
صحا صحوركم حبابي وحباباتي وشكرا على تعليقات وتشجيعات ولايكات حفظكم انشاء الله ❤❤
