عبد الرحيم : حليت عينيا مع الفجر صليت و قعدت نقرا فالقران حتان ل 8:00 جا كرم و رضا خرجنا قدينا شويا و من ذاك رحنا للحفاف درت تحفيفة لي تبغيها بيتازتي(ديكرادي ) ⬇️
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
و روحت صبت هرج فالدار عالى خاطر الحنة تاعي و تاع حبي ايا بعد المغرب راحو 4 عجايز كبار ويما وخالتي عند ميلو داولها لجهاز ( قفافة ) وعماتي وخلاتي و... قعدو يوجدو دوارة وسلاطة وحميس و عنب و لبن وزيتون و خبز ، بعد شوي وقت بدينا نعشيو فالمعاريض كي كملنا طلعت لدار لبست كوستيم ⬇️
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
رحت لصالة عند ميلو كنت مشوق بزاااف نشوفها ، غير وصلنا دخلت متسارع ههههه (لهفة الحب ) قالولي راهي فالبيت تستنا فيك رحت ليها دخلت ااا ربي شحال راهي زلة هي تاهت فيا وانا منحكيوش كن صبت ..... قدمت ديراكت حضنتها قدام كوكي و زهرة ويماها ويما نسيت روحي كامل من بعد جات فوتوغراف خرجتهم وقفلت لباب و بدات تصور فينا مرة تقولنا حضنو بعضاكم مرة حط يدك على خصرها وكل مرة عفسة وانا طبعا عجبتني واستغليت الفرصة هههه ، كملنا شدينا في بعضانا وخرجنا للابيست ونساوين راهم غير الله يبارك وتاو بعضاهم و... قعدنا قطعنا لابياس مونتي وحلوفة تاعي شيطت بيا وهي تتبهلهل باه وكلتلي قاطو وزدنا شربنا بعضانا جيو ولبسنا لخواتم وهنا جا وقت شطحة جبدت رضا قتلو يروح ل DJيقلها تطلب من ميلو تغني وكيما كان الحال نضنا نشطحو وهي تغني( صوتها حنين ومليان احساس ) وتخزر في عينيا من بعد دورناها شطيح عل راي وسطايفي هههه وهي حلوفة بردت قلبها فالشطيح وانا راني غير نكحل عليها و على كل تفاصيلها ،كنت بزاااف فرحان و زاهي حمد الله يا ربي
كوكي : مانيش مامنة ليوم عرس زوج مهابل هاذوك ، رحت للحفافة مع لعروسة مشطت و مكياتلي
