ام ميلو : ميلو اااا زبالة نضي او راح لحال ليوم عرسك يعطيك ربح انشاء الله اي وراك حفافة و ألف حاجة
ميلو : راني نضت صاي متعيطيش عيشك ، رحت فطرت و دخلت درت دوش على اصولو بين ما جا خويا داني للحفافة مكياتلي فووور سامبل كيما نحب و زدات مشطتلي ( قتلها تخليهولي مطلوق باه منتعبش فليل كي نحلو ) و لبستلي روبة تاعي ⬇️
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
خرجت بزااف شابة عيطت لخويا يجي يديني و فنفس الوقت كوكي و زهرة يلبسولي فالحايك على سترة و حفظ من العين مكانت ربع ساعة جا خويا خرجتلو قعد يخزر فيا وعينيه بالدموع بصح تحكم في روحو و قالي اااع جيتي تعيفي وراني نكذب والله ،نضت نصحك و هو هولها بالغناء وكلاكصون وصلت للزنقة هبطت من طموبيل شفت قاع نساء جيرانا في البلكون يزغرتو و يرمو فالورد و سانوج طلعت لدار بسييف بطالون mais مزيا كوكي و زهرة معايا هزولي روبة دخلت طول قلت : ماما جعت هيا حطيلي نوكل باسك من ليوم راح نتوحش طيابك لي ما يشبه لوالو ههههه ، قاتلب : ايا طيري خلي روحك عروس مسكين نسيبي راح يهبل ههههه قعدنا نضحكو غبر باه نتغلو على دموع لي في عينينا ، حطينا لغناء شطحنا مع بعض شوي هكذا عيطلي خنفوسي قالي اني قريب نوصل حبي قلت لكوكي تجيبلي فاليزتي تاع ليوم في ليل
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
تغدينا بين ما جات Dj و زرنة وضياف شرفونا بالحضور قاتلي يما روح جيب لعروس ، شفت كامل لي حابين يروحو كرتاج ركيتهم ف طموبيلات و صحابي كامل شرطت عليهم طفاطف (درجات نارية )كيما حلمت( يكون 4 طموبيلات شابين وتاع لعروس اخر صيحة والباقي كامل مطوات )
ميلو : سمعت كورتاج بديت نرجف جات زهرة لبستلي برنوس حتان نشوف في حبي دخل باسلي راسي وحكملي يدي باه نهودو وهنا جات اسوءلحظة وهي نودع ماما وبابا و خاوتي بابا كان غير يبكي و يدعيلي وماما تقولي تهلاي في راجلك و دارك بنتي راح نتوحشوك وخويا يبكي ويقولي من ليوم معنديش شكون لي ندابز معاه و نخسرلو حوايجو و فراشو وندي سبان من عندو معنديش شكون لي نحكيلو زبايلي و هو يخبي عليا حضنتو وقتلو رانا في بلاد وحدة 5 دقائق وتكون عندي و رزان دارت حالة بالبكاء ، شدني عبد الرحيم من يدي يصبر فيا حتان وصلت لباب دار حط بابا يدو خرجت من تحتها على زرنة (شكوة ) لحقتني ماما بطاس لماء فرغتو ورايا و الدمعة في عينيها
عبد الرحيم : طلعت نجيب عروستي غير شفتها زاد هبالي بستلها راسها من بعد قبل ما تخرج ودعتهم كامل كانت لحظة حزينة ولي استنتجتو بلي بلاصت ميلو وحدها و كامل يحبوها غاضتني بزااف وصلنا لباب دار حط باباها يدو على باب خرجنا تحتو بزغاريت و دموع الفرحة
ميلو &عبد الرحيم : ركينا فطموبيلات بضحك ولعب عدينا jardin صورنا و رحنا لصالة
ميلو : في دخلة جات ميمتي (ام عبد الرحيم ) وكلتلنا تمر و حليب دخلنا شطحت انا وحبي على بلال صغير * قصة غرام * من بعد قعدت وضايف كل دقيقة تجي وحدة تصورني ولا تصور معيا وانا بردت قلبي بشطيح هذي فرحتي ولازم نعيشها ، لحق ليل بداتني الخلعة وتخمام يدي و يجيب ( زعما توجع ولا نن ) جات ليا ميمتي و كوكي قالولي هيا بنتي عريس او جاي يديك انا صفرت و حشمت اما الحلوفة تاع كوكي ضحكتلي ضحكتها لي تخزفني و ميمتي قاتلي ما تخفيش بنيتي ، يا ربي وشنو هذا حبطت راسي مقدرتش نرفدو حتان نسمع في خنفسي يقول يما عروستك حشامة شوفي كي ولات هههههه من بعد هو راح جال فاليزات وخرجهم لطموبيل وانا قعدت نقول لكوكي راني ميتة بالخلعة قاتلي روحي دكا معاه وذك نزيد شوي نعيطلك باه تهربي منو ههه قتلها اااا وي عجبتني انتي اختي نحبك ايا ادعيلي باي غدوا انشاء الله وخرجت ليه لقيتو يستنا ركبنا طموبيل وقلعنا
عبد الرحيم : قعدت برا حتان روحو كامل و رضا وكرم هبلوني ب *اااحلوف ليلة فرحتك بصحتك خو* وليت دخلت للبيت وين ميلو باه نروحو لدارنا ونفريوها 🔞سمعت يما تقلها ما تخفيش يا بنيتي ( ااه يا يما راكي تمهديلها بلي ولدك مهبول عليها )و هي مسكينة حبة طماطم في روبة بيضاء ، نطقت : يما عروستك حشامة شوفي كي قلبتيها هههه من ذاك هزيت فاليزات ديتهم لطموبيل شوي هكذا لحقت ميلو تضحك باينة كوكي شيشما قاتلها ركبنا فلوطو وتوكلنا على ربي سبحانو
ميلو & عبد الرحيم : نحمدوك يا ربي لي جمعتنا وحققتلنا حلمنا وفرحتنا . ميلو :انا صبرت و تحديت .عبد الرحيم :وانا تعبت ووفيت و تحديت . وحمد وشكر لربي جازانا بوش تمنات قلوبنا
حبابي صحا فطوركم و الف مبروك على تلاميذ سنكيام لعقوبة للبيام و باك انشاء الله 😚 متنساوش تعليقاتم على علاقة ميلو و عبد الرحيم ؟
