إغتصبتك عمدا و أنا أسف

شابتر 1

كانت قاعدة تصلي وتدعي باش ربي يفرج عليها كربتها و ينتقملها من لي كان سبب في تعاستها و تدمر مستقبلها ،،،،،، حتى دخلت عليها أختها و بنت خالتها و عشيرة عمرها ""شهيناز""" لي وقفت معاها فالحلوة و المرة
شهيناز ::: #إشراق عمري نوضي كولي زوج لقمات وكيلو ربي لي عملك هك كولي في خاطري تعيشي إشراق تعيشي ،،،،
تحكي و تبكي و إشراق كيف الجهامة ، جثة بلا روح قاعدة غير تدعي و دمعتها على خدها
وتقول:::<< إن شاء الله تخلص فالدنيا قبل الآخرة >>
إشراق هذي طفلة كيف كامل لبنات ربي عطاها زين يهبل و جاه و مال كانت من القماقم كيما نقولو حنا mais malgré tt كانت إنسانة ملتزمة خاطيها الدخلات و الخرجات و متواضعة و بسيطة ماشي كيف هاذوك لي شايفين روحهم بدراهم باباهم
إشراق كانت طفلة بلوندة طويلة محجبة شعرها كحل طويل كيف الليل شفايفها غوز من عند ربي و عينيها ياماميي 😍😍😍 خضورة يهبلوووا كانو فـ la fac يعيطولها غير القطة كانت حلوة اللسان تعرف تهدر .

إشراق كانت تقرا هندسة معمارية تخرجت و دبرلها باباها خدمة بالمعريفة و ولات تخدم فواحد البيرو mais كان البيرو بعيد على دارهم
كانت عايشة مع باباها و يماها و ختها #ليندة و خاوتها التوأم الصغار #يوسف_ويونس و بنت خالتها شهيناز خاطر والديها متوفيين و كفلتها خالتها psQ غير هي لي بقاتلها من العايلة
شهيناز كانت مخطوبة ل "أمين " وليد عم إشراق شافها وعجباتو و خطبها و dissidaw باش يتزوجو في بداية شهر فيفري
ليندة كان عندها #باك و التوأم كانو سنة رابعة إبتدائي يعني إشراق هي الكبيرة فالدار

إشراق كانت مخطوبة ل"نذير" إنسان ربي عطاه زين و مال و جاه و نسب و هو وليد ناس بزاف معروفين mais malgré tt هو كان من اصحاب الدراهم حب يبني حياتو وحدو بلا مايعتمد على دراهم باباه و على معريفة عايلتو و فعلا نجح و هاذا ما حبب إشراق فيه و قبلت تنخطب ليه و أعجبت بيه