إغتصبتك عمدا و أنا أسف

18 شابتر

بعدما ايوب مسكين كمل الفريس كان رايح يرقد حتى حبساتو
إشراق و قالتلو::: وين راك رايح وين
ايوب::: رايح نرقد لاه غير الخير
إشراق::: هههه والله ضحكتني روح ترقد منهيه و لا نقولك روح عند أنجلينا المحامية تاعكpsQنتا ماترقدش معايا ايا أخرج
هو راح تكسل و قالها::: نرقد هنا و هاذيك انجلينا لي راكي تحكي عليها عندها راجلها ترقد معاه
واش راكي حابتها هي و راجلها يهدروا علينا كي نروح نرقد معاهم
إشراق نسفت وقالت بصوت عالي::: اووووف يا لسقة اووووف و رفدت وسادتها و خرجت
اما أيوب راح تبعها و هوتان كان رافد وسادتو
دخلت للصالو لقاتو موراها ايا عاودت ولات لشمبرتها حتى زاد تبعها و غلقلها الباب بالمفتاح و قالها ::: ايا روحي ترقدي ازربي
هي:::. معاك impossible
هو جا باش يرفدها ممبعد تفكر الفيل و لي قدامو ايا ولا يطبع فيها خاف يطيحها كي يرفدها حتى وصلها للفراش و قالها:::: ترقدي ضورك ولا نعيط لباباك نقولو يحبسو ما يجوش على سمانة
هي:::: اااااه واش راك تقول راح يجو
هو :::: ههه ايه راح يجو و لوكان ماترقديش و تخليني نرقد و لوكان ماتريحيش عاقلة نقولهم ما يجوش و مانستقبلهمش
هي راحت تجري ترقد و
قالت::: اففففف طفي الضو يا السامط
هو ضحك و طفا الضو و جاراح يتكسل
حتى سمعها تقول :::: وين راك جاي
هو ::: وين يعني نرقد
هي::: يخي حابس علابالي ترقد بصح افتح الباب قبل
هو::: سامط و حابس اوااه قرعتيها و ناض فتح الباب و عاود ولا يرقد
هي روماركات بلي ماراهش مليح و بلي زعما لعبها زعفان psQ هي كي كانت ترقد معاه يرقد و هو معنقها
اما اليوم دور وجهو عليها
هي ما لقات ماتدير
راحت عنقتلو ظهرو
و قالتلو:::: ايما على الزعفان
هو دار لعندها و باسها في فمها و
قالها:::: تسكتي و لا نزيدلك وحدة
هي حشمت و عنقاتو و رقدت

غدوة منداك الصبح بعد ما خدمت شغلها ديسيدات تنتقم منو

فالليل بعد ما تعشاو قعدو يتفرجو حتى
قالتلو::: ايوب روح جيبلي نشرب تعيش راني ميتة بالعطش
هو :::: اففففف تعيي
ممبعد ناض مي وصل للكوزينة
سمعها تعيط
و. تقول::: ايييييووووووب اجري ليا راح نولد هنا أيوووووب يالبغل وين راك
أيوب كي سمعها راح يجري لعندها و
قالها::: كيفاش راح تولدي ضوك مازالك سمانة باش تدخلي الشهر التاسع
وهي تعيط:::: يالبغل راني راح نولد و نتا راك تحسب ايووووووووووب كرشي ايووووووووووب
هو مسكين كان راح يمموت بالخلعة
هو غير وقفها باش زعما يديها للسبيطار
سمعها تقول::: بعد نمشي وحدي و راحت لشمبرتها باش ترقد
أيوب كيشغل واحد دفق فوقو كاس ما بارد
جا باش يرفد يدو عليها ممبعد راح ضربها فالحيط و خرج يجري خاف لا كاش ما يدير فيها
إشراق كي شافت أيوب رفد يدو باش يضربها عرفت بلي راهي مخسرة بزاااااف و كي شافتو خرج عرفتها عماتها
قعدت تستنا فيه طول الليل مي هو ماجاش و هي تقلقت عليه مع الاول كي كانت تعيطلو كان مايريبونديش ممبعد ولا تيليفونو مغلوق
إشراق قلبها قريب حبس من خوفها عليه
سهرت سهرت و هي تستنا مي ماجاش
ناضت غدوة منداك الصبح ما خدمت لا شغل لاهم يحزنون قاعدة غير تعيطلو و واقفة فالبالكو تعس فيه اذا جا بصح هو لا ريبوندا لا جا
إشراق قاعدة غير تبكي راحت عيطت ل شهيناز و حكاتلها خاطر هي بيت سرها
كي قالتلها واش دارت و كيفاش كانت الغيياكسون تع أيوب
شهيناز لامتها
و قالتلها::: الشح فيك هذا كامل من خدايمك لاهلك بيه اللعب السامط اندبي راكي ضيعتي الطفل من يدك
إشراق كوبات و كملت بكاها حتى سمعت الباب انفتح
راحت تجري عندو و عنقاتو بصح هو بعدها عليه و مشا
هي::: ايوب وين كنت هبلت و انا نعيطلك وين بت
هو كيف الحجرة دار روحو ماسمعهاش
هي:::: ايوب راني نهدر معاك جاوبني علاش راك تدير هكا
هو مايجاوبش
راحت لعندو و ضرباتو على صدرو
و بدات تبكي و
تقول:::: علاش هكا علاش النوم ماذاقش عيني و انا نخمم ونقول وين راه ولا كاش ماصرالو و نخمم اذا كاش ما صرالك كيفاش رح نعيش انا و ولادي و كيفاش راح نتحمل تأنيب الضمير و نخمم بعد ما والفتك كيفاش رح نقدر نعيش بلا بيك بعدما سامحتك و بديت نحبك راك تديرلي هكا
و عنقاتو و زادت فالبكا

هو عينيه تعباو بالدموع مي مانزلهمش و بعدها عليه و خرج
اما إشراق مسكينة شبعت بكا و رقدت في لامام بوزيسيو لي خلاها أيوب فيها

فاقت إشراق مع 3تع الصبح لقات بلي أيوب ماكاشو ايا راحت بدلت بلاصتها و راحت رقدت في فراشها
بعد جوايه نص ساعة سمعت باب الشمبرا يتفتح شافت أيوب ر وسادتو وغطا و كان رايح
قالتلو::: ايوب وين راك رايح
هو جا باش ينطق حتى سمعها
تقول::: راح تخليني نرقد وحدي
هو::: تحملي نتائج أفعالك و راح و خلاها
إشراق بدات تبكي حتى داها النوم
اما أيوب كان قاعد يسمع في بكاها مور الباب و قلبو يتقطهدع عليها
مي هو راه يديرلها هكا باش يعلمها بلي اللعب السامط يوصل لعفايس ماشي ملاح