إغتصبتك عمدا و أنا أسف

شابتر 4

حلت عينيها لقاتها 3 تع الصبح لقات أيوب يبكي و في شافها ناضت
قال لها::: سامحيني إشراق والله غير نبغيك سامحيني
هي ماخسرت عليه حتى كلمة قالتلو ببرود ::: علاش انا واش ذنبي علاش
هو كان غير يبكي ،،، هي بدات تعيط (تصرخ)
و قالتلو ::: كنت عايشة لاباس عليا كنت بخدمتي و كنت مخطوبة و راح نتزوج جيت نتا متلي كامل حياتي علاجال تحبني هكذا الحب يا رخيس هكذا
ايوب ::: انا والله غير نبغيك و كي سمعت بلي تخطبتي قريب هبلت ،،، نتي عجبتيني من نهار قرينا مع بعض و انا صارحتك و نتي رفضتيني في بالك باش نتمسخر بيك و أنا والله حبيتك و نويتك حلالي إشراق سامحيني سامحيني ،،،،
هي ::: ايوب اخرج و زادت في صوتها أخرررررج الله لايسامحك
هو جا خارج و قالها راح نتزوج بيك و نتي راح تقبلي انا في حياتي ما راح نقبل بلي و ليدي يعيش يتيم بلا أب و اذا ماقبلتيش راكي عارفة بلي اذا سمعو الناس بلي بنت سي مراد جابت ولد بلا بابات واش راح يصرا راح يطيح اسمو فالبلاد و راح تفلسو وتدمري حياة باباك و يماك و حباة خاوتك ،،،
خمي مليح و نهار الثلاثاء راه نجي نخطبك رسمي و الخميس لي موراها بالسمانة باش نعقدو فالبلدية و تولي مرتي و تجي معايا للدار و خرج و خلاها تبكي و تسب فيه و في زهرها
غد من ذاك جا باباها بعد ماعيطولو جماعة السبيطار لي وصاهم ايوب باش يعيطولو
قالتلو :::بابا انا جا لي غتاصبني و أعترفلي و راني حامل منو
قالها سي مراد ::: ايه بنتي علابالي سقسيت الطبيب عليك و قالي
بابات إشراق غير سمع بلي بنتو راهي حامل كي شغل سكين ونغرست فقلبو كان يحكي بصوت كلو وجيعة و دمعتو في عينيه mais مانزلهمش و مابينش وجيعتو هاكذا هو سي مراد دايمن يتصنع القوة حتى في أشد الظروف
إشراق كانت فايقة بباباها و كملت هدرتها
و قالت :: بابا انا راح نتزوج بيه في خاطر ولدي و في خاطركم خاطرش قالي لوكان ما تقبليش الزواج بيا ،، باش يسمعو الناس بيك و باش يطيح اسمك بابا و باش تفلس و باش يتدمر مستقبل خاوتي
باباه كان رافض و قالها ::: مستحيل باش نقبل تعيشي معا ذاك الخامج
إلا أنو إشراق اصرت على رايها
و قالت ::: بابا سامحني باش نكسر كلمتك mais انا راني موافقة باش نتزوج بيه في خاطركم و خاطر ولدي انا مانيش قابلة باش يعيش يتيم بلا أب ،،، مي والله مانعيفو في حياتو وندمو مانكون أنا إشراق بنت سي مراد ماتخافش بابا راني تربيتك
باباها قبل خاطرش شاف اثرار بنتو و ماحبش يكون سبب في تيتم ولد ما عندو حتى ذنب في خطأ بوه
لحق نهار الثلاثاء و جا أيوب يخطب مع خالتو و جداتو بحكم والديه متوفيين و عائلة باباه سمحو فيه خاطر باباه كتبلو كامل الأملاك بإسمو قبل مايموت و خالتو و ماجابتش ولاد عليها رباتو المهم
جاو و كان حاط الحطة كوستيم فـ Bleu nuit جاه يهبل المختصر المفيد كان بقلاوة معسلة مقطرة
أما إشراق مسكينة كلي يوم موتها ماحبت تستيكي ولاتشبح روحا
مشيانة و عينيها منتفخين من البكا psQ من نهار لي سمعت بلي راهي en7( حامل) و هي حاطة يديها على كرشها و تبكي حتى وصل بيها الحال باش تطيحو mais يماها فهمتها بلي هاذا قضاء ربي ولازمها ترضا بيه و الحمد الله تقبلت وضعها
المهم هي لي يشوفها يقول عليها "زومبي " كيفاش كانت وكيفاش ولات فرق شاسع
تخطبت ل أيوب و وفتحو و ولات مرتو الشرعية قدام الناس مابقا غير يعقدو فالبلدية و خلاص.
خطبة كومبلي و اشراق ماشي حاملة ايوب تتقزز منو على مقولتها

Vote ⭐ + commentaire 💭