إغتصبتك عمدا و أنا أسف

شابتر 9

و قالها ::: اذا حبيتي نزيدلك couche واحداخر ماتعاونينيش انا pour moi normal ماعنديش إشكال مانعرف نتي
هي عكرت فيه و بدات تسبغ
هو قرب ليها
و قالها فوذنها ::: قلتلك اذا ما كليتيش يا ويلك AloR خلصي
راح يسبغ معاها
كي شافت إشراق بلي راهم قريب يكملو
عمرت ال pinceau بالسبيغة و راحت مسحاتو فظهر أيوب و هربت تجري و أيوب يجري وراها حتى شافها طاحت
راح يجري لعندها رفدها دخلها الفيلا دارلها الثلج على رجلها باش ماتنتفخش و ربطهالها و هي تبكي شاف فيها
و قالها :::: شتي اللعب الجايح وين يوصل
أما هي قعدت غير تبكي راح أيوب جابلها الماكلة كلات و رقدت
أما هو مسكين خمل الدنيا و غسل الماعين و راح يتفرج
فاقت مع العشية رجلها ماكانش يوجع راحت لشامبرت أيوب جابت سروال و تريكو
و دخلت دوشت و لبستهم
كي شافها أيوب بدا يضحك
و قالها ::: اييه والله حوايجي جاوك قيس قيس يادرا كي تولي فالشهر الثامن كيفاش تولي اذا ف الثاني و راكي هك
هي عكرت فيه و حبطتلها الدمعة mais في ساع مسحتها و راحت
هو تبعها و كان يتبسم
و قالها ::::شوفي انا داويتلك رجلك و لبارح عنقتك كي كنتي خايفة normalement نستاهل مكافأة
و كمل هدرتو و قال ::: راني حاب ناكل مقارون بالبيشتمال كيما لي درتيها ديك الخطرة psQ المرة الأخرة ماخليتيليش بزاف تعييييييييييييييييييييييييييشي إشراق ديريها لي و الله راني ساخف عليها والله في خاطري في خاطر ولدي
إشراق بدات تضحك من طريقة كلامو لي كأنها يترجا فيها
و قالت ::: انا المرة الأخرة ماخليتلكش بالعمد طيبت و جات بالزايدة و en + مانطيبلكش نتا تعرف غير تهدد فيا ،،،، خلي تهديدك ينفعك و راحت وخلاتو
هو زعف و تقلق mais كالما روحو وراح خرج الكلاب يدور بيهم و منها يجيب شوية حطب
إشراق غير شافتو خرج و خرج مزعف psQ طربق الباب موراه
غاضها و سخفها ايا دارت النية و بدات تطيبلو
كي طيبت و كملت و خملت و غسلت الماعين حطتها تبرد فالطابلة بعد ما وجدتها فالصالوا و راحت لشمبرتها
أيوب كي ولا دخل و شاف الماكلة محطوطة فرح و خمم لي هي خمت فيه و دارتلو على رايو
قعد يحوس عليها حتى طلع لعندها لقاها حاطة يديها على كرشها
تهدر و تقول ::: اييه و يزيد يهدر {{يدرا كي تولي فالشهر الثامن كيفاش تولي اذا نتي فالثاني و راكي هك}}««كانت تعكي فيه»
هذا كامل سبابو و بدات تبكي و تقول ضك نسمان و مانوليش شابة و يخرجولي تجاعيد
ممبعد دخل لعندها و رفدها يدور بيها ممبعد حطها
و قالها ::: اييه و دوك تزيدي تسماني و نولي نعيطلك دبدوبتي و يولو الحوايج مايجوكش و انا نقعد غير نضحك عليك و كل غرام تسمانيه و تزيديه فالميزان راح نزيد نحبك انا كثر و كثر و باسها بوسة ف شفايفها خلاها دايخة و خرج يغني و يسوطي
إشراق مسكينة قعدت باهتة فيه و في تصرفاتو و في كلامو
و بلي هو صح يحبها لا يعشقها و شوية عليها
أيوب راح ياكل كلا نص ال moule
ممبعد هبطت إشراق باش تاكل لقتو ماخلاش يا ربي كان زوج لقمات
خزرت فيه كي شغل متفاجئة و متسائلة
ممبعد قالتلو :::: وين راهي الماكلة واش ناكل انا ضرك يالجيعان رحيتهت كامل jamais كليت؟؟؟
هو بدا يضحك ممبعد
قالها :::: ايييه والله كليت حتى انتفخت ،،،إنتخمت ياجدك وواش بيك ياو هاذي ماكلة مرتي لي صافي راني محروم منها شهرين راكي عندك الزهر خليتلك شوية باش تسماني و نزيد نحبك انا كثر
وراح لشمبرتو دوش و رقد
إشراق راحت كلات شوية و خملت قعدت تتفرج ممبعد رات رقدت
غدوا منداك الصبح فاق أيوب راح يجري شوية دار سبور و جا ممبعد خمل كامل الدوزان باش يرجعهم للقاراج تع الفيلا
و راح دوش و لبس و طيب الفطور فطر و خرج للجنينة يقعد
أما إشراق ناضت دوشت و عاودت لبست حوايجها بعد ماغسلتهم فطرت و خملت و كان قالها أيوب بلي راح يولو الفيلا
وجدت غدا خفيف و حطاتو
أيوب كلا اما هي ماحبتش تاكل
المهم هوما عاودو ولاو الفيلا و طريق كومبلي و هي تتقيا و أيوب يعرش كي عوايدو
جازو اليامات و ولات إشراق فالشهر الثالث داخلة للرابع
خطرة كانت قاعدة ف الصالو تتفرج فالليل حتى دخل عليها أيوب هي كي شافتو دخل جات خارجة حتى سمعاتو
يقول::: ريحي نهدر معاك
هي ماقيماتوش و جات خارجة حتى سمعاتو
يقول:::: إشراق أ ربببك راني نهدر معا قسامك ريحي
هي خافت و ولات ريحت
قالها أيوب:::: رانا طالعين لفرانسا بعد 5 أيام و راح نعيشو و نستقرو تما قريب عام حتى نفري كواغطي تع الملك بلاك حتى تولدي ساديبو وراح غدوة نديك لداركم و بعد يومين راح نجي نجيب لدارك باش غدوة منداك الصبح نقلعو فالطيارة
و عكر فيها و رفد صبعو يهدد فيها
و قالها:::: و ماكاش إعتراض أما و الله العظيم و ماتحبيش تطلعي معايا غير راني ندير حوايج غير يخلصو فيهم غيرك و راكي تعرفيني اذا حطيت حاجة في راسي بلي نديرها سيك نديرها ،،،، و راكي شايفة أكبر دليل قدامك على خشانة راسي و ماتخافيش رح نهبطو دايمن للدزاير كل فترة نجو كل مانكمل اشغالي و كواغطي تع الملك تاعنا تع لفرانسا راح نهبطو
و اذا بيك على عرس شهيناز راح نهبطو شهر من قبل نتي راح تريحي معا داركم وانا نعاود نطلع و نهار العرس نجي و نريحو 20 يوم بعد العرس و نولو لفرانسا
ممبعد خرج و خلاها غارقة في دموعها راحت عيطت ل شهيناز و حكاتلها واش قالها أيوب
وهي كالماتها و فهمتها بلي راح يقعدو حتى يفرو الكواغط و كلش و بلي راح تضل تجي للدزاير و باللي المهم راح تحظر عرسها