إغتصبتك عمدا و أنا أسف

13 شابتر

راح هو باش يتعشا اما هي مسكينة راحت لبست أكثر حاجة مستورة عندها psQ كي راهي رايحة ترقد مع أيوب ماحبتش تبين جسدها قدامو باش ما تثيرلوش غريزتو

ايا هي راحت تلملم الكوزينة بعد ما كمل أيوب ماكلتو
أيوب كي شافها حار فيها علاش راهي لابسة هك خاطرش هي موالفة تلبس نورمال ديما بيجامة jamais لا لبست جبة
المهم هو مادارش حير راح دوش و حكم بلاصتو و رقد
اما هي بعد ما كملت شغلها جات باش تفتح الباب تع الشمبرا بصح كانت مترددة أيا دارت القلب و دخلت
هي شافت بلي أيوب كان راقد إرتاح بالها شوية مي هي غير حطت راسها على المخدة تفكرت كامل واش دارها أيوب
أيا حكمتها هيستيريا تع بكا حتى فاق أيوب مخلوع
قالها ::: واش بيك علاش راكي تبكي
هي قعدت غير تبكي و
تقول ::: ماقدرتش ماقدرتش
و خرجت تجري من الشمبرا
أيوب تفهمها و عرفها بالي تفكرت إغتصابو ليها
المهم هي راحت تجري حكمت فراشها وين موالفة ترقد و راحت رقدت طول
اما أيوب مسكين النوم ماذاقش عينو و هو يخمم فيها و يخمم كيفاش ضلمها معاه ايا بعد هذاك التفكير المطول قرر باش يقدم الرحلة نتاعهم في بلاصة بعد سمانة يرجعها بعد يوم
و بالفعل غدوة منداك ناض الصباح بكري راح بدل موعد الطيارة و عاود و لا لقاها غير مافاقت كانت لابسة حوايج الصلاة باش تصلي
شاف فيها و
قالها بصوت معمر بالحنية:::. راني بدلت موعد الطيارة و رجعتلها غدوة على 9تع الصبح alors ماكلاه تطيبي اليوم و لا تخملي روحي غير وجدي روحك و وجدي دوزانك و فاليزاتك
هي هزت براسها تع اي و راحت صلات
بعدما صلات و بدات توجد في فاليزاتها تفكرت بلي ما شراتش des cadeaux ل فاميلتها و فاميلتو و ال cadeau تع عرس شهيناز و اهم حاجة انها ما شراتش روبة باش تلبسها في العرس
قعدت تخمم كيفاش تدير اذا تقول ل أيوب ولا لالا
ايا راحت و دارت القلب و دخلت لعندو لقاتو يلعب ب la tablette
قالتلو بطريقة
تع وحدة حشمانة ::: أيوب راني حابة نطلب منك حاجة
هو حبس لعب
و قالها ::: oui أهدري غير الخير
هي ::: انت قتلي بلي غدوة نحبطو للدزاير و أنا ما زال ماشريتش les cadeaux تع فاميلتي و وتع فاميلتك و مازال ماشريتش ال cadeau تع شهيناز....
ممبعد سكتت و كملت هدرتها ::: وانا ماعنديش روبة باش نلبسها فالعرس ،، حوايجي كامل مايجونيش راك تشوف حالتي كيفاش ولات راني غير نسمان و نتكور و نزيد
أيوب بدا يضحك ممبعد
قالها::: هاذا ماكان ،، على جال هاذي راح تترتقي بالحشمة ،،، خلاص روحي وجدي روحك و امشي نروحو نشريولك روبات و نشرو les cadeaux و كامل واش تسحقي
إشراق كي سمعاتو واش قال
سوطات عليه عنقاتو
وقالتو::: اه ميرسي ميرسي ميرسي ميرسي ميرسي نتا هايل يا سامط و خرجت تجري
راحت بدلت حوايجها و خرجت مع أيوب
اول حاجة خرجت شراتها راحت ديركت للمكياج و les accessoires شرات واش تحتاج و خرجت
كانت تتمشا مع أيوب حتى سمعاتو
يقول ::: اسمعي يا مرا راكي حابة تشومريني نتي ديجا عندك الدنيا مكياج فالدار و زدتي عليهم هاذو و كل صباح تصبحي عليا وجهك صفر
هي حبست المشية و قعدت تعكر فيه
هو بدا يضحك و قالها ::: بصح عمبالك الجمال الحقيقي يكون كيما نتي مرا سامبل بلا هادوك الكيلوات تع المكياج ماشي كيما شي نسا يحسبو روحهم و لاو شابين كي يماكيو هكاك بصح هوما قاعدين غير يخلعو في عباد ربي
هي بدات تضحك و كملت مشات راحت شرات كامل les cadeaux تع كل فرد من عايلتها و عايلة أيوب
بقا غير ال cadeau تع شهيناز و روبتها
دخلت هي و أيوب للحانوت تع les bijoux شراو parure تع ذهب لشهيناز و خرجو
زادو راحو لبازار وحد آخر شرات غوب طويلة فالباج و الغوز كلاغ ليها و غوب بيضا طويلة سامبل تقول عليها غوب بلونش ل شهيناز و شراتلها aussi صباط طالو
و زادت شرات ليها صندالة plat ,,,psQهي ماتقدرش تلبس طالو على جال الحمل من جيهة و على جال كونها طويلة من جيهة أخرى

المهم بعد ما كملو شراو كانو رايحين للباركينغ جازو على واحد للحانوت كانت فيه واحد الروبة
شابة تهبل بصح كانت قصير و ظهرها عريان حبست تشوف فيها حتى شلق عليها أيوب بلي عجبتها
قالها أيوب::: إذا عجباتك أديها
هي حشمت و
قالتلو ::: اه لالا ماكلاه اذا أديتها ماكاش وين نلبسها أصلا راني شومرتك اليوم
ايوب جبدها من يدها و دخلها للحانوت شرالها هاذيك الروبة و خرجو
هي كانت ميتة بالفرحة وصلو للدار ميتين بالعيا
وجدو فاليزاتهم و تعشاو و قعدو يحكو شوية ديسيداو باش بعد مايوصلو للدزاير يفوتو يروحو يقعدو شوية عند خالت و جدات أيوب
إشراق ماكانش من الرافضين بالعكس هي كانت حابة تتعرف عليهم
كانو را يروحو يرقدو حتى أيوب سمع إشراق
تقول ::: أيوب تعيش سامحني لبارح ماقدرتش نرقد تما ،،، بالاك راك تقول واش صرالها و لا كاش عفسة ولا راك تقول هادي راهي تحوس باش نبعد عليها و لا نكرهها ،،، بصح انا بغيت نقولك بلي العكس انا juste حطيت راسي على المخدة تفكرت واش جاز عليا c pour ça نضت نبكي هكاك و ماتقولش بلي راني نفكر باش تكرهني و لا كاش حاجة انا برك لازمني شوية وقت باش نوالف وضعي الجديد و باش نسامحك
ممبعد ناضت راحت باستو من خدو و خرجت راحت لبلاستها باش ترقد