إغتصبتك عمدا و أنا أسف

شابتر 3

كي فطنت إشراق حكمتها هيستيريا تع بكا و قاعدة تقول لباباها ::::غير أسمحيلي وطيتلك راسك فالأرض
وهو غير ساكت و شاد دمعتو جامي شافتو في ذيك الحالة
يماها كي شافتها هكاك عيطت للطبيب أعطاها حقنة مهدئة رقدت عليها
باباها فسخ الخطبة بينها وبين نذير خطيبها بدون سابق إنذار و بدون أي سبب
نذير قريب هبل غير يقول علاش فسخت إشراق نعرفها تحبني وانا نموت عليها
سي مراد بابات إشراق مالقا ما يقول ::::غير إشراق ماتحبكش كرهاتك

تم فسخ الخطبة رسميا بينها وبين نذير
غدوة منداك الصبح كي جاو يخرجوها الطبيب هدر معا والدين إشراق
قالهم :::: لوكان مانيش متأكد بلي بنتكم ممبعد سكتو سي مراد
قالو ::ايه كمل
قالوا :::انا حاجة راهي محيرتني ماكاين حتى آثار ضرب على جسمها و ماعلاباليش علاش لوكان تاخذو برايي جوزوها على طبيب نفسي أحسنلها اذا تأزمت حالتها ،،،
قالولو::: ok و خرجوها

جازت سمانة على حادثة إشراق و ف هاذيك السمانة ماكانت لا تاكل ولا تشرب غير تبكي و تدعي على لي كان سباب في لي راهي فيه و كانت كل ماتشوف هاذيك السنسلة تزيد تحقد على مولاها كثر
كانت تحس بالدوخة مرات و تحس باش تتقيا حاشاكم بصح ماتتقياش
،،،هي ماردتش البال
قالت في سرها ::: بالاك كي مارانيش ناكل راه يصرالي هكا

خطرة كانت في فراشها تبكي و تشوف في ذيك السنسلة و تتفكر فالهدرة لي قالها لها مغتصبها ((ايوب))
تفكرت ايوب لي كان يحبها و تفكرت النهار لي بعثلها فيه سنسلة ناضت تجري مسحت دموعها و لبست حجاب كحل و خيمار كحل تقول عليها رايحة تعزي و دارت نواظر تع شمس باش تخبي بلي عينيها منتفخين malgré في ذاك الوقت كنا في سبتمبر قليل وين تطل الشمس
عيطت لصحبتها """ماريا""" الطفلة لي وصاها ايوب باش تعطي السنسلة ل إشراق
قالتلها باش نتلاقاو فالبلاص الفلاني قالتلها
ماريا ::: ok
خرجت إشراق و تلاقات مع ماريا
إشراق::: slM ماريا cv?
ماريا ::: cv الحمد الله ،، واش فكرك فيا قالولي تخطبتي
إشراق عينيها تعمرو بالدموع mais مابكاتش
قالتلها :::: اه عندي مدة طويلة من لي فسخت
ماريا :::: اه إسمحيلي والله dsL ماكانش عمبالي
إشراق ::: لالا normal ،،انا جيت لهنا باش نسقسيك حاجة وجاوبيني بصراحة
ماريا ::: ok ما عليه احكي
إشراق جبدت السنسلة و وراتهالها
ماريا غير شافتها ضحكت

و قالتلها ::: اه راكي معا أيوب والله كان عمبالي تقبلي بيه

إشراق غير سمعت هاد الهدرة خرجت تجري بدون سابق إنذار حبست طاكسي وراحت للبحر و بدات تبكي خرجت كامل لي ف قلبها
صدق لي قال البحر يهدي النفوس و ملجأ المهمومين
و هي قاعدة تبكي حتى ماحست بوالو
حلت عينيها لقت روحا فالسبيطار قدامها الطبيب و فيدها السيروم و واحد jeune قدامها غير شافتو عرفاتو اييه هداك ايوب ((ايوب كان يعس فيها و تبعها من الدقيقة لي خرجت فيها من الدار و كيف شافها عند البحر و شافها كاش كانت تبكي قلبو وجعو عليها و غير شافها تغاشات طار بيها للسبيطار))
كانو عينيه حمورة و منتفخين غير شافتو حطت يدها على فمها و بدات تبكي و تعيط
و قالتلو ::: حرام عليك واش درتلك انا
الطبيب قالها ::: مادام تعيشي كالمي روحك في خاطر "#بيبي" لي في كرشك
هو قال هكاك و هي كي شغل دفقو سطل ما بارد عليها و تغاشات
Vote ⭐ + commentaire 💭