إغتصبتك عمدا و أنا أسف

11 شابتر

بعد ما وصلو طلع أيوب و إشراق لدارهم لي كانت فالطابق الثالث و حطو الفاليزات راحت إشراق باش تستكشف الدار و روماركات بلي كاين شمبرة وحدة بحكم أيوب كان ساكن فيها وحدو
هي غير دخلت لقات أيوب مكسل فوق الفراش و قاعد يتفرج
قالتلو::: أخرج خليني نريح و نرقد
هو بدا يضحك و
قالها::: هههه اه ضحكتيني هاذي بيتي و هاذا فراشي و انا نرقد فيه و اذا حبيتي ترقدي قدامي فيه يا مرحبا مانقولش لالا ، و اذا ما حبيتيش روحي للصالو ترقدي mais نقولك عفسة كاين غير les fautays تع 2 place
إشراق عكرت فيه و خرجت راحت كلات و رقدت فالصالوا
أيوب راح دوش و مي خرج جاز على الصالو لقاها راقدة ،
رفدها و دخلها للشومبرة حطها فوق الفراش و غطاها و رقد قدامها و هو معنقلها كرشها المنتفخة psQ راها في بداية الشهر الثالث
جوايه 2تع الصبح فاق أيوب على صوت إشراق وهي تهترف و وجها عرقان مسلها أيوب جبهتها لقاها تغلي بالسخانة و كانو حوايجها كامل مشمخين
ناض يجري مخلوع راح جابلها حوايج ناشفين باش يبدللها
هو غير جا ينحيلها حس إشراق مستلو يدو
و قالتلو :: واش راح دير
قالها :: راح نبدلك حوايحك راكي تغلي بالسخانة ماكلاه تعاندي لي راكي تخبي فيه شفتو كامل من قبل عندي 3أشهر
راح أيوب بعد ما بدللها حوايجها جاب كمادات ما بارد و قعد يحطهالها على جبهتها حتى نقصت السخانة
إشراق فاقت الصباح لقات أيوب معنقلها كرشها سحبت روحها منو و راحت خملت و فرست الدنيا و طيبت الغدا
ناض أيوب مع ال 12 لقاها تحط فالغدا
راح مسلها جبهتها
و قالها ::: راكي cv دوك؟؟؟
هي ::: oui الحمد الله merci على البارح
هو الدنا ليها و هي تبعد ممبعد حشرها مع الحيط
و قالها ::: علاش أنا واش درت كي مانلتهاش بمرتي و وليدي بيمن نلتها وجا باش يبوسها
هي حشمت
و قالت لو ::: ايوب راني مشتهية الفراز عندي مدة الوحم راه قاتلني
هو بعد عليها
و قالها :: راكيsrx وانا وين نلقاك الفراز دوك
هي شافت فيه بعينين ذابلين
وقالت :: اذا ماكليتش الفراز كاش ما يصرالي تعيش أيوب جيبهولي تعيش
و بدات تبكي
هو عنقها و
قالها :: أ ربك ماشي على كلش تنزلي هاذ الدموع دوك راني خارج نجيبلك الفراز على سعدي ثانيت كاش ما يصرالك
و أسمعي حطي حوايجك فالخزانة يا الزح لبارح شبت وانا نحوس عليهم
هو خرج و هي راحت حطت الحوايجها فالخزانة و حطت المكياج تاعها ف لاكوافوز و زادت حطت حوايج أيوب في جيهة التاعو من الخزانة ممبعد راحت تتفرج حتى رقدت
ايوب رجع مع 6تع العشية لقاها راقدة
هو دخل باش يجيب حوايجو حتى فاقت هي
غير شافتو قالتلو::: جبتلي الفراز؟؟؟
قالها :: DsL والله مالقيت
هي بدات تبكي ممبعد راح ليها مسحلها دموعها
و قالها :: mais مازال كاين بلاصة مازال ماشفت فيها روحي طيبيلنا كاش ماناكلو ممبعد نخرجو انا و نتي نروحو نزيدو نحوسو
ناضت هي راحت للكوزينة دارت سلاطة و فريت و قعدت تاكل مع أيوب
بعد ما كملو راحت غسلت الماعين و أيوب كان يخمل معاها باش تكمل بالزرب
بعد ما كملت راحت لبست حوايجها وحطت مكياج خفيف و خرجت مع أيوب يحوسو على الفراز
دارو كامل سوبيرات حتى لقاو ممبعد راحو قعدو ف وحد القهوة كلاو ڨاتو بالفراز ممبعد راحو لدار
جازو يامات و إشراق و أيوب ولاو ملاح مع بعضهم و إشراق كلما يزيد
وحامها مرة على الحوت مرة على الرمان كل مرة عليمن
حتى وحد المرة كانو عارضين مروان و صبرينة العشا جاها الوحم على أيوب هبلت عليه
في هذاك النهار
ناضت هي بكري سيقت ومسحت خملت و راحت دوشت ممبعد ستيكات روحها و خيرت حوايجها لي باش تلبسهم و راحت تطيب و وجدت الديسار دارت تيراميسو و عجنت خبز مورڨ و دارت المسمن و طيبت طاجين الزيتون و المثوم
ممبعد راحت تريح علا خاطرش أيوب ماكانش فالدار راح يفري صوالحو باش يحبطو للدزاير علا خاطرش عرس شهيناز قرب
كي قرب الوقت لي باش يجو فيه راحت لبست حوايجها وحطت مكياج يوالم لبستها و حطت خيمارها و قعدت تستنا فيهم بعدما وجدت الطابلة
دخل أيوب بهت فالطابلة الموجدة
قالها::: هذا كامل درتيه وحدك
قالتلو بتفاخر و
غرور:: همال كي ماشي أنا الحيوط
هو بدا يضحك و
قال ::: ايييه يا يما لوكان مازالكي حية تشوفي مرت وليدك شحال شاطرة و فحلة ياسعدي أنا ياسعدي
هي بدات تضحك حتى سمعت دقان فالباب
عرفوهم مروان و صبرينة جاو
دخلو و حكاو ممبعد راحو كلاو و كي كملو راحت إشراق و صبرينة يخملو قعدو يحكو على الولادة و على الطبيب لي تروح ليه صبرينة و تفاهمو باش تروح إشراق لعندو
أما أيوب و مروان راحو يتفرجو و كي كملو البنات قعدو معاهم و كلاو الديسار و سهرو ممبعد راحو مروان و صبرينة