إغتصبتك عمدا و أنا أسف

17 شابتر

اما أما راح غسل و حبط موراها و كان عرس كامل و هو يتبع فيها بعينيه حتى انها كي كانت تحكي مع ولاد خالاتها راح لعندها و بهدلها و حلف فيها و قالها باش تطلع تبدل روبتها
و بالفعل هي دارت على رايو و بدلت حوايجها و حبطت قعدت معاه و كل ماتجي تشطح يحبسها و مايخليهاش
المهم خلاص العرس و إشراق ماشطحت ماندبت و هذا كامل على جال ايوب كي ماخلاهاش

طلعت هي تلم دوزانها باش ترجع لدارها مع أيوب
و بالفعل راحو و هي مسكينة تمشي و عينيها مغمضين من شدة النعاس حتى انها في بلاصة ماتروح لشمبرتها راحت بالغلاط لشمبرت أيوب و رقدت بلا ماتحس
و أيوب كي دخل أنخلع فيها واش راهي تدير هنا بصح مادارش حير و راح هو يرقد قدامها
هي غير فاقت الصباح لقات أيوب مكسل قدامها هي جات تعيط عليه حتى شافت بلي راهي في شمبرتو عرفت روحها بلي هي لي جات لتم خاطرش أيوب مايقدرش يرفدها و هي هكا
ايا سيات تنوض بلا ما تدير الحس و بالفعل ناضت راحت خدمت شغلها و دارت غداها و قعدت تريح ممبعد ناض أيوب و خرج

و هكا كانو ياماتها حتى واحد النهار قبل ماتطلع لفرانسا بيومين
عيطتلها ختها ليندة و قالتلها بلي باباها راه فالسبيطار
إشراق راحت طيارة مع أيوب للسبيطار
و كي وصلو عرفو بلي واساتو جلطة قلبية كي خسر واحد الصفقة
بصح راه مليح شوية
أيوب كي سمع هكذا بلي خسر راح عاون نسيبو و خلاه يربح
و كي دار هذا الجاست كبر بزاف في عين إشراق و عين نسيبو
المهم بعدما إشراق تطمنت على صحة باباها
طلعت مع أيوب لفرانسا
إشراق جوزت شهرين مع أيوب في فرانسا كانت أوضاعهم مليحة مع بعض و كانت دايمن تروح مع أيوب للطبيبة باش تكونترولي الحمل نتاعها و ولات صديقة مليحة مع صبرينة دايمن تجيهاو هي تروحلها

خطرة كانت إشراق قاعدة فالدار حتى تسمع دقديق فالباب
توسوست هي خاطرش أيوب عندو المفتاح و صبرينة لوكان باش تجي تقول ل إشراق بلي راهي جاية
ايا راحت فتحت الباب تلقى قدامها
وحدة المعري كثر من المغطي وحدة باين عليها ڨاورية طويلة و شعرها صفر و شابة تهبل يعني الحق يقال
قالتلها بالفرونسي::: ايوب وين راه
إشراق انخلعت هاذي وين تعرف أيوب
ريبونداتلها بالفرونسي
قالتلها::: جوزي دوك يجي
دخلتها و رحبت بيها و قعدت تستنا حتى جا أيوب
كي دخل لقا إشراق مريحة مع أنجلينا المحامية تاعو لي هي من أم فرنسية واب جزائري

إشراق عكرت فيه و قالتلو::: راهي تستنا فيك عندها زوج سوايع
و راحت دخلت
أيوب ضحك عليها و دخل عند انجلينا حكاو شوية ممبعد قعدو يخدمو فالورق تع الورث تع أيوب لي في فرانسا
إشراق خرجت على أساس باش تشرب الما انا هو العكس تماما راحت باش تشوف هاذيك اذا راحت
دخلت لعندهم لقاتهم يخدمو وقفت عند الباب وقالت::::
واش أسي أيوب هاذي مازال ما راحت
أنجلينا::كي أكمل خدمة و أروح ما تخاف ok???
إشراق وجهها و لاصفر و أيوب شاخ ضحك عليها
راح وقف و شدها من كتافها
و قال::: انجلينا هاذي مرتي إشراق ممبعد دار يدو على كرشها و قال ::: و هاذو ولادي
ممبعد كمل ::: إشراق هاذي أنجلينا المحامية تاعي و هي même temps بنت صاحب بابا ربي يرحمو هي من أم فرنسية واب جزائري
و راني و كلتها محاميتي باش نكمل نفري قضايا الورث تاعي ففرانسا بعدما عمومي رفعوهم عليا
إشراق حشمت و راحت خرجت تجري

أنجلينا::: هاذي هي لي حكيتلي عليها بلي راك هابل عليها
أيوب::: وي هاذي هي و راهي مهبلتني كيما راكي تشوفي
انجلينا::: هههه انا اشوف و انا اشوف ايضا بلي مغيارة كبيرة
هو :::هههه وي و بزاف تان
و قعدو يكملو في خدمتهم حتى وصل وقت العشا تعشاو كامل و راحت أنجلينا
إشراق كانت عيانة خاطرش كانت راح تدخل الشهر التاسع
قالتلو ل أيوب::: اسمع روح اغسل المواعين و خمل انا مارانيش قادرة
و راحت وخلاتو
ايوب مسكين مالقا ما يقول غير انو يشمر على يديه و يغيل و يخمل