خبايا الروح

الجزء الثاني

❤صباحكم سكر❤
#من_خبايا_الروح
....نازك الحمراني....
الجزء الثاني...

الجزء الثاني...

سلم الولد على بابا...
-شونك ابني عمر....تعال اليوم يمنا ننتظرك..

-أنشاء الله عمي أبو يزن...أترخص رايح للدوام...

دنك وهو بيده كتبه وكأنما اني مموجوه...حتى مانظرلي
وبالي شايف روحه لأن زنكين...كطع صفنتي بابا

-وين شارد ذهنج بنتي...خل نرجع بنتي..اشرت براسي
تمشينا للبيت اني و بابا....وسئلته

-بابا منو هذا الولد شكله مألوف...هو يسولف الي

-بنتي عرفت انتي وصلتي الحجيه أم مازن....
الي ذاك بيتهم....مو

-أي بابا هو ذاك بيتهم...بنهاية الركن...منين تعرفهم

-بنتي ذول ناس معروفين بلمنطقه
ومن معاميل والدتج..
لابد انتي شايفه أم عمر....الي اجتنا من اسبوع...
وانتي فتحتيلها الباب....ورادت جدرية دولمه من امج

-ها بابا....اي صح اذكرت....طلبت من ماما تجهز غداء
ودولمه وكبب....وسمج شوي....لأن خطار جاييها....
ومن جهزت ماما الطلبات...أجتي سياره راقيه...
واخذت الطلبيه......

-اي بنتي هي هاي...وهل شاب ابنها...
صارلهم فتره هنا....وابنهم صديق اخوج بنفس النادي
بس شوداج عليهم....باوعت البابا بظحكه

-ابو يزن ترى مجرد وصلت الحجيه...ام مازن..
مادامنا دنتمشى....كمل شلون تعرفت بماما....

-لج بابا عيب ادكولين أبو يزن...بنتي انتي كبرت..
كولي بابا .....
-صار ابو يزن الحلو... مو لحتى مااكبرك حبيبي
المهم...كملي قصة حبك انت وماما.....

-ماتنسين شي....على امج....وين وصلنا بلقصه

-وصلنا من لبست الزيتوني وصعدت رتبة ضابط...
ونقلو وحدتك الكركوك ونسيت جارتك....الي تحبها
وشفت ماما....

-اي صح بنتي نقلو دوامي الكركوك...
وصارت وحدتي هناك.....بعد ماترقيت
ونطوني نوط الشجاعه....
ابوكتها لبست الزيتوني...وهندسة نفسي...
ومفتخر برتب...لأن شباب..ودنيا النا..
والضابط اله هيبه....بذاك وكتنا
فحبيت اشوف شوارع...كركوك...مارحت وي جماعتي
رحت للكراج مال فورتات..
وجاي أصعد الفورت(والفورت هو باص بس أزغر)

الي ذبني على طريق وحدتي...وجانت الفورت أزدحام....ومقبطه...
فصعدت أمريه كبيره....وياها بنيه حلوه
المريه بيبتج الله يرحمها..والبنيه امج...
بقآ واكفات....واني من باب الذوق...
كمت واشرت البيبيتج تكعد مكاني...وكفت مقابل امج
وأول ماشفتها...انعجبت بيها
بيضه وشعرها طويل ليل...سرح
ولابس تنوره سوده قصيره....وقميص..كلوشه
فجانت البنات بذاك الوقت أغلبهن سفور...
ذيج من ذيج محجبه....ويجوز نادرا تلكى محجبات.
تعوذت من الشيطان....
لأن جنت توني طالع من تجربه...
صاحت امها للسايق يوكف الفورت....
وهن نزلن...اخذت جنطتي...على جتفي وتبعتهن...
وبقيت أمشي وراهن.....امج حست عليه...
لساتها زغيره...هيج يطلع عمرها خمسطعش سنه...
حسيتها خافت مني...اسمعها ادكل البيبيتج....
-يمه هذا الضابط الأشكر يتبعنا.....
خففت من مشي وراهن...لحتى متخاف
وعقلي كال هل ابنيه الي مو الغيري....
فتبعتهن بهدوء الى ان وصلن البيتهم....
وامج من دخلت وشافتني... سدت الباب حيل بوجي
لأن متعصبه
برغم سافره....بس عجبتني اخلاقها....
رجعت داومت بوحدتي.....ومتاني الأجازه تخلص
لحتى اخلي والدي يخطبها الي....
لأن حلوه وزغيره......وخفت تروح من ايدي...