❤مساء الحب❤
#من_خبايا_الروح
...نازك الحمراني....
الجزء السابع...
❤مسائكم حب❤
نظرات ماما جانت وهي ضايجه دكلي..
-عمر تقدملج...
مااعرفت شنو أجاوبها...برغم صداقتي وي ماما
برغم دلالي وحريتي بلكلام والتعبير..الي عتاديتها
بيتنا...
بس من وصل موضوع الرأي بلخطوبه اخجلت...
نهضت دا اريد أكوم...ايد ماما وكفتني
-أبقي كاعده بنتي...رضخت الطلبها وكعدت علكرسي
الصمت بينا طال...الى ان بديت أني
-تفضلي ماما..
...وهي تحشي الكليجه...بدون ماتنظرلي..بدات تتكلم
وهي تزفر حسره
-شوفي بنتي اني مو غشيمه...واعرف شنو دي يصير
برغم تمنيت تجين تخبريني بنفسج بس عل عموم
االشي فات....
ادري بيج معجبه بعمر.رفعت عيوني الها بدهشه وخجل
أبتسمت وهي...تلف
بس الي مسكتني عنج..انو انتي او حتى عمر..مؤدبين
هو محترم قانو الصداقه...فمامتعدي حدوده...
وأنتي محترمه طهارة هل بيت فما متعديه حدودج...
بس تعتقدين زواجج من عمر ناجح....
ماتكلمت ابد...جانت منتظره جوابي
واني ماعرفت شجاوب ولو مااستحي جان صحت بعلو
واكلها أي اني أحب عمر..
احبه واريده زوج الي
احبه واريد ادخل عالمه
احبه ومااحب أغيره...وصلت الهل جمله...
وأبتسمت لا اراديآ....ايدي على شفافي اريد أتأكد
اني ممتكلمه...بصوت عالي واني الي يتكلم هو قلبي..
الي يتكلم هي جوارحي...
طلعت حسره بداخلي اطلقتها وبفرح..لان ماسمعتني..
وهي بادرت على صمتي..
-ماشي اني أتكلم عنج بنتي...وأوضح لج أشياء فاتتج
عمر ناس الله رازقهم...
أفلوس أملاك مو بس بلعراق...مثل منكول ناس من الطبقه البرجوازيه...الي ناس تشتغل جواهم..
يعني عكس طبقتنا..
أملاكهم حتى بلأردن عند والده شركه مال أستيراد وتصدير...
وأضيفج بعد احنا أذا ضجنا حدنا طلعت السوك..لو مول...كلش انروح نزور محافظات...ولازم انجمع مبلغ
اما همه ناس مخلصيها سفرات للخارج "وسياحه
وشفتي بيتهم الحديقه أكبر من بيتنا كله....هاي أولآ
ثانيآ اني أعتبريني الطباخه الي تطبخ ألهم....
لأن دائمآ الغدا والعشا أني أسوي الهم...وحتى العزومات
طبعآ ماطابخه ابيتهم...بس هو هيج معناه
تركت الشغل وطلبات الناس وصرت أطبخ بس ألهم...
لأن أم عمر هيج رادت...
ودتنطيني القاسمه الله.....فخاف مستقبلآ تعيرج
نرجع ألبنت خالة عمر لارا...
هاي البنيه عزيز عند أم عمر.. تحبها كلش...
حتى جابتها من أخوها لحتى تعيش عدها...
لأن والدة لارا.... توفت من فتره اثر ماء برئتها
ورى أربع سنوات أتزوج والدها
ف أم عمر من اربع سنوات جابتها لحتى تسكن عدهم.
في سبيل تقنع عمر يزوجها..
فما معقوله رح تقبل بيج زوجه الأبنها..
من كد مااروح البيتهم..اشوف لارا من يدخل عمر ترتبك
قريت بعيونها...مثل مادا أقرى بعيونج....
