💓صباحكم محبه وطاقه ايجابيه💓
#من_خبايا_الروح
....نازك الحمراني....
الجزء الخامس ...والسادس...استمرو عتفاعل وتاكات
أزل..
بدت تجيني حالات دوخه...بلا سبب ماعرفة ليش
يجوز هاي ثاني مره....
من طفت الكهرباء...وبيدي الماسحه
حسيت صوت من بعيد يصيح بأسمي..خفت
جيت أركض اروح الماما لأن بيدها لايت
اجتني الدوخه والأرضيه مبلله.....عثرت وكعت
مااكعدت اله وشي حار يوكع من راسي...فتحت عيوني
اني بسياره وراسي بحظن بابا......حاولت أكوم مكدرت
وصلنا المكان جنه عماره شقق قريت عل بوست فوك اسم عياده...نزلني بابا وهو يسندني..
يزن تراكه الصحراوي متلف دم.....بين دوختي خفت عليه...كوه حركت أشفافي
-منو وياك يزن اشو دم....صوت الخشن وراي أتكلم
-ابو يزن خل ندخل هنا صديقي....ماانتبهت عليه زين
الدوخه رجعتلي...وتمشينا داخل العياده..
ممر طويل فارغ....وابو صوت الخشن بيده الفون يخابر
ونبرة العصبيه الأمره
-يله استعجل....احنا دخلنا مو خبرتني بعدك فاتح عيادتك
شنو خمس دقائق البنيه دا تنزف...ستعجل
تلمست راسي.الي بابا ضاغط بقطعة قماش على جبهتي
اول مو صلنا يم الكراسي المجمعات...كعدني بابا
واجى شاب يركض....وهو يفتح باب غرفه يمنا
دخلنا وراه...وتمددت على السرير..
والولد الي دخل...طلع طبيب وهو يحضر الابره والخيط
بابا ضاغط على أيدي....وايده ترجف خايف عليه..
يزن كاعد ينظر لي بحزن.....وارد افتح عيوني
عل واكف مقابيلي متكتف....شفت ضخامته
مثل الغيبوبه اجتني...بسب الألم براسي..غمضت عيوني
وعيت ولكيت نفسي بيتنا.....وراسي ثكيل ملفوف..
دخلت غدير.....وهي ضايجه...كعدت يمي ع سرير
-شلونك أزل...ربج ستر...وكعتي عل حافة كاشيه حاده
زين ماصار بيج رضه....غير تنتبهين
اني وكعت عيوني الها .....معقوله
-أي أذكر دخت...لا لا...ريحة تخنك أبخشمي اجتي
بعدها دخت....وكعت الوجع قوي صرخت
وشفت يزن بيه دم.....وينه احجي....
-لج هذا دمج...ركض عليج...لأن من صرختي
همزين اجتي الكهرباء...وصديق والدج جان قريب عليج
فهو سندج....وتعرفين يزن يغار
.اجى ركض..ديشيلج وتلف هو ول وصدالرجال..
وهسه ارتاحي....ورح اجيب الجدول مالتج ومالتي...
طلعت غدير من يمي..وبقيت نايمه للعصر...
تنفرزت من ملابسي...
كمت فتحت كنتوري..تلمست زي هندي...لون بنفسجي
صفنت عليه....عمر يحب هل لون عليه..دفعته
طلعت الثاني لونه فستقي...جريته وردت اشكه...
لا لزم البسه...مااتهرب....اي اعاند روحي لازم البس الفستقي...
وذا يذكرني بيه اني قويه....واقوي نفسي
اقوي روحي من حبي له....ألي ديزيد مينقص
وخطواتي للحمام دخلت...واني اغسل....من الدم..
الي ريحته اذتني....بدلت رشيت عطر قوي..
مااعرف هل فتره العطور...الكريهه بخشمي...
طلعت...واني احساس لفحني...كلبي خفك مثل الخايفه
سمعت بصاله مالتنا صوت أم عمر.....
كلبي زادت ضرباته ودي ادخل ايدي...لضلوعي أسكته
حتى الصوت والدته...هل كلب يحن...له
ارتجيت على حايط ودموعي خذلني...
مااعرف احساس اجاني هو قريب.....
اخذتني رجلي...بتهور طلعت للطرمه....
ورحت الباب الكراج....فتحت الباب شوي...
ماكذبني حساس كلبي....أنو عمر قريب عني
هنا تلمست"وصدقت"وأيقنت"بأن قلوب المحبين صادقه.....هذا عمر كاعد داخل السياره..الي رأسن
رفع راسه وفتح عيونه بفرح....جفلت منه
وسديت الباب ونتجيت عليه....
مااريد اضعف وعدت بابا....صوته وهو يهمس..
من ورى الباب...حتى بحزني..اتفشل كدامه...كال
