#من_خبايا_الروح
❤مسائكم سكر❤
الجزء الثامن
....نازك الحمراني...
بيوم العقد والشيخ دي يتكلم بصيغة العقد...
رجفه خفيفه أجتني....بوراها حالة تقيء
حاولت اسيطر على نفسي....يمي بابا ومقابيلي يزن
دا اشوفهم من جوى الكاب المغربي....
عمر منزل عيونه للكاع ...وشابك ايده وكاعد مثل الساجد..
بقيت أتأمل وسامة عمر...
دا اريد ابعد الحاله الأجتني....من الرجفه
رفع عيونه صدفه...الي وشافني أنظر له
دنك راسه وهو يبتسم.....ويعض شفته
عيونه الي بعثتلي طاقه ودكلي اني...رح اصير زوجك
مديت ايدي كمشت ايد بابا..والشيخ يررد..هل تقبلين؟؟
دا اريد أتكلم مثل المعقود ألسانه....ويحاول يصرخ
هيج حسيت...
ايدي ترجف بايد بابا وهو يفركها الي..
أحس لازم أقاوم وانطق هل كلمه....وطلعت من شفافي بكوه
- نعم...قبلتُ
نطقتها بلهثت تعبان..حس بابا عليه
-بنتي بيج شي دترجفين
-لا بابا لأنو اني مماكله زين....كذبت لأن
مااريد اخوف بابا اكثر عليه خلص العقد...الكل طلع..
أميره "وغدير "وماما "وام قتيبه"دخلن سوه
أرتجيت ليورى....ردت اوكع
عمر سندني وهو ماسك أيدي...وايده الوخ على ظهري
عيوني له تقرب وهو يهمس باذني
-خوفتيني عليج...بس هسه عرفت ليش سويتي هيج
انظر له واني منتظره....شنو يقصد لأن تكلم وهو يظحك...ظحكه من وراها قصد....عيونه الأخواته
وهو يتكلم معاي
-وكعتي نفسج.. يجوز ردتي اجربين لمساتي
صبرج عليه يابنت
خجلت من كلامه المبطن....واحس مامتوازنه
دنكت راسي خجلانه....واني ودي ابرر له الموقف لكن هو يظحك الاخته اميره وشابك اصابعه ويحتظن ايدي
جانت اول لمسه بينا....خفك كلبي الها...
يجوز أكثر من عنده...لأن بين على وجي المرتبك
اما هو فكان الظحكه متفارقه محياه..
وهو يحتظن والدته...الي من دخلت تهلل بدمع
الحظه انقهرت عليها....والخنكه أجتني
اريدهم يبعدون عني الكاب.....اشرت الغدير الي كانت
دتوزع بلعصير...والكيك...والحلويات..
فكيت الخيوط بركبتي ونزعته بتوتر.....واحس شفافي تيبست..
جريت ايدي...من عمر واني اسحب كاس العصير
الي مخلي بصينية المهر....على ميز زغير
شربت كل العصير دفعه وحده
والدتي اقتربت تحظني وتباركي...
-مبروك بنتي....بس شنو هل حركه السويتيها
ماعرفت شنو اجاوب....الي صار مو بيدي
بس دا احس الكل أنتبه على حركتي...الرعنه
لكن عمر بظحكته.. ديبعد أنتباه المعزومين عني...
اقتربت ام عمر من عندي....ودموعها مفاركنها ابد
والي كل اشوي يقترب عمر منها....ويمسح دموعها
ويبوس ايدها....وهو يظحكه...اقتربت مني
