🌹الزواج قسمة ونصيب🌹(مكتمله)

(المقدمة)البارت الاول

السلام عليكم
اخوتي و اخواتي

الحكاية تتكلم عن فتاة يتيمة
توفى والدها بأثر حادث سيارة وهي في ال10 من عمرها  وهي الوحيدة لاهلها اسمها زهراء 🌹 حزنت على والدها كثيرا
ووالدة زهراء لم تقصر في تربية زهراء ولم تحسسها بانها فقدت والدها وكانت لها اب وام واخ واخت وكانت زهراء صديقة امها وكل شيء بداخلها تحكيه لها ولا تضم عنها شيء
القصة باللهجة العراقية
زهراءاهلا..اعرفكم    .. حاليا اني عمري 18سنة و بالسادس  اعدادي نجحت وجبت معدل عالي والحمدلله كنت  شاطرة بالدراسة وشاطرة بشغل البيت وما اخلي امي تشتغل وحدها لان من مات بابا حيل تعبت امي  وتمرضت بس مقوية نفسها علمودي .... بابا چان موضف بالدولة فسوت امي معاملة وساعدتنا بالمعامله مرة جيرانا اسمها  ام حسن ...وابد ماتركتنا من مات بابا ولليوم هي ويانا وامي من تحتاج شي تدز عليها و ابد ما تتعاجز من  عدنه بالعكس  تكوللنا اذا تحتاجن شي وما تكوللي ازعل منچن
مرت الايام.و حالتنه اتأزمت..لان صار فترة الراتب انگطع.. تقريباً بال3 اشهر مامستلمين راتب فاضطريت انو اشتغل اي شي حتى اعين امي وعلمود مصرف البيت حاجيت امي بالموضوع بالبداية ماقبلت وبعدين قنعتها وافقت ...من اجت خالتي ام حسن كتلها خالة اريد اشتغل خبازة بس اريد منچ مساعدة وهي تكولين للجيران اكو خبازة ودزيهم علينه الله يخليچ.لان مثل ماتعرفين راتب ابوي صار 3 اشهر ماكو ما دينطونا

ام حسن:ليش يمه تريدين تشتغلين واني وين رحت ليش ما كلتيلي ما جاي الراتب وانتي ام زهراء ليش هيچ مو اني بحسبة اختچ ليش ماحاجيتيني وكلتيلي ما عندچ .

ام زهراء:ياخيتي ادري بيچ متقصرين والنعم منچ  لكن انتي ابتليتي بينا هم خطيه شنو ذنبج انتو هم عائلة چبيرة وما تلحكون النفسكم والنوب احنة  وياكم..

  ام حسن: لا ياام زهراء ليش هيچ تحجين ترى اني احسبچ اختي وااكثر شنو ابتليت بيكم والله وصى بسابع جار واحنه مو بس جيران احنه اهل 

ام زهراء: تسلمين ام حسوني والله يا خيتي انتي مكفيه وموفيه وندري بيچ ما تقصرين

زهراء:فدوة خالة لا تزعلين بس اني اريد اعتمد على نفسي وما اريد اتعبچ ويانه  عليچ الله خالة لا ترفضين  واذا ساعدتينا انكون منونين الچ  واذا ما تقبلين نشوف وحدة من الجيران  تساعدنه
ام حسن: ليش حلفتيني يايمه ..... ماشي راح اساعدچ بس ترى زعلتني من صدگ.يعني اذا ما قبلت اني  ترحين للجيران  ..اوووف منچ ما اگدرلچ

زهراء: تسلمين خالة الله يوفقج و بستها من راسها

ام حسن:ياحبيبتي 🌹يلا لعد اني رايحة  احاجي الجيران واردلكم خبر  سلمت عليهن ومشيت

اذا عجبتكم القصة صوتولي
وانطوني رأيكم بالقصة

#الكاتبه لحن الحياة#
🌹🌹🌹🌹🌹🌹🌹

لاتنسون تضغطون النجمة
  👇
🌟