🌹الزواج قسمة ونصيب🌹(مكتمله)

البارت التاسع

مساء الخير

للكاتبة لحن الحياة

رجعت ام زينب لبيتها
ام زينب :يلا بدلوا ملابسكم حتى ترحون البيت خالتكم ام زهراء بس من هسة اوصيچن يالبنات اذا تصيرن خبيثات اجيبچن  بنص الليل  واجي
فاطمه ورقية :صدگ يمه راح  نروح الخالتي ام زهراء بس اگلج يمه شنو نص الليل يعني راح انبات يمهم
:اي راح إنبات يمهم بس والله اذااتعبنهم اكسرچن افتهمتن
:اي يمه افتهمنا 😁😁
ليث:صدگ يمه
:اي يمه بسرعة خلصوا
ام زينب:بسرعة لبسنا ملابسنا ورحنا عليهم
خطيه شلون استقبلونا فرحانات بينا وخالتي ام زهورة(اگللها خاله لان هي چبيرة واكبر مني بهواي صعبة اگللها ام زهراء) اتهلي بينا
وزهورة اخذت البنات ودخلت جوة
زهراء:ها بنوتات تعالن ...شوفتهن ملابسي اللي اني مخيطتهم
:الله شنو هذا خاله يخبلن امي هم تخيط للناس والنه بس مو مثل هذني
خاله خياطچ كلش حلو
:رأساً اخذت قياساتهن وسجلتهن بدفتر وعندي قماشات باقيات كبار فصلتهن والبنات هن هم صغار وخيطتهن وهن بس يباوعن علي خلصتهن وانطيتهن الثياب
:اخذنا الملابس ولبسناهن ورحنا نشوفهن لامي
ام زينب :الله شنو هاي يجنن من انطاچن الثياب
البنات:خاله زهراء هي اللي خيطتهن مو صدگ حلوات
ام زينب:يجنن بس يا حبيبتي خطيه تعبناچ ليش تضهدين نفسچ بينا لاتخلوني اخذهم واروح
ام زهراء وزهراء:قابل شمسوين بالعكس والله لا تعب ولا شي وجيتكم كلش غالية علينه نورتو البيت اصلا ليش هذا الحچي

:ضلينة گاعدلل١٢بالليل سوالف وضحك والبنات كلهن فرحانات زنوبه وفطومه ورقية
ثاني يوم واكو كم شغله بالخياطه خالتي ام زينب ماتعرفهن علمتهاعليهن وشلون تفصل
كعدت الفجر صليت وعجنت وخبزت خبز حار وامي راحت جابت ريوگ واجت
گعدوا تريگوا ورا ساعتين مشوا گلنالهم ابقوا عالغدا بس ما قبلت ام زينب

صار يوم الاثنين
ام زهراء:يلا يمه امشي خل اروح للسوگ نشتري ملابس العرس
:لا يمه ما اروح
:شنو ما تروحين امشي حتى تختارين فستان حلو على قياسچ ما اريدچ تتفشلين بالعرس تدرين بيهن البنات هناك يتفيكن ويضلن يقلدن اريدچ تطلعين احلى وحده  بالعرس  حتى ما وحده  تگول عليچ يتيمة وما عدها فلوس تشتري فساتين حلوة 
:هاا بكيفچ
:يلا حتى اخابر خالتچ ام حسن  تروح ويانه
اتصلت على ام حسن طلعتلي چنتها زوجت حسن
:الو السلام عليكم شلونچ ام علاوي ام حسن وين
:الحمدلله والله خاله خالتي ام حسن  نايمه آمري خاله
:لا حبيبتي ماكو  شي لوگعدت سلميلي عليها
مع السلامة
:الله وياچ خاله

:اتصلت على  ام زينب وراح اخذها وياي
وليوثي راح ويانا صح عمرة١١سنه بس شجاع وعقله چبير مو عقل طفل

طلعنا العصر للسوگ وافترينا المحلات كلها واخذنا ملابس االليث تي شيرت وبنطرون  وحذاء وساعة خطيه ام زينب فرحت بس ضاجت  بنفس  الوقت وكل شويه  تگول لو ما جايه النوب خسرتكم
ورجعنا اخذنا فساتين بنات صغار لفطومه والرقية وقطعة قماش الخالتي وثوب الزينب
وملابس الغيوثي

ورجعنا  النوب نشتري الي الفستان دخلنا وگمنا نگلب بالفساتين ورا شويه دخل حسن  وزوجته واكو واحد وياهم اجو يسلمون على  امي زعلى خالتي  ام  زينب اني خجلت ووخرت على جهة اللي يشوفني يگول اني مو وياهم بعدين  هم راحوا على  جهه وصاحتلي زوجة حسن رحت گالتلي انتي ذوقج حلو وحسن وعلى ما اعتقد  اخو (اسمه حسين)ديختارون الزوجت اخوه
واني اشرتلها على فستان وچان واحد  يأشر وياي على نفس الفستان وچان نگول هذا كلش حلو ارتبكت ونزلت ايدي
وهو هم استحه ونزل ايده وزوجة حسن  ضلت تباوع علينه بعدين گالت اي صدگ هذا  حلو وو 😘😘😘

ليث:كل شويه اشوف واحد يباوع على خالتي زهراء ما اتحملت رحت وكفت يمها صرت مثل  الحمايه الها خاف شاب يباوع عليها
حسين :الله والله  هاي البنية  كلش  حلوه  عجبتني بس شفتها صدفة  بس والله عيب اباوع على بنات الناس دنگت بس بقت ابالي هي بس شافتني دنگت ووخرت على جهة  معقولة هاي زينب الخبلة ام كفشه اتذكرها من چانت بعدها صغيرة بس لا هاي مو زينب هاي  البنيه حلوة ومرتبه اكيد  مو زينب الخبلة

للحكاية بقية

لحن الحياة

رجاءاً اذا عجبتكم القصة صوتولي

🌟🌟🌟⭐⭐⭐