مساء القلوب الطيبة
بقلم
#الكاتبة لحن الحياة ~~~
زهراء:وصلنا ونزلنا من السيارة وبعد ما حسيت بروحي الا راسي انرگع بس شنو من رگعة دمرتني ...راسا لزمت راسي من الالم
اعتذر الولد بسرعه وراح
حيدر: شصار بيا هم انرگعت وهم االبنيه الله اعلم شصار بيها هسه اكيد تفلش راسها كله بسببي لو ما راكض چان ما صار اللي صار
من الصدمه بسرعه 😰اعتذرت منها ومشيت مشوار زين راسي يوجعني الله يساعدها لعد هي شتگول ورا شوية صاحوني
سجاد وعلي ومحمد وفاضل والولد
اصدقائي:يلا حيدر تعال
:اي جاي هسه
: كافي شغل امشي خل نروح نفتر شوية
:اذا اعوف الشغل منو يشتغل بمكاني ابوي مخلي الاعتماد كله عليةوفاضل الچبير وگاعد ويا الزلم الكبار وسجادالعريس واكيدما راح يسوي شي وكلهه طايحةبراسي بس بسيطة اذا ما اكربهم بعرسي واخليهم يركضون وما يلحگون اني مو حيدر وانتو وين تفترون امشوا وياي ساعدوني
:صدگ چذب ابوحسين يلا امشي انساعدك احسن من الفرة لان حتى لو طلعنا ما تصير الطلعة حلوة اذا انت ماموجود
:يلا امشوا لعد وبالليل نروح
ام علي :ها يمه زهراء شلون راسچ هسه كله مني لو ما راكضة وراه ما چان انرگعتي
زهراء:لا خاله والله ما بيا شي راح الالم
:يا ما بيچ شي مو ضالچ نص ساعة دايخة وراسچ يفتر
: خالة صرت زينة الحمد لله
ام فاضل: يايمه شلونچ اوووف منك حيدر ليش هيچ سويت ببنت اختي فلشت راسها للبنية بوستها واعتذرت منها بمكان حيدر
:لاخاله والله هو خطيه ما يدري وهو هم انرگع … اعتذر مني وراح
:ياحبيبتي خو ماةيوجعچ راسچ بعدة حتى ناخذچ للمستشفى
:لا خاله والله الحمد لله مابيا شي ما يحتاج مستشفى
ام فاضل:اني اعلمك حيدر بس خل اشوفك
ام حيدر:هاي منو هنا خالتي ام زهراء يا حبيبة قلبي💗شلونچ شخبارچ والله مشتاقيلچ شنو هالغيبة
:يابعد روحي ام حدوري هلووو حبيبتي شلونچ شخبارچ ابوحيدر شلونه
:الله يخليچ خاله كلنه بخير…مشتاقيلچ
اگول خاله ..لحضه.لحضه.هذذي الكيكه .. منين اجتنه ...بس بنتچ.
:اي زهراء ليش ما عرفتيها
:يا روحي شلونچ شنو هالملاك👸 اللي نازل علينه ..مو اگول احنه ما عدنه مثل هالملاك..بس ما توقعتها بنتج.ياخاله .....اگول خاله انتي ما تحتاجين الگمر ينور ليلچ.لان الگمر گاعد يمچ
:ههههه يبعد روحي..شكرا عالمجامله.اللطيفه.
:لا والله ما دا اجامل هاي الحقيقة
حلا:اگول شو صارت هوسه جوة خاف احد اجه
نور:شسويلهم ياهو اللي يريد يجي خل يجي واحنه شدخلنا
ام حيدر:يابنات امشن سلمن على خالتي ام زهراء و زهراء
مريم:صدگ الله عليچ خالتي ام زهراء وزهراءهنا اگول صارت هوسه جوة طلعوا فرحانين بجية خالتي ام زهراء
حلا ونور:هسه شويه وننزل 😏😏
مريم:شلونچ خاله عاش من شافچ
:هلا بمريومه انتي مريم مو لو اني متوهمه
:اي خاله اني مريم 😩😩ليش شنو خاله ما عرفتيني
:طبعاً ما اعرفچ صارلكم فترةطويلة ما تجون والنوب كبرانه وصايرة مرة معدلة
شلسبالچ خاله ترى اعجبچ
اگول انتتي زههرراءء
:لا بت عمها هههههه اي زهراء
:شبگتها ولچ هاي شصايرة شطالعة
:شكو لازم موحلوة 😩😫
:ولچ يا مو حلوة صايرة تجننين
:شنو السالفه ترى مو ذيچ الحلاة ترى خجلتني حيل
يلا امشي وياي
:وين اروح
:ناخذ جوله حول العالم وين يعني امشي نصعدفوگ بغرفتنا
:لا مااجي
حلا ونور احنا مانحب زهراء حيل لان احلى منا بس لبسها مو مثل لبسنا هسه راح ننزل نسلم على خالتي وبتها
:السلام عليكم
:وعليكم السلام … …
:سلمنا عليهن بسرعة وصعدنا من سلمنا على زهراء سوينانفسنامغرورات انريد نشوف شنو ردة فعلها هم راح تضوج لان سلامنا ثگيل
ىس هي بالعكس سلامها كلش حلو وما تأثرت بينا وابتسامتهاعلى وجهها
كسرت غرورنا مع الاسف
للحكاية بقية
يتبع.....
لحنُ الحياة
🍓🍓🍓🍇🍇🍇
أنت تقرأ
🌹الزواج قسمة ونصيب🌹(مكتمله)
Romanceقصة من الخيال تمثل واقع حال الحياة وكل شخص ينال ماكتبه الله له ولا يأخذ ما كُتب لغيرهِ القصة جداً جميلة تتكلم عن فتاة يتيمه لكنها جميلة وكل من رآها اعجب بها وبجمالها الاخلاقي وجمالها الخارجي تابعونا لتعرفوا بقية الحكايه....... الكاتبة لحن الحياة...
