مساءالخير
#الكاتبة لحن الحياة،
زوجة حسن:احنه هم چنه معزومين على عرس صاحب حسن وحسين ورحنا نشتري ملابس من وصلنا لگينا خالتي ام زهراء وزهورة وام زينب ومن چنه نشتري شفت شلون زهراءوحسين اشروا على نفس الفستان وشلون انصدموالان حچوا واشروا سوة وحسيت حسين لسبالك انعجب بيها
بس اعتقد مايعرفها هو اني احبها واموت عليها شلون اذا ولد شافها
زهراء:اشتريت فساتين2 اطوال وحجابات بنفس لون الفساتين خلصنا اشرايه ومشينا
رجعنا للبيت تعبانين وخالتي ام زينب الطريق كله تشكرنا وتدعيلنا ما خلت دعوة ما حچتها
وصلتها امي للبيت ورجعت
ام زينب:دخلت للبيت تلگوني البنات
:ها يمه شنو هذا البيدچ شجايبه
:تعالوا جوة وشوفوا شنو موجود بالعلاليگ
دخلت اني وياهم طلعت ملابسهم وكل واحد انطيته حاجته وهمه طايرين من الفرح ما مصدگين من زمان ما مشتريتلهم ملابس حلوه شگد فرحت من شفتهم فرحانين الله يوفقچ يا ام زهراء وينطيچ الصحة والعافية والله يفرح گلبچ مثل مافرحتينا وان شاء الله يوم زواج زهراء ويجيها ابن الحلال اللي يستاهلها لانها جوهرة
:يمه بس انتي ما عندچ فلوس منين جبتيلنا خو ما بالدين
:لا يا حبايبي خالتكم ام زهراء اشترت الكم
:الله يوفقها وينطيها العافيه ...نسمع امي تدعي واحنه ندعي وياها
حسين:اگلچ ام علاوي هاي بس لاتفهميني غلط البنيه اللي ويا خالتي ام زهراء وام زينب منو چنچ تعرفيها
:ليش تسأل ما اگلك منو خليك هيچ محتار
:لا فدوه جاوبي منو هاي زينب لو بت خالتي ام زهراء
:ههههه😄اي زينب
:لاتچذبين عليه ما دام ضحكتي هاي مو زينب لان ادري بزينب لو شما تسوي ما تصير هيچ حلوة اگلچ اني اللي عجبني بيها اخلاقها وشلون لبسها محتشم وحتى عينها بالگاع ما ترفعهن شگد مؤدبه
:اي عيني وهسه شتريد مني #حبيت العب بمشاعرةواضوجه شويه.... متعلمين دائماً نتشاقة اتمنى صدگ زهورةتصير زوجة حسين#بس كلشي قسمةونصيب
رجعناللبيت واحنه صاعدين بالسيارة ام علاوي تحچي ويا بنتها بس تقصدني الي بحچيها
:لا حبيبتي هاي اللعابة مخطوبة
:صدگ ماما لعد وين العريس
:ياا عفناه بالسوگ نسيت ما جبته هسة شلون
حسين:اني تخبلت من حچي زوجة حسن
اوووف منچ شلعتي گلبي وضلت كل شويه ذابتلها حچاية شكل
وصلنا للبيت اني رأساً رحت الغرفتي بس حطيت راسي عالمخدة نمت لان كلش تعبان
زهراء:حضرت ملابسي وملابس حتى نروح للعرس
صار يوم الثلاثاء الصبح اجه خالي ابو فاضل علمود ياخذنه وگللنا تحضرن اني بالطريق احنه محضرين كلشي بس شنو رتبت ملابسنا بجنطة وحده مو كلش چبيرة اللي يشوفها يگول كلشي ما جايبين ويانا
:دگ دگ دوگ دگ دگ دوگ
:منو
:اني خيتي اني ابو فاضل
:فتحت الباب هلا خويه تفضل عاش من شافكم
:انتي العايشه يلا متحضرات
اگول لعد زهورتي وين شو ماكو
:السلام عليكم شلونك خالوا شلون صحتك
:هلابزهورة هلاابنت الغالي والله مشتاقلچ يابعد خالوا شلونچ شخبارچ
:الحمدلله برحمة الله الواسعة
خالي ابو فاضل اخذ الجنطه واخذالهديه اللي حاطيها ما يدري بيها شنو لان حاطيها بجنطه ( اخذتلهم امي هديه مصحف وصورة لاهل البيت (عليهم افضل الصلاة السلام) وصعدنا بالسيارة والطريق كلش طويل يموت
بيت ابو فاضل( بالعرس)
ام علي موجودة قبل يومين من يوم الاثنين جاية هي والبنات
: رحت الغرفة البنات دخلت… عزة بعينچن ولچن شمسويات بحالچن اليوم يخبلوچن اخوانچن وبالخصوص حيدر اذا عرف بيچن صابغات شعرچن وحافات يموتچن خلاص
:لا فدوه خاله رحمة الاجدادچ لاتگولين الحيدر تدرين بي عصبي وما يتحاچه بس احنه ما مسوين شي
:يا ما مسويات شي كل هذا وكلشي ما مسويات اوووف منچن امهات الطلايب حطن حجابچن فوگ روسچن لا يجي حيدر ويشوفچن زين امچن وابوچن يدرون واخوانچن
:كلهم يدرون قنعناهم گلنالهم نريد نفرح بعرس اخونه وما نطلع شعرنا غير بس يم اهل العروس ونرجع نصبغه اسود
:عزة بعينچن شلون قنعتنهم
:قنعناهم خاله احنه بنات اختج لا تخافين علينا
:منو يلحگ بلسانچن 😒😒
😄😄😄😄😄:
ورا شويه انفتحت الباب طلع حيدر ...عزة همزين خالتي گالت حطن حجابچن على راسچن چان رحنه بيها وصرنا في عداد االاموات هههعع
حيدر:اي خاله امشي وياي ساعديني كافي سوالف
:ولك وكتيش سولفنا ياوكح
:يلا ياخاله سوالفچن ما تخلص واني دااتشاقة ويا خالتي#دائما اتشاقه وياخالاتي واختي ام حيدر //ركضت خالتي وراي اني ركضت .طلعت من باب المطبخ وياا ركضتي چان انلطش بب
للحكايه بقية
تصبحون على خير
واذا عجبتكم صوتولي
:::::::::::::::::::::::::::::::
اشكر متابعيني
واللي صوتولي
اتمنى ان تنال
رضاكم ودمتم في حفظ الله
ورعايته ......يتبع..........☜☜☜↓↓↓↓
أنت تقرأ
🌹الزواج قسمة ونصيب🌹(مكتمله)
Romanceقصة من الخيال تمثل واقع حال الحياة وكل شخص ينال ماكتبه الله له ولا يأخذ ما كُتب لغيرهِ القصة جداً جميلة تتكلم عن فتاة يتيمه لكنها جميلة وكل من رآها اعجب بها وبجمالها الاخلاقي وجمالها الخارجي تابعونا لتعرفوا بقية الحكايه....... الكاتبة لحن الحياة...
