🌹الزواج قسمة ونصيب🌹(مكتمله)

البارت الثاني

💓مساءكم ورد🍁🌹🍁جوري💓

#للكاتبة لحن الحياة.....

ام حسن:دك دك دوك
الجيران:منووو
ام حسن:اني خالتك ام حسن
الجيران: هلا خالة شلونچ شلون صحتچ شو ماكو ما تجين علينة صارلج فترة

ام حسن:والله ياخاله مشاغل الحياة

الجيران: اتفضلي خالة اتفضلي البيت بيتج

ام حسن: تسلم وليدي...........دخلت دكيت باب الاستقبال چان تطلع ام البيت (ام سرمد)وسلمت عليه
ام سرمد:ياهلا نور الدار. تفضلي ام حسوني ليشش تبقين واگفه برا

ام حسن: لا خيتي مستعجلة بس اجيتچ على مود شغلة وان شاءالله تفيدكم
ام سرمد:اي تفضلي
ام حسن:انتو مو ذيچ الايام چنتوا تدورون على خبازة

ام سرمد: اي والله بس ما لكينة شنو لكيتي خبازة

ام حسن: اي والله لكيت ...تعرفين ام زهراء هاي الارملة .بتها دتخبز وشلون خبز يعجبچ😘 وابد ماتتندمين اذا تدزيلها

ام سرمد:يا خطيه😱 هاي الارملة ام زهراء طبعاً شلون ما اعرفها والله شلون جيران احنه مو خوش جيران لا دورانهن لا شفناهن شنو محتاجات وهن وحدهن وما عندهن رجال مع الاسف علينه اي والله
ام حسن :اي والله خطيه بس نسوان وحتى ولد ماعدهن ولاعمام ولا خوال ......هسه شكلتي حتى اذا تردون حتى تدزولها

ام سرمد: اي اكيد نريد بس اكلج ندزلها طحين لو نعجنه وندزلها

ام حسن:بكيفچ يلا عيني اترخص

ام سرمد:الله وياچ سلميلي على ام زهراء

واعتذريلي منها عالتقصير

ام حسن: ان شاء الله من عيني

ام حسن: رحت افتريت عالجيران كلهم وگلت الهم اكو خبازة .فرحوا ورحت لبيت ام زهراء ....يلا زهوره حضري نفسج من باجر .لان كومة ناس راح تجيچ

زهراء:صدك خالة😍 الف رحمة على والديچ ..تعبتچ وياي والله

ام حسن:لايروحي ما تعبتيني انتو خوش ناس وتستاهلون
ام زهراء:تسلمين ياطيبة الاصل

ثاني يوم الساعةب8الصبح اندكت الباب
طلعت ام زهراء تشوف منوعالباب

ولد بال 10 سنين شايل نجانة بيها عجين
علي :خالةموانتو بيت ابو زهراء
ام زهراء:اي خالة احنه بيت ابو زهراء
علي :خالة هذا العجين امي دزته حتى تخبزوه وفد نص ساعة اجي اخذ الخبز
ام زهراء: اخذت العجين من عنده كوه شايله
وگتلة ان شاء الله حبيبي

مع تحياتي

#الكاتبة لحن الحياة#

لا تنسوووون التصويت

👋👋

للقصة بقية↓↓↓