🌹الزواج قسمة ونصيب🌹(مكتمله)

البارت الرابع

السلام🌹 عليكم
🌹🌹🌹🌹🌹

#لحن الحياة

زهراء:گعدت من الصبح وكملت شغلي فجأة اندگت الباب راحت ماما فتحتها
ام حسان:السلام عليكم شلونچ ام زهراء امح امح شلون صحتچ
ام زهراء:والله الحمد لله انتي شلونچ تفضلي
ام حسان: عرفتيني اني جيرانكم
ام زهراء:شلون ما عرفتچ  ....دخلنا جوه
ام حسان: اگلچ ام زهراء سمعنا بيكم تخبزون والناس كلهه تمدح بخبزكم واريد منچ طلب
ام زهراء:اي نخبز  آمري ام حسان
ام حسان:والله الاربعاء والخميس حنة وعرس ابني واذا تگدرون تخبزولنا حتى اجيبلكم الطحين لان الخباز خبزه مو كلش زين واجيت عليچ
ام زهراء:والله ياخيتي زهراء وحدها ماتگدر تخبز لان اني موكلش اقدر اعاونها لان تعبانه ومريضه
ام حسان:لاخيتي فدوه گولي غيرها شلون هسه
زهراء:اخذت عصير ووديتلها ––––––تفضلي خاله
ام حسان:هازهوره شتگولين تگدرين تخبزين الحنه 300خبزه والعرس500
زهراء:والله ياخاله جيتچ على عينا وعلى راسنا بس وحدي ما اگدر اخبز هالكمية
يعني لازم اكو فد وحدة وياي ونخبزه قبل يوم
ام زهراء: زين خلي اشوف اذا اكو بنيه تگدر تعاونهاواردلچ خبر
ام حسان:شوفي ورديلي خبر بس مو تتأخرين حتى اذا ما تخبزولي نشوف احد يخبزلنا واذا تخبزولي الچ اكرامية مني تعجبچ من غير فلوس الخبز
ام زهراء:ان شاءالله من عيوني
زهراء: رحم الله والديچ خاله تسلمين بس اني ما اخذ فلوس اكثر من شغلي

مشت ام حسان
وامي دزت على خالتي ام حسن علمود تشوف وحدة تخبز وياي
بالليل اجت خالتي ام حسن وجايبة بنيه وياها خطيه تستحي ولسبالك بعدها صغيره عمرها بال15سنة اتفقنا انه تجي يمي قبل يوم*اسم البنت زينب
بعد يومين للعرس
وثاني يوم اجت زينب العصر وراح تبات حتى نكعدمن وكت نخبز لان امها ما تگدر تجيبها الصبح لان خطية زينب هم يتيمة وهي اكبر وحده باخوانها
زينب:اعرفكم عن نفسي اني بشرتي حنطاوية بس تنطي عالبياض طولي متوسط
عيوني سود وشويه دبدوبه 😊 عندي اخوان 2 ليث عمره11وغيث بعده صغير وعمرة2 ونص واخوات 2فاطمة ورقية
من اجيت على بيت خالتي ام زهراء وشفت زهراء شلون حلوة لسبالي مغرورة بس من شفت  طبعها واسلوبها بالحچي وكلامها اللي ينگط عسل  وشلون تحچي ويا خالتي ام حسن حبيتها حيل ثاني يوم امي دزتني وياخالتي ام حسن على بيت ابو زهراء

زهراء:تعالي زنوبه تجين تسوين وياي العشا لان خالتي ام علي راح تجي
زينب:بس اني موكلش اعرف اطبخ بس مو ذاك الطبخ
زهراء:عادي تعالي عاونيني وهم حتى اعلمچ
زينب:يلا لعد بدينا بالشغل واكو هواي شغلات ما اعرفهن علمتني عليهن واسلوبها بالكلام كلش حلو ما يملل بالعكس وشلون تحط نكهات للاكل فد شي كلش حلو
سوينا دولمه وسوينا دخاج وزلاطه وحطينا طرشي وفاكهه
وراشوية چان نسمع صوت نسوان
ام علي: شلونچ ام زهورة وشبگتها وهي هم يا بعد عمري والله مشتاقيلچ  اعذرينا
ام زهراء: يا روحي ليش هيچ گاطعين بينا
والله مشتاقيلكم وبوست البنات
زهراء:رحت ركض وچان اشبگ خالتي حيل وهي هم وتبوس بيا وتحضن بيا وسلمت عالبنات
الاولى استبرق
والثانية سُرى
والثالثة هناء
وكلهن حبابات وحلوات واجت زينب سلمت عليهن  استغربن وگالن منو هاي البنية گلناهن جيرانه بس ما گلتلهن ليش هي  يمنا لان ا
خالتي اذا تسمع بيا اخبز چان خبلتني  (قبل لاتجي خالتي احنه گلنا لام حسان جيبي طحين حتى نخبزلچ)

للقصة بقية

&لحن الحياة

يرعاكم الله