🌹الزواج قسمة ونصيب🌹(مكتمله)

البارت ال٦

السلام عليكم

الكاتبه لحن الحياة

بالليل اجت خالتي ام حسن
وضلت تحمد بيا وتحچي وياي حچي حلو
ام علي :اكلچ ام زهراء هاي ام حسن عدها ولد
ام زهراء :اي عدها ٢واحد متزوج والثاني بعده
ام علي :زهورة بنيتي وان شاءالله تصير منا وبينا (متقصده احچي هيچ علمود اسمعها لام حسن انه اني اريدها لابني)
ام حسن :من سمعتها هيچ حچت ضجت حيل لان چنت اريدها لحسين ابني والنوب هي شنو من بنيه جمال واخلاق وشاطرة بشغل البيت ودارسه
ام زهراء:خطيه ام حسن راساً انخطف لونها من حچي ام علي وضاجت حيل ورا ربع ساعة مشت

علي :اعرفكم عن نفسي طويل وصاك بالكلية مرحلة٣ والبنات هن اللي يركضن وراي واما عن زهراء اني ما شايفها بس من چنا صغار وهي ماچانت تلعب ويا الولد كله ويا البنات و مااتذكر شكلها شلونة وامي واخواتي مصرات علي اروح اشوف خالتي وبحجة خالتي اشوف اشوف زهراء بس ما قبلت اروح لان بس نسوان احس بيها صعبة وامي تريد تخطبلياها بس ما قبلت گلتلها اكوهواي بنات حلوات بالكلية بس ما دخلت گلبي ولا وحدة معقولة بت خالتي تطلع حلوه مثل ما وصفتيها اگلچ يوم خاف تطلع جكمة وتريدين تورطيني بيها لان بت اختچ ويتيمه

نرجع على زهراء
صار الصبح گعدت عجنت النه وخبزته من كعدن خالتي وامي والبنات تريگنا ورحنا البنات كلهن وخالتي راح نعجن لان خالتي گالت ممنوع تخبزي وحدچ انتي وزينب ودزينا على تنور خالتي ام حسن حتى نخلص بسرعة ودزته
بدينا نشتغل ،
نعجن ونخبز وكل ٢ يوگفن على تنور و٢
يشنگن بالعجين وكل شويه نسوي مناوبات
الى ان خلصنا والحمد لله والشكر بس شنو انتهينا

صار العصر خالتي ام علي اتصلت على خالي ابو علي علمود يجي ياخذهن گاللها عندي شغل بس راح ادز علي يجي ياخذچن

علي:دگ دگ دوگ
ام زهراء:منو
علي:اني
ام زهراء:فتحت الباب وچان يطلع علاوي
يابعد روحي شلونك شلون صحتك عاش من شافك والله شنو هالغيبة
علي:شلونچ خاله ...وانتي العايشه والله ياخالتي مشاغل الحياة هواي لو بالدوام لو شغل ويا الحجي
ام زهراء :اتفضل حبيبي تفضل
علي:زاد فضلچ
دخلت للاستقبال امي واخواتي واكو بنيه گاعدة يمهن بس ما شفت شكلها
:السلام عليكم
الكل وعليكم السلام
:من سمعت صوت رجال درت وجهي  شو هذا شافني ظل صافن😐 شويه لسبالك واحد مخترع بس صراحه هو كلش حلووو😍😍
علي:جفلت معقوله هاي بت خالتي

شو هاي موكلش حلوة مو مثل الوصف اللي وصفته امي وعلى استناد رشيقة شو هاي دبدوبه ( مو گلتلها لامي هسه تطلع جكمه) بس هي البنيه من شافتني دخلت جوة

گعدت شويه وردت امشي
ام زهراء:اگعدشويه خل اشوفك وهسه بت خالتك راح تجيب عصير
علي: هاي راح اگعد الخاطرچ
ورا شويه دا احچي ويا خالتي دخلت زهراء وبيدها صينية 😍😍ضليت بحيرة اللي شفتها قبل شويه مو نفسها هاي
الثانية تجنن معقوله دخلت نوريه وطلعت حورية سبحانك ياربي
وصلت ليمي انطتني العصير
اني دنگت راسي

باي
لحن لحياة