مساء النوم،،،،،، 🌷🌷🌷
🍀الكاتبة،لحن، الحياة،،،، —.
گعدت شويه ورحنه اني والبنات للمطبخ
حتى اسوي عشا
ام حيدر:*لاتسوين كلشي احنه جبنه اكل ويانه ...
ام زهراء:ليش هيچ احنه ...مقصرين وياكم بشي ..ليش ام فاضل 😬...خاف اكلنه مو طيب لو ما يعجبكم .....گولي
:لا والله بالعكس الاكل كلش طيب هي مو شغلة اكل بس احنه مانريد انتعبكم وهم انشوفكم
:بس مو هيچ يا ام فاضل تدرون قهرتوني بهاي سوايتمكم ..ً..
زين انتي ليش ما اتصلتي عليه وگلتي راح تجون ...حتى نسوي الاكل من وكت وما ننخبص وهم تشوفونه .....
:هسه اللي صار..صار شنسوي نروح نرجعه
: بعديش ترجعي.....هاي اول مرة واخر مرة تسوين هيچ لان والله ازعل وياچ...
:هاهيه التوبه...النوب من نريد نجي نگلچ...بس هو الصوچ مو منچ ...الصوچ مني لان ما ردت اتعبچ ....
:ههههههه....
ام حيدر:صبينه العشا واكلنه ورحنه نسولف ...
حيدر :طلعت بره لان عندي اصدقاء بهاي المنطقه طلعنه نفتر ....ما حسينه الا صوت اصياح ...رحنه ركض نشوف شكو ....
مجهول:انطيني البيره 🍷 لا اموتك ، ،
صاحب المحل-[ولد بعمر ١٦سنه ]:امشي ولي ما ابيعلك كل شي وهذا السم اللي تريده احنه ما عدنه ...يلا ولي :تنطيني لا ابتلي بيك ...
حيدر :شنو السالفة عمي استهدوا بالرحمٰن
صاحب المحل:يااخي هذا الانسان الواگف گدامكم يريد بيره واني گتله ما عندي وهسه جاي يصيح عليه وكل يوم نفس القوانه ....تعبت من عنده...
...االتمت الناس كلها....هاا يمعودين گولوا يالله...
ابو الولد صاحب المحل:ها عمي شرايد من ابني مو گلنالك ما عدنه عوفنه بحالنه
(واني اگول ليش ابني يعزل المحل من وكت طلعت الشغلة بيها إنه)من ورا هذا ابو البيرة
السكير:چنت لازم بيدي بطل گزاز مكسور ....لزمته حيل ووجهته على قلب الولد وضربته چان تنسحب ايدي
:؟ شفته رفع البطل الكزاز وراد يضرب الولد سحبت ايده.......... وانجرحت بالگزازه بايدي ........الدم صار يدير عالارض...
الناس؛الحگوا يمعودين الولد انشگت ايده للولد
....بسرعة جيبوا سيارة خل ناخذه للمستشفى
:اخذوني للمستشفى والدم يجري ...
المضمد...:نضفنه الجرح وخيطناه..
:خيطوا. ايدي ٨خياطات...واني همي كله شنو راح اكول الابوي اذا سمع باللي صار
ابو فاضل: سمعنه صوت هوسه وصياح طلعنه اني والوالد نشوف شصاير .....ما افتهمت شي غير بس الله يحفضه نقذ حياة هذا الولد چان راح بيها ...الله يخلي الاهله...
....ها خويه شصاير ........
حچولي كل اللي صار .....دورت على حيدر ماهو وين راح....اكيد ما تحمل وراح وياهم يودي الولد للمستشفى ابني واعرفه ...مو من اللي يبقون يباوعون وما يتحركون ......خل ادگ علي ....الووو ها حيدر وين انت
:شفت الرقم هذا ابوي ايدگ عليه گلت خل احاچي. حتى ما يحس بشي ....هاا يابه اني بالمستشفى مو صاحبي انجرحت ايده ورحت وياه....
:متأكد لعد ليش تحچي بصعوبه ...
:لا يابه مو لان خايف على صاحبي ....
:شوكت تجون ....
:ربع ساعة واني يمك.....يلا بويه باااي
:الله وياك...بالسلامه ان شاء الله ،،شكيت بي هو اللي انجرح من نبرة صوته.....وردة فعله..
بس ما كتله گلت خل يجي واتأكد...
:طلعت من المستشفى الحمد لله ما احتاجيت دم لان چان عندي دم زايد ...👌😁رجعت لگيت ابوي وجدي واگفين بره ويا الناس يسولفون...السلام عليكم ....
الكل:وعليكم السلام ......الحمد لله عالسلامه ... واجوا سلموا عليه.....
ابو الولد:الحمد لله عالسلامه وليدي احنه ممنونين الك لولاك چان مات ابني وانت فديته بروحك وبدون ما تفكر بنفسك خاف يصير بيك شي ....والله والنعم منك يابطل ومن اللي رباك ....
ابو فاضل. الجد:الحمد لله عالسلامه .....وليدي ...
:يمعودين كلشي ما بيه هو جرح بسيط ...الحمد لله عدت على خير .....
:يا بسيط...و٨خياطات تحچي صدگ يا ابني
:ههه
ابو فاضل😧:٨خياطات 😮.....يلا الحمد لله عدت على خير
ابو الولد:لازم نروح على اهل هذا الحقير السكير ......ونگلهم على اللي سواه ابنهم ...
يلا عمي يلا خويه ابو حيدر... امشوا ويانه ...
جمعنه كم واحد من المنطقة واخذنه حيدر وابوه وجده ورحنا نسوي حل الهالموضوع ....دگ دگ دوگ...
السكير:من شفت الولد انجرحت ايده ركضت بسرعه لان اذا يلزموني يشبعوني كتل ....
رجعت للبيت بدون ما احد يحس سبحت وغسلت حلگي من السم اللي اشربه ...حتى محد يحس بيه ......سويت نفسي نايم ...
چان تندگ الباب ...
ابو السكير(عباس):خير ان شاء الله منو جاينه هسه....فتحت الباب...وانصدمت كومة زلم....
هاااا..عمي خير.:
الكاتبه لحن الحياة.......يتبع....
اعذروني والله مريضة .....
ما گدرت اكتب اكثر .......
اريد تفاعلكم بقصة......
الاختين&زوجة الاب .....
حتى اكملها.......باااااااااااااي
أنت تقرأ
🌹الزواج قسمة ونصيب🌹(مكتمله)
Romanceقصة من الخيال تمثل واقع حال الحياة وكل شخص ينال ماكتبه الله له ولا يأخذ ما كُتب لغيرهِ القصة جداً جميلة تتكلم عن فتاة يتيمه لكنها جميلة وكل من رآها اعجب بها وبجمالها الاخلاقي وجمالها الخارجي تابعونا لتعرفوا بقية الحكايه....... الكاتبة لحن الحياة...
