اهتم بنفسك .. طورها .. اكتشفها .. تعلم عنها . اعرف مالذي يزيدها تألقًا ونبوغًا . ما ينفعك يختلف عما ينفع الناس .. فابحث واجتهد
لين دخلت المدرسة وحالي نفس الحال
وسنين عمري الأولى ف مراحل الدراسة كانت هادئه جدا
انا بطبعي شخصيه هاااادئه مانتكلم الا لضروره
وخصوصا ف الاماكن العامه😌
والمدرسة بالذات
كنت مانتكلم الا اذا سألوني وما نجاوب الا اذا اذنولي🙈
حتى ف اللعب مع يلي ف جيلي وحتى ف الحوش كنت ماتكلم هلبا
هههه لما نتفكر كيف كنت نقول وااك مبردني كيف الناس متحملتني 😳 هههه بجد شخصيتي انقلب 180 درجه مستحيل حد يصدق ان هذيك انا ولا هذه هذيك😂😂😂
يمكن نقلكم ف الجامعه تغيرت شخصيتي يعني مش سنيني الأولى بس ههه احمدوا ربكم ماعرفتوني قبل مانتغير لاني ماكنت نقدر نتكلم بصراحه ولا ندوى معاكم لاني كنت شبه انطوائيه😓
سوبحااان من غير الأحوال😹
المهم نرجعوا لمسرتي القصصيه
كنت اي شي ندير منه قصه اي موقف نتخايله رواية اي شي نكمله😅
حتى لو مافي موقف نصنع المواقف بنفسي ونكملها ف عقلي 😌 هههه لدرجه اني نتخايل حد طاح ونقعد نضحك بروحي ونتخايل رده فعله كيف بتكون من ضحكي 😂
ونتخايل حد مات لين نبكي بالحق ويضيق نفسي ونديرله عزاء وندفنه ونفوت حتى سنين بعده😂
اغلب الناس عندهم هالأشياء لكن متأكده لو الأنسان يطور نفسه يبدع ف كتابه القصص
بس هااا راكم تخلطوا بين الواقع والخيال😨
لاني زمان لما كنت صغيره نفكر ف شي ونتخايله صار بعدها نجي نحكيه معش نعرف هو حق صار ولا ف خيالي😵 اصلا هالأمر قعد موجود فيا المشكله مش ف شيء نفكر فيه المشكله ف حلم نحلمه ونصدق انه واقع😰 هههه
ماعلينا ربي يشفيني 😳
ع ذكر الأحلام
اول سبب خلاني نفكر نكتب روايات هو احلامي
اغلب احلامي قصص وحكايات قليييل مانحلم بالواقع يلي عايشاته
واذا حلمت بالواقع للأسف تكون رؤية وتتحقق😟
احلامي كانت قصص خيالية ودائما انا البطله فيها واحيانا نكون انا الكاميرا🎥 او المخرج🎬 هههه يعني نحلم باشخاص مانعرفهم وكأني نحضر عليهم
ولما انوض نكتب الحلمه ف مذكرة باش ماننساهاش 😹
وكنت انا واختي رورو [ صدى المشاعر] كنا كل صبح نحكوا لبعض شن حلمنا
وكل وحده تفرح لما تحلم بشيء جديد وكل احلامنا قصص خيالية 😻
روعه الأحلام تاخدك من عالمك لعااالم اخر😻
تصوروا مع اني كنت نحكي ونحلم و و و لكن ولا فكرت نكتبهم روايات
هذاك الوقت مافي اصلا روايات منتشره ولا ف حتى نت ولا اصلا فيه نقالات وتغطية 😂 اول ماوصلتنا التغطية يمكن ف 2006 اظن معش نذكر😂😂
اول ماخطر ع باله هالفكرة كانت اختي (رورو) هي وصاحبتها كانوا يكتبوا ف قصص قصيره ف اوراق ويتبادلوا فيها .. وانا كنت نقرأ فيهم وعجبتني هالفكرة ان الروايات يلي نفكر فيهم والحلم يلي نحلمه يكون ف اوراق ونعطيه لحد غيري يقراه😻
بدأت الفكرة شوي شوي تكبر ف راسي
كتبت اول قصه لي ف بدايات 2007 اول رواية نكتبها كانت طويله مش قصيره
كانت تحكي ع بنت يتيمه متربيه ف بيت عمها وعنده زوجته .. وتتعرض لظلم والعدوان من الزوجه
ف يوم خرجت تغير جوها ولما رجعت لقت الشرطه امليا الحوش وسمعت انهم متهمينها بقتل عمها .. خافت وهربت ومشت لصاحب بوها رجل كبير وعاجز (مقعد ف كرسي متحرك) قعدت عنده فترة ولما بدو يبحتوا عنها الشرطه هو رفعها لحوش صاحبه وخلاها تعيش معاهم
......الخ الرواية
ع فكرة هذه كانت حلمه من ضمن احلامي يلي كتبتها😹
كانت رواية باللغه العربية
اول من قراها اختي وصاحبتها بعدها بنات خالي وبنات خالتي .. وبعدها قريباتي وصديقاتي
ومن تعليقاتهم لرواياتي حببوني وشجعوني اني نكتب اكثر ونبدع اكثر 😻
وبديت مسيرتي الكتابيه ومن رواية لرواية
لين حاليا فاتوا عدد رواياتي المكتوبه ويلي قروها الناس 15 رواية او اكثر 😻
وكل رواياتي طوال وليست قصص قصيره
ومع هذا كله نحس بطاقه غير طبيعية ف كتابه اكثر عدد ممكن من الروايات😻
ع فكرة ماكانت كتاباتي لروايات متواصله كنت نكتب امتى نفضى ومش دائما ولا حتى كل سنه لكن الأن نحس بشعور الأدمان لروايات يتغلغل ف كل خلايا جسمي😹
مع اني كتبت عدد لابأس به من الروايات ف زمني لكن مافكرتش نقرأ روايات ونطور من نفسي
اول رواية كانت ف كتاب اهدتني اياه بنت خالتي وقريته
رواية خيالية لكاتب اجنبي
الصراحه الرواية حلوة بس فيها اشياء ماعجبتني وماخلتني نفكر نعاود التجربه ونقرأ روايات
واول رواية قريتها ف 2013 رواية
💓انت لي💓
اثرث فيا واااااجد وادمنت الروايات بعدها ولكن اتجاهي كان لروايات الخليجية واول كاتبه قريتلها هي المبدعه [ساكبه العود]
كنت ناخد ف الروايات من قريبتي تنزل فيهم من النت وتنسخهم واحنا ناخدو فيهم منها عن طريق لفلاش ونقرأ فيهم ف الاب توب
واستمرت قرائتي لروايات
ووقفت عن الكتابه بعدها فكرت ليش ماننشر رواياتي واول رواية كتبتها بالاب توب
هي رواية💚 اسف جدا 💚
مع اني كتبت قبلها قريب 8 روايات بس كلهم ف مذكرات واسف جدا لها مكانه ف قلبي😻
هذه مسيرتي الكتابيه😻
تبوا تعرفوا سبب اختيار اسم وميض الليل😶
رح نقلكم عليه ف يلي يعرف وف يلي متشوق يعرف😻
خليكم متابعين لمسيرتي😻
