الكثير منا يتلقى جرعاات مووووجعه حد الموووت باختلاف الموقف والجرعه 💔
انا تجرعت الألم الحاد مرة لما مات خوي لله يرحمه ويسكنه الجنه
وماتوقعت ان هالجرعه من الألم نذوقها ثاني وف اعز اعز خوتي 💔
زي ماعرفتو عني اني جيت بعد 4 بنات وكان عندي خوين كبار وبعدها جا خوي يلي اصغر مني ب4 سنوات مواليد95
كان تعلقي بخوتي كبييير لا يوصف سوى خوي (عبد....)لله يرحمه او خوي يلي اصغر مني
(عبد الحميد)
بعد مامات خوي ( عبد...) زاد تعلقي بخوي (عبد الحميد) تعلق كبييير والسبب انه يشبه لخوي (عبد...) هلبااا ف تصرفاته وشخصيته ومع ان كل واحد بشكل لكن احنا كنا نحسو فيهم حتى بالشكل يتشابهو
من صغري انا وعبد الحميد مع بعض نلعبو
نضحكو
نتعاركو
ومع اننا نتعاركو وانا نعاند فيه الا انه عمره ماضربني ابدااا واذا زعلني يرجع بعد مده يراضيني بضحكه او مزحه او يكلمني واذا تكلمت او ضحكت يعني رضيت..(اسلوب مختلف ف الارضاء وحلو💚)
كان لله يرحمه حزار وعصبي ومع انه صغير ف العمر وقتها الا انه كان عنده حكمه وعقله كبيير ويحبنا ويخاف علينا من كل شيء
بعد مامات خوي (عبد...) حس انه هو المسؤول عن العائله مع ان عندي خوي الكبير وبوي لكن هو خدا كل هالمسؤولية وبدا يهتم بكل صغيره وكبيره ف الحوش
لما صارت حرب ف سوريا هو كان بيتهور ويمشي يحارب غادي واحنا نقنعو فيه ان غلط ومرات مش صح حربهم قال انا نبي نستشهد ومعش بتجي الشهاده هنا وقبض هلباااا لدرجه امي وبوي بدو يراقبو فيه ليل نهار خايفينه يمشي بدون علمهم حتى جواز السفر خداه منه ولد عمي ودسه باش مايلقاهم
وقتها جيته نقنع فيه ونقله خليك هنا راه حرب مسلمين ف بعض حرام و و و
قعد يبكي ولاول مرة ويقول انا نحلم بخوي (عبد ...) لله يرحمه يقلي تبعني .. تعال ف طريقي ... الحقني
وقتها فز قلبي خفت.. خفت بجد هلباااا 💔💔
قلت اكيد بيموت قريب💔
وامي بدت تبكي
قلناله هذا يبيك تكون خاتم قران زيه وتمشي للعمره وبدينا نقنعو فيه ان مش بس طريقه هي نفس طريقت موته💔
وقلتله صلي استخاره ع المشي لسوريا وكان فيها خيره ربي يسخرها
وكتبتله دعاء الاستخاره ف ورقه ومشى صلى بعد ايام جا وقلي كله منك تو صليت معش سخر ربي قلتله ربي يسخرلك الحال وكان ناوي تكون زي خوك تكون😭
بعدها بمده مش طويله بدا يقرأ ف دورة القرآن .. واول ماحصل فلوس مشى للعمره وكان وقتها قبل رمضان
ولما روح من العمره حسيناه متغير وبدت نفسيته احسن وجا الرمضان وف نصف رمضان صارت حرب المطار ف(2014)
ودار قبيضه يبي يمشي واحنا نقولوله مرات حرام.. وغلط..
وقعمز قال انا نيتي نبي نستشهد وشديتوني ع سوريا ليبيا ماحد يشدني عليها
ونزل اخر ايام ف رمضان
وفات العيد وهو غادي ونكلمو فيه يرقى قال لا
لين قلناله عرس اختك قريب ارقى احضره وبرى
ومارقى لين نزل خويا جابه
اول ما جا انا كنت مع امي ف الكوجينه اول ماخش مشيت نجري نسلم عليه قلتله كل عام وانت بخير عيدك مبارك قال (هو مزال فيه عيد)
وقعدنا نهدرزو عليه وبوي يقله خليك لاش تمشي قال الموت بتجيك وين ماكنت
قلتله مرات تنبتر رجلك او ايدك او تنعاق
