#عندي فوبيا من الاماكن الضيقه او المغلقه لدرجه تجيني حاله نفسيه منها حتى لو فات عليها هلبا تقعد حاله الرعب فيا😱 لا لا مش هنا بس حتى لما نفكر ف هالاماكن تصيبني حاله😭💔
#عندي فوبيا من البوبريص(= البرص = البوكشاش🐾) شن تسمو فيه انتم 😅 خوف غير طبيعي بس نسمع باسمه جسمي كله يكشش😨 لا واذا شفته ف مكان نهرب منه ومعش نخشله حتى كان طلع منه والمشكله ان حتى ف حلمي مسببلي رعببببب💔😭😭😭 وباقي الحشرات مانخافش منهم نهااائيا 😁
# فوبيا من السيارات .. من اول مانركب السيارة لين ننزل وانا نتخايل بندير حادث واذا كنت ع رجليا نقول تو تضربني سيارة 😂 مع العلم ماكنتش نخاف منها وكنت حتى نعرف نسوقها لكن مش عارفه شن صارلي بديت نخاف😂😂
#فوبيا من الاماكن المرتفعه 😭 اصبرووو مش نخاف من مكان مرتفع لا لا قصدي لما يكون ف مبنى عالي وانا تحته نخاف 🙄 او شجره عاليه وانا تحتها او حتى طانطه وانا تحتها نخاف😭🤣😂 اصلا حتى لما نرفع راسي ونشوف لسماء الفوق نخاف 😱 طول تجيني دوخه 😭😂 لكن كاني الفوق عادي مانخافش المهم مش تحت ونشوفلهم وهما فوقي🤣😂 هبال صح؟🤔 هههه
#فوبيا من الدم😑 اي حد فيه دم حتى لو بسيط طول نقعد نرعش حتى لو شفت دم ع الوطاء😓 اذا كان فيا عادي حتى لو جرح كبير لكن ف حد قدامي لا حتى لو ف التلفزيون 🙁
#فوبيا من الطائرات :- مع اني ماعمريش ركبت طائرة😅 لكن نحس انها رعب 😭 حتى السفن يعني سفينه 😭 غير نفكر فيهم تفكير تجيني دوخه 😑
#فوبيا من الاماكن المزدحمه مش قلتلكم نكره الاجتماعات او الزحمه😭 هكا اول ماندخل مكان زاحم تصيبني حاله اختناق مدرى كآبه مادري رعب المهم مانطلع لين نحس روحي بتطلع😭💔
#فوبيا الاحلام 🤔 ممكن تستغربو او ماتفهموش كيف🤣 يعني نخاف من احلامي يلي ف منامي خوف غير طبيعي لان اغلب احلامي تتحقق .. الاحلام نقصد بيها الحلم يلي يكون واضح وتدل ع رؤيه واضحه ومفهومه طول تتحقق بدات لو تفسيرها موت 💔
اممم تموا فوبياتي😂
وهكا تكونوا عرفتو عنا اشياء واجد😅
تابعوا ف احداث حلوة وممتعه صارت معاي بنكتبها ف القادم🤗
