الومـﮧيـﮧض 🌟

#عيوبي

جميل أن نعترف بعيوبنا ولكن الاجمل أن نحاول تغيير عن هذه العيوب 💚

#عيبي الاول :- اني كان عصبت ماعاد نشوف قدامي.. و نلبز الدنيا كلها ع بعضها ونجرح يلي قدامي بكلام واعر .. واني نبدا نذكر ف الجديد والقديم واحيانا شي ماصارش🌚💔 هههه

#عيبي الثاني :- إن راسي مصكر🔒 يعني نعااااند ويلي ف راسي نديره لو فيها موتي🐸💦 ومانخافش من العواقب وقناعاتي هي قناعاتي لو قلتلك الحليب اسود خلاص اسود لا تحاول تقنعني انه ابيض لو وريتني كل حليب الدنيا😂😂🌚

#عيبي الثالث:- اني كان زعلت منك مانتكلمش معاك لو شن ماقلت وندير روحي طرشه ونقعد حتى يومين ثلاثه بدون ماننطق بحرف يعني يلي يشوفني يبصم اني من الصم والبكم 🌚💔 يعني فمي مانفتحه بكل والمشكله حتى ف الماكله مانفتح فمي 🐸💔 عادي نقعد جيعانه المهم مانفتحه🌚💦
(هذه عاده جديده مش من صغري😂)

#عيبي الرابع :- اني حساااااااااسه بكل و دموعي ع سبله ينزلو😿 يعني نحاول اني نشدهم ونحاول ونحااااااول لكن هما مايبو ينشدو 😬 (لكن ماينزلو قدام حد غريب عني او ف مكان عام يعني بس مع عائلتي 😂) واذا صار موقف او زعلت واضايقت خاطي حوشنا نروح للحوش نبكي حتى لو فات ع الموضوع اسبوع😂

#عيبي الخامس :- (ويمكن ماتصدقوهش🌚💔) اني ماعنديش ثقه ف نفسي نهاااائيا 💔 يعني ندير شي نحسه غلط من ابسط نظره او كلمه تنهز هالثقه (لكن تو وحاليا اكتسبت الثقه من دعم الناس لي واصبحت واااثقه من نفسي اكثر مما كنت)

#عيبي السادس :- اني مانحبش الجمعات او الاماكن المزدحمه وياما مناسبات عائليه او اجتماعيه ضيعتها والسبب اني مانحبش الزحمه 😑 وبدات لو ف الامر ماكله😂 غريب صح😂

#عيبي السابع :- الخياااال الزائد عن حده🌚 يعني نتخايل اي شي يصير او بيصير او مايصير ابدا😂 يعني تلقاني معاك منتبه وانت تحكي موضوع مهم من كلمه نسرح بخيالي وننساك لين تنهي سيرتك بعدها نرجع للواقع وانا مافهمت شي🌚💔 مشكلتي ان حتى نبدا ف امتحان نسرح لين يفوت وقت الامتحان وف اخر لحظه نوقظ بروحي ونستعجل ف الاجابه😖

#عيبي الثامن :- اني عندي الزهايمر ف الاسماء .. نعرفك اوكي ونذكر اتفه مواقف بينا تمام .. لكن هاتيلي شيء يذكرني باسمك😳 وحتى لو قلتهولي نرجع ننساه بسرعه 😹
ف مرة نعرف بنت قاريه معاي 9 سنين وفاتت فترة معش شفتها وبعد تلاقينا عرفتها لكن الاسم طااااار مني وتحشمت نقلها شن اسمك 😹 ع فكرة للان مانذكر اسمها 🌚💔 هههه

#عيبي التاسع:- اني ماعندي ثقه ف الرجال كلهم حتى لو خوي نحس انهم خونه وكذابين ويلعبو ع الحبلين .. والعيب اني مانصدقش فيهم بسهوله بدات ف مواقف الحساسه .. وانحس ان هذا اكبر عيب فيا 😖 تمنيت لو مش فيا😔💔

# العيب العاشر:- اني نعرف هالعيوب كلها وماقدرت نضغط ع نفسي ونتخلى عن عيوبي🌚💔

#انتهى
نتلاقو المرة الجاية ف ميزات سادكم من العيوب🐸🔥