هالمرة جبت موقف مرعب مريت بيه
كتبتا زمان ف فقرة خراريف وميض
طبعا يلي قلبه ضعيف لا يقراه😨
انا عن نفسي ولله نرعش حاليا من الموقف😨
قراءة مرعبه😹
هذا يابنياتي زمان هالموقف يمكن ف 2012 او بعدها المهم
كنت انا وبويا وامي وخويا لله يرحمه طالعين لارضنا وكنا نهدرزو ونشربو ف الشاهي
وانا نضحك ع بويا ونقله تجنن حياتكم زمان كنتو تسكنو ف دواميس وجو مش عادي
وبدا يحكيلنا ع حياتهم زمان
وقال ان كان عندهم زمان مرا عزوز ساكنه بحداهم وتسرح ف غنمهم
هالمرا كانت تسكن بروحها وكانت تجيهم ديما
ماتت المرا ودفنوهم جنب حوشها ومادفنوهاش ف جبانه
المهم بعد فقره من موتها بدو يسمعو ف اصوات ويشوفو ف خيالها بدات وقت المغرب او الليل 😨😨
ولما يسرحو ف الغنم كانو الشياه (يجفلو) يعني يطيشو ف كل جيهه فجاءة وكان حد يحوش فيهم 😨 وزي ماتعرفو الحيوانات تحس بالغول والجنون وتشوف فيهم
المهم قال بوي انه كم مرة لمح خيالها وسمع اصوات
وهو يحكي وانا وخويا نضحكو بدل مانخافو
قاللنا شن تضحكو راهي مدفونه قريب من حوازتنا .. انا ولله خفت وقتها بس مادورتش هلبا لان ليها سنيييين القصه ومستحيل تطلع 😂👌
المهم وقت المغرب انا وخويا لله يرحمه مشينا لسيارة انا ركبت من تالي ورجليا برى السيارة وخوي ركب من القدام يدور ع اندرى شن ف القجر امتع السيارة
وانا نشوف لنقال
المهم حسيت حاجه ف رجلي اندرى كيف ترعش ولا شن صابها
وماعبرتش نسحاب من التعب
المهم الاحساس قوى رفعت راسي وشفت لرجليا لقيت الوطا تتحرك من تحتي 😨
ورفعت راسي لقيت السيارة تمشي بروحها بديت نعيط لغويا وقفها وقفهاا وهما ماعرفش كيف يوقفها وهو من جنب كرسي السواق
وانا نشوف ان السيارة بدت تجري وبنخشو خلاص ف شجرة كبيييره قدامنا ونعيط غمضت عيوني لين وقفت السيارة فتحت عيوني لقيت خويا موقفها بايده دارها ع الفرينو ولله نزلت نرعش قريب متت
لما مشينا لامي وبويا يلي جايين يجرو مخلوعين وقلنالهم تحركت بروحها وبويا مستغرب كيف وهو موقفها كويس ومش ف ساليطه 😰
وشميت حاجه رعش جسمي منها ريحة زهر 😰
زهر ف الحوازه ومش اي حد مداير زهر😨
لما روحنا قلت لبويا ولله تطلع الا غولت المرا جتنا 😨😨😨
من بعدها كلما نمشي للحوازه نقعد الا نقرا ف القران ونشوف ف جميع الاتجاهات 😵
ولله اعلم لو هي او مجرد 😓
....
ف موقف اخر ارعب منه😨👇
هذا ياساده ياكرام احنا كنا صغار ومن يوووم وعيت ع الدنيا جنبنا حوش مايسكن فيه حد يعني مرات يجوه ناس يكروه فتره ويمشو
المهم دايما نسمعو بقصص رعب فيه وجنون ويقولو يشوفو ف خيالات واصوات😨
للمصداقية انا شخصيا ماشفت شي قبل هالموقف😵
المهم مرة سكنو فيه عرسان جدد وسمعنا بان مواقف مرعبه صارتلهم وان الجنون يحاربو فيهم ويشوفو ف خيالات واصوات واشياء تخوووف😱
انا كنت نخااف حتى نقبلله ف الليل كان الباب امتعنا مفتوح😨 يعني كان خطمت نغمض عيووني😵😂
نبصر ولله كنت لما نخطم نشوف وندقق نخاف يفاجئني من غادي ونوعي كان نخاف نقعد نشوف للمكان هلباا باش نتأكد
المهم كنا صغار وكنا نخااافوو من كثر مايحكو ع هالخوش المهجووور😨
وكان عندنا قطوسه صغيره مربيينها وبويا كان يكره القطاطيس
ويعارك فينا كان دخلناها للحوش 😳
المهم يحذفها خويا تولي يعطيها لحد من الصغار وتولي من جديد لحوشنا 😂 حتى يحطها ف شكاره تولي مش عارفه كيف تعرف الحوش😂😂
وكنا نلعبو ف السور امتعنا انا وخواتي واولاد عمي وبويا قال نلقاها هنا نقتلكم 😓عطوها لحد ولا احذفوها
المهم شدها ولد عمي وحذفها من حوشنا لحوش جيرانا حوش المسكون😵 كانت المسافه طويله واحنا قعدنا نعاركو فيه حرام عليك مرات تموت وكيف نتكلمو لين توليلنا تفر😱😱😲😲😲😲😰😰😰😰 للعلم الحوووش فاااضي راه 😲 مافي سكان ولا حد😰😰 والطقوسه ولت تموش فوقنا وطاحت بحدانا عاد احنا يلي طاح طاح ويلي عيط عيط ويلي هرب هرب ويلي قريب انجلط😱😱😱😱😱😱😱😱😱
ولله ولله قمه ف الرعب 😱😱😱 وانا نكتب تو فيها ونرعش ونتلفت ف جميع الاتجاهات لاني بروحي😨😨😨
المهم واحنا نعيطو والكل طلعو مخلوعين منا جا خويا مروح من الجامعه مخلوع يسحاب اندرى من مات😨
حكيناله القصه كلها😰
قعد يضحك علينا😂 قال سكان الحوش امس جوه وعندهم صغار تو شفتهم يلعبو ف صورهم😂😂😂 اكيد لما جتهم القطوسه تفر حذفوهالنا تفر😂😂😂 لعب هو بيها المسكينه😳
قطوسه وتفر 😂😂
قسم بالله رعب ولله بس ف النهاية كييييخ😂😂😂 للعلم لتو نخاف منه الحوش مع انه سكانه سكنو فيه ومرا مصرية زمان بروحها فيه لكن لله اعلم هالقصص يلي سمعناها حق ولا كذب😂👌
وغيرها من المواقف المرعبه😨
ان شاء لله ماخفتو😹
