وبعد يلي صار
تحطمت 💔
انتهيت 💔
ياست اني نلاقي موهبتي او انا وين😔
كنت نشعر بألم داخلي كيف فرحت اني لقيت موهبه تليق بيا وحلمي اخيرا ولد لكن هالحلم مات وهو وليد الايام😿
وقفت عن الكتابه لمده طويييله يمكن سنه او سنتين لكن ماوقفت عن التفكير ف الروايات وتأليفها لان هالشيء صار يجري ف دمي يعني ادمنته❤
واستمريت هكا نألف وقت الليل او لما نكون مكسده ولو من هداك الوقت نألف ونكتب راهو صارو عندي فوق50 رواية لان ف اليوم نألف مرات 5 قصص
ولما فكرت فيها حسيت ان لازم نرجع نكتب وحتى لو ماقراهم حد المهم مايضيعو مني
ورجعت نكتب ولما نكمل نحطها ع جيهه
وشفت ان تعبي حرام يضيع هكا المفروض نشوف من يحب يقرأ قصص ويقراهم حتى لو ماعجبوه وبديت نعطي لاختي من جديد وصاحبتها يقروهم واقرب الاقارب
وشوي شوي بديت ترجعلي الحياة ويرجع حلمي ينولد من جديد وخصوصا لما نشوف تعليقاتهم ع القصص ويطالبو فيا نكتب ونكمل
واكتشفت متأخرا ان صاحباتي هم يلي قتلوا حلمي بعد ماقتلو حتى ثقتي ف نفسي 💔
وانهم ماكانو يدعمو فيا بنقدهم بل كانو يحطمو فيا تحطيم شامل كامل😖
وكتبت رواياتي وحده ورى الاخرى وبديت ننشر فيهم
اول رواياتي
شباب التحدي
الإخلاص
حكاياتنا
لن انسى
همس العيون
اسف جدا
هدم الروايات بالترتيب كتبتهم ف مذكرات عدا اسف جدا كتبتها ع الابتوب وماكملتهاش لين نشرتها بعدها كملتها
وبسبب هالتجربه قررت مهما كان مانيأس من اول مرة ومانخلي حد يحطمني ولازم انوض مرة ..اثنين.. ثلاثه.. عشره لين ننهض وماعاد نطيح💚
وهكذا استمريت من 2010 الى 2017 عالمي محدود بس قرائي هم قريباتي 💚
واول دخولي للعالم الفايبر ولقروبات العامه نشرت اول رواية ليا ويلي هي (همس العيون) ف 18/2/2017
وبعدها ع طول نشرتها ع الواتباد
يتبع...
