الكثير منا له موهبه ولم يتم اكتشافها الي الأن💔
لما كنت صغيره كنت نشوف ف المواهب المنتشره ع التلفزيون او من اشخاص قريبين مني وكنت نتمنى لو تكون عندي موهبه نتفنن فيها وننشهر بيها
اول موهبه كنت مصره انميها هي الرسم
ياما رسمت ورسمت ورسمت ولم اجد اي رسمه😭💔
هههه مع ان كان حلمي نكون رسامه وكنت فعلا نرسم اي شي يخطر ف بالي او تشوفه عيني
حتى اني كنت نقلد ف رسومات الرسامين او الصور يلي ف الكتب او اشخاص امامي لكن مامن رسمه نقيمها حتى بالمقبول😂
ومع هذا كنت مصرررره نكون رسامه🌚💔
حتى اني محتفظه بمذكرة فيها رسوماتي و قبل سنه من الأن الحمد لله ضاااااعت 😂
كنت لما نتفكر اني بنكون رسامه نفتحها ونشوفها ونتفل ع وجهي ونسكرها🐸💔
وهالمشوار طويل الصراحه من صغري لين وصلت صف السادس لكن بعدها استحيت ع دمي ويأست🌚
بعدها قررت نتجه لشعر😍
وفرحت وتأملت هلباااا لان اغلب عمامي وخوالي شعراء😻
واشرقت شمسي🌞 وبديت ف الشعر وهات هالبيت من الشعر من غادي ولصقه هنا وجيب اخر من جهه اخرى ولصقه فيها🐸💔
وشوي شوي زعميتك هاهو بدو كلمات يزبطو مع بعض
وبديت عاد نرفع ف راسي ونفتخر اني شاعره ونكتب ف مذكرات ونالف 24 ساعه
لكن لما نرجع نقرأ يلي كتبته يجيني شلل نصفي جزئي علوى🌚💔
بعدها قررت نكتب وخلاص لا نعطي لحد ولا حتى بروحي نقراه لين يفرجها ربكم🐸
وكذالك مذكراتي امتع الشعر للأن موجودات😂 (بداياتي ياباب لازم نحتفظ بيهم 😌)
كنت نبي نكتبلكم من شعري لكن هونت😅 خايفه تاخدوني بعين😏 >> كذابه ماتبيش تحشم روحها شعرها يحشم😂
اسسس يانفسي معش تتكلمي وتفضحيني😲>> به😐
خلي نقلكم بيت شعر هذا احسن واحد وفيه الضي💡😂
#
يا فلانه علي شاااانك .. مانبدلك بناس اخرين❤
ف القلب محفوظ مكانك .. ماننسوك مادامنا حيين❤
ياريت قريب عنوااانك.. انزورك لما يزيد الحنيين❤
((هو طويل لكن نسيته😂))
وف شعر ع اساس باللغه العربيه😂
رجعت لنفسي فلاقيت همومها .. ولاقيت الذنوب والاحزاني
ولاقيت فيها شدت كرووبها .. ولاقيت قلبها لاينبض كأنه فااني
...
وهذا اخر😹👇
اياا خلاا لي ف غربتي .. ان غبت عنك تأتيني
فماتى ارى خليلاا .. فألاقيه بفرحي ويلاقيني
وامد يدي وجوارحي .. فلقائه وحده يكفيني
..
وهذا جزء من شعري البايخ😫 المهم نلبز ونحط بالعربي وبالعامية وبرى لين يأست وقررت معش ندور موهبه ونخلي الموهبه هي ادورني🐸💔
لين فعلا هي لقتني🌝💚
يتبع....
