الثلاثة يحبونها

الفصــــــل الثامــــــــن

الثــلا ثــة يحبــــــونــــها 

ورجع أسامة الي آلاء وجلس ونظر إليها وقال بأرتباك :
أنا أسف علي  اللي حصل ....

آلاء : لا أبدا ... أنا اللي أسفة أني أتسببت في مشكلة لحضرتك مع خطيبتك ....
أسامة: لالالا .... دية مش خطيبتي ولا هتكون .... ممكن نكمل أكلنا بقا
فنظرت إليه آلاء وأبتسمت ... وفي نفس اللحظة يرن هاتف آلاء فتمسك بهاتفها وتنظر فيه ثم تقوم بغلقه .. فيبتسم أسامة ويقول

ليه قفلتيه ؟؟!!!
آلاء وهي تبتسم : لأني المفروض في المدرسة ...
فضحك أسامة بصوت مرتفع جدا لتسمع صوت ضحكاته ريهام وهي تراقبه وتنظر إليه بغيظ ....

فنظر أسامة لآلاء وقال :
تسمحي لي  أتعرف عليكي أكتر ؟؟؟

آلاء بخجل :
حضرتك عايز تعرف أية ؟؟

أسامة: بصراحة ... كل حاجة .لكن أهم حاجة عندي في الوقت الحالي ..أنتي مرتبطة ولا لا ؟؟

آلاء وقد احمر وجهها خجلا :
لا .. أنا مش مرتبطة ...

فأبتسم أسامة وقال : طيب مش بتفكري !!!!!

فضحكت آلاء وقالت : لا مش بفكر .. انا لسة في ثانوي .. بعد الجامعة ابقي أفكر ..

أسامة وهو يردد كلامها بسخرية  : بعد الجامعة ابقي أفكر!!!! ولية جاية علي نفسك كده ؟؟؟ ما تفكري بعد سن المعاش أحسن ....

آلاء وهي تبتسم: مالك ؟؟ هو انا قلت حاجة غلط ؟؟
أسامة: أكيد طبعا .. يعني أية مش بتفكري !!! بعد العلقة ديه ومش بتفكري !!! والله يبقي حرااام عليكي ..

آلاء: ممكن افهم حضرتك عايز تقول أية ؟؟؟

أسامة: بصراحة .. وصمت ثم قال :
انا معجب بكي جدا .. من اول مرة شوفتك فيها ....

آلاء: اولا انا معرفش حضرتك .. ولأول مرة نتكلم فيها مع بعض ... وصمتت ثم قالت ثانيا :خطيبتك .. اللي واقفة هناك وبتراقبنا ؟؟؟؟  

فتنهد اسامة وقال : خطيبتي !!!! أنا هحكي لكي كل شيء بصراحة ....
وبدأ يقص عليها تفاصيل حياته بصراحة .. أما ريهام فانصرفت غاضبه إلي الشركة ......

وبعد  إنتهاء اليوم الدراسي لم يكن جاسم فقط من ينتظر خروج آلاء  من المدرسة بل  كان شريف ايضا  واقفا امام مدرسة آلاء ليستقبلها عند خروجها ...  ينتظرها بشوق ولهفة .. ينتظر خروجها ليري عيناها فهو عاشقا لبريقيهما .......
ويقول في نفسه ......

متي تأتي فقد طال اﻹنتظار ....أه من الشوق ان الشوق نار

أتمني أن اراها فيطيب قلبي..........اتمني أن انظر لعينيها
لترقصعيني.......

الدقيقه في غيابها ساعه.......الحنين يقتلني في الدقيقه

ساعه........أنا هنا انا وقلبي ......انتظرها وقلبي باللهفه