الثلاثة يحبونها

الفصــــــل الثــــــــالث

الثــلا ثــة يحبــــــونــــها 

وعند وصول ألاء منزل جدتها وطرقت الباب ففتحت امها فهتفت بشوق قائلة: لولو .. حبيبة ماما وأحتضانها  ودخلوا بالداخل ...

ألاء لامها : وحشتيني ياماما .. البيت وحش من غيرك خاااالص ثم التفت لغرفة جدتها وقالت
.. هي تيته لسة تعبانه  .... وأسرعت بالدخول  لـــ  جدتها وهي تنادي :
تيتة ... يا تيتة ....

الجدة : تعالي ياقلب تيتة .. فأرتمت ألاء في احضان جدتها وقالت :
سلامتك ياتيتة ... ألف سلامة عليكي ...

الجدة : الله يسلمك ياحبيبتي..
فدخلت الام عليهما وقالت :
الأكل جاهز .. تحبي ياأمي اجيب لكي الأكل هنا ولا تطلعي علي السفرة ..

الجدة : لا . هطلع اقعد معاكم علي السفرة ...

فامسكت ألاء بيد جدتها وهي تبتسم وتقول :
يالا .. يا تيتة يالا .. دانا جيبالك عريس قمر .. فضحكت جدتها ونظرت لامها وقالت :
شفتي يامنال . لولو حبيبتي جيبالي عريس مش انتي عمرك ما فكرتي فيا وعملتيها ...... 

فضحكت منال وقالت :
عجبتك يامفعوصة جبتيلي الكلام ....

فضحكت  آلاء وقالت : انا ماليش دعوة انا هااااااكل وناااام وصلحي الموقف انتي بقا ياماما....تيتة ماصدقت ولا اية ؟؟!!!!

وبعد انتهاءهم من الطعام  قامت ألاء بمساعدة أمها ثم قالت ..

ماما بعد انك اذنك انا هدخل أنام شوية .. مش عارفة أنام من يوم ما ماشيتي ...

فأبتسمت منال وقالت :
ادخلي ياحبيبتي الحقي ساعة  قبل خالك ما يجي من السفر ....

ألاء في استغراب : خالي !!! هو رجع من الكويت ؟؟

منال : ايوة .. رجع من يومين . وهيجي انهاردة علشان يطمن علي تيته ...

ألاء : تصدقي نفسي اشوفه .. اخر مرة شوفته كنت تقريبا ٦ سنين  ... صحيح هو لوحده هنا ؟؟!!

منال : لا ابنه شريف معاه وهما في الطريق دلوقتي .. ادخلي بقا نامي شوية علشان تقدري تستقبليهم ...

الاء : حاضر ياماما ... عن اذنك ....

ودخلت ألاء لحجرة بجانب حجرة جدتها واغلقت الباب ....

⚘⚘⚘⚘⚘⚘⚘⚘⚘⚘⚘⚘⚘⚘⚘

فخلع اسامة نظارته الشمسية ووضعها علي الطاولة ثم قال بأرتباك:
ريري ممكن نتكلم بصراحة ؟؟

ريري : ياريت ....

اسامة بابتسامة باهتة : أنا أسف ثم نظر للارض ثم رفع بصره إليها وقال :
أنا أكتشف أننا صعب نكمل مع بعض.....

ريري بغضب : لا والله ... ممكن افهم لية يااسامة ؟؟

اسامة بحجرج : ريري انا اسف فعلا .. لكن انتي تستحقي واحد احسن مني ....