الثلاثة يحبونها

الفصــــــل الرابــــــع عشــــــــر والاخــــــــير

وبعد مرور ايام ذهب اسامة ليري الاء وعندما خرجت من المدرسة ووجدته في انتظارها فاقتربت منه وقالت :
اهلا اسامة . كنت فين كل ده ؟؟!!
اسامة : والله .. زعلانه منك جدا  ..  اغيب كام يوم ولا تسألي عني....
آلاء وهي تبتسم والله اسفة لو عرفت هتعذرني ..
اسامة : طيب يالا اركبي واحكيلي ... وكمان عندي مفاجأة لكي ...
ابتسمت آلاء وركبت معه سيارته وذهب اسامة بها الي النادي وبعد جلوسهما ابتسم لها وقال :  اتفضلي ارغي .. قصدي احكي حصل اية معاكي ؟
آلاء: بصراحة قريب جدا هتخطب ...
وعند سماع اسامة هذه الجملة لم يعلم ماذا حدث لقلبه .. فهو كان سيفاتحها بالزواج .. صمت اسامة ولم يتفوه وينظر لألاء في صمت وكانه نسي الكلام وهي مازالت مستمرة في سرد حكايتها مع جاسم ..
فنظرت آلاء الي اسامة بدهشة وقالت :
مالك يااسامة ؟؟
اسامة ساخرا: يعني مش عارفه مالي !! ثم قال :
آلاء انا كنت هكلمك في الجواز ..
آلاء بأرتباك : اسامة .. انا فعلا بتشد لك وبحب اتكلم معاك لكن كاخ مش حبيب ..
فنظر اسامة وامسك بيدها وقال :
وانا بحبك .. عملت كتير علشان اقدر اقولهالك .ثم نظر في الأرض ثم رفع راسه اليها فرأها تنظر في اتجاه معين بفزع .فألتفت الي ذلك الأتجاه فراي جاسم واقفا ينظر اليها بغضب ثم انصرف فترك يدها ونظر إليها وقال :
انا اسف مقصدش .. هو مدرب في النادي هنا ؟
آلاء ودموعها تنساب علي خديها ..
ماكنتش اعرف في اي نادي ... والعمل اي دلوقتي ؟
اسامة : للدرجاتي !! قامت آلاء واقفة  وهي تبكي وقالت :
اسامة من فضلك ساعدني وقولي اعمل اية ؟
فنظر إليها اسامة وارتدي نظارته وانصرف ....
اما آلاء فاسرعت لتساءل عن جاسم فاخبرها الامن برحيله ....
اما اسامة بعد خروجه من النادي مكسور القلب ذهب للشركة ودخل مكتبه والحزن يكسو وجهه وجلس علي مقعده وطأطأ براسه للأسفل ووضع يدها علي راسه ثم تنهد ورفع رأسه لاعلي وهو يغمض عينيه واخرج ورقة ونظر بها وامسك هاتفه وضغط علي ازاره وانتظر الرد

-----------    اميــــــــرة أحمـــــد   ----------

اما شريف كم كان قاسيا عليه فقرر الابتعاد واثناء شروده رن هاتفه فنظر في شاشة هاتفه ويبتسم ويقوم بغلق الهاتف . فهو لم يستطع الرد عليها ( آلاء )
وظل هكذا حبيس غرفته ولكنه بداخلها بركان وامسك بقلمه وكتب ..

أنا اول من ظلمت قلبي وقلبي أول من عصاني .
وابكتني التي كنت لها ابتسامه كيف إستباحت مشاعري ......لا ألوم علي الحب إن كان احبابي من ورق .....هي التي قست علي قلبي حتي انفلق........غريب انت ياقلبي حظك في الحب فقير.......دائما تعشق كل حقير ......ظننت أنها هوتني ولكنها قد هوت غيري ......هذا ليس عدل هذا ألم قلبي ......لن نعيب علي الحب فالحب بعيد عن اوطانه.....كل اصبح سراب هو وجماله وحنانه....

فطرق والده باب غرفته ودخل ونظر اليه وقال بغضب :
اية ياشريف اللي سمعته من امك ده ؟ عايز ترجع الكويت ؟؟
شريف : ايوة يابابا .. انا قررت ارجع الكويت ..
السيد : وليه ان شاء الله ..
شريف : مش مرتاح هنا ....
السيد : ياشريف .. انت مش مرتاح لانك عايش في وحده .. طيب اي رايك نخطبلك بنت كويسة ؟
شريف : مش بفكر في الجواز .
السيد : لا ما انت لو عرفت اختارت لك مين هتغير رايك...
تنهد شريف والتزم الصمت .....
السيد : اختارت لك آلاء بنت عمتك .. انا شايف ان عندكم ميل لبعض ...
شريف بعصبية : بابا من فضلك  انسي الموضوع ده وانا بجهز نفسي خلاص وده قرار نهائي... وانصرف خارج الغرفة غاضبا وفتح الباب الشقة وانصرف ..