ليييييه ي امي ابوي يعمل كدة انتي ذنبك شنو😭😭😭....لالا ي بتي ما تبكي دي قسمتي وانا رضيانة😢....والله ما اخليه بس لمن يجي😫.....داليا داليا يا بتي تعالي...انا ولا اشتغلت بيها ومشيت بكيييييت قدرتي جعررررت😭😭 وبعدها بجد حسيت نفسي ارتحت مشيت غيرت هدومي ونمت لان كنت تعبانة من السفر
ما فهمتو حاجة صح؟😅😅
ح افهمكم يلا انا داليا ح ادخل ليكم في القصة بالتفصيل ابوي طبعا مغترب اول ما عرس امي ساقها السعودية وجابوا اختي الكبيرة دينا وبعدها بسنتين انا وبعدي با ربعة سنوات امي حملت باختي الاصغر مني دانية وطوالي رجعنا السودان عشان امي تولد واساسا كان دينا بعد دة دخلت المدرسة بس يلا جينا هنا وكنا مبسووطيين وابوي كان بجي يقعد معانا 6 شهور ويقعد في السعودية 6 شهور والحقيقة امي وابوي كانوا متفاهمييين لابعد درجة بس زي ما بقولوا عين واصابتهم يلا في مرة من المرات ابوي جا والغريب انه مشا قعد في الخرطوم شهر بحجة صحبه عندو عملية وهو مشا عرس تاني وطبعا اساسا ماف سبب مقنع الزول بيعرس لمن يتشاكل مع مرته امي وابوي ما حصل اتشاكلوا ولمن المرة ما تولد ما شا الله امي ملته عيال في شنو؟؟؟ّ ما معروف بس عدا الشهر بتاعه وجا واصلا كان فضل ليه من اجازته شهر قعدو وسافر والزمن داك انا عمري 4 ودينا 6 ودانية لسة عمرها شهور يلا عدت الايام والشهور والسنين وانا بقيت في سنة 8 كانت الاجازة وانا ماشة ع تامن ابوي قاعد فيها يلا ودانا ناس عمتي لقينا معاها مرة كدة سلمنا عليها انا ودينا وكان عندها بيبي صغير وهي كانت ظريفة شديد تلعب معانا قمت سالتها اسمك منو قالت لي منی قلت ليها والبيبي قالت لي محمد قلت ليها ابوه اسمو منو سكتت كدااا قالت لي ابراهيم( ما تستغربوا انا اصلا فضولية كدة لمن اشوف بيبي بس التقول دايرة اطلع ليه جنسية ههههههه😂😂😂) يلا مرقنا رجعنا البيت حكيت لامي. هي كانت مهموومة وانا طبعا حسيت بيها لكن ما سالتها...عدت السنة بي خيرها وبي شرها وجبت 279❣ وكنت الاولی انا كنت تلميذة متفوقة وكمان جميلة خلقة واخلاق الحمد لله يلا في الاجازة ابوي محمد جا وكان مبسوووط لاني الاولی وكدا يلا جا وكان مسافر الخرطوم وانا ودينا قلنا الا نمشي والزمن داك امي كانت حامل يلا ابوي قال لينا امكم وشنو ما بعرف امي قالت ليه خليهم يمشوا و مشينا بتذكر قعدنا 6 ايام ابوي ودانا ناس خالتي ومشا قعد عند ناس مرته(وكذب قال عند اصحابوا😒😒) المهم في 6 ايام ديل ابوي فسحنا انا ودينا ودانا المتحف وودانا كم حديقة انا ودينا وبنات خالتي وكدة يلا يوم ودانا منتزه كدة كنا انا ودينا وبنات خالتي واولادها يلا ابوي قال ماشي يجيب ناس ويجي قلت ليه منو قال لي مفاجأة ومرق دينا مشت معاه لمن جو كان سايق ليه مرة سلمت عليها وفعلا ما كانت غريبة علي كانت لابسة ليها توب شفاف وشعرها برة😒 وجاية مع ابوي انا لمن استغربت قلت ابوي من متييين بيرضی بكدة؟😨 وكان معاها شافع صغير كدة ابوي قال لي اتذكرتيها؟ قلت ليه لا قال لي دي منی الكانت زمااان لاقيناها عند ناس عمتك يااخ فرحت فرح😍😍 سلمت عليها وشنو والبوساتوما بعرف والولد كان شوية كبر سلمت عليه (اتذكرتوها صح؟) لعبنا وتمينا لعبنا وابوي رجعنا ناس خالتي واصبح الصباح ابوي جانا قال لينا مسافرين بكرة سايقكم ناس قريبتي ونسافر من عندهم ودعنا ناس خالتي ومشينا معاه وصلنا الييت كان مليااان ناس سلمنا وطلعت نفس المرة ديك يلا انا كنت قاعدة في تلفوني وكنا قاعدين انا وابوي ودينا وخالتو منی وولدها وبت عمتها واخوانها انا قاعدة في التلفون بس بالي معاهم سامعة الونسة قامت بت عمة خالتو منی حكت لابوي عن مرة راجلها عرس فيها قامت كتبته عند شيخ والبلاوي دي وفي النهاية قالت ليه اعمل حسابك من مرتك دي قام ابوي شغال يسكت فيها عشان انا ما عارفة وكان عرفت بعيد من امي ردة فعلي حتكون كعبة وامي عارفاني(انتوا فهمتو صح؟ منی دي ياها مرة ابوي والشافع الصغير دة اخوي من ابوي كدة وقع ليكم صح؟) يلا امي عارفاني عشان كدة كلمت ابوي قالت ليه اعمل حسابك داليا ما تعرف وهو ابوي شغال يسكت فيها وهي عاملة ما شايفاه الرمة قام ابوي هاج فيها قال ليها انا من قبيل ساكت ليك لكن كلمة في هند ما بقبلها(هند دي امي) ومرق انا سألت خالتو منی قالت لي ماف شي يلا بليل كنت قاعدة جنب ابوي بكوي ليه في هدومه المسافر بيها بكرة وهو بيتكلم مع امي لمن انتهی قلت ليه قبيل حصل شنو طوالي اتلبش كدة قال لي ماف شي وقتها انا عرفته كذاب لكن سكت فجأة جات بت عمة خالتو منی ابوي قال لي داليا امشي اقعدي مع دينا هناك انا طالع اجيب ليك اللبان الدايراه دة(طبعا بمووت في اللبان اليوم كله شغالة طبق طبق هههههههه😂😂😂) يلا هي انا سمعتها اعتذرت ليه ظوالي مشيت حكيت لدينا طبعا هي عارفة الموضوع قالت لي طنشي ساي ها وتاني يوم الصباااح مشينا سافرنا مدني لناس امي يلا الطريق كله اصور في ابوي وهو سايق😂😂😂
يتبع.....
