ركبنا العربية حمنا ما خلينا مكان وفي النهاية رجعنا ومراد دة كرهني مرة حضن ومرة بوسة😅😅وانا طبعا ضعيفة في الحاجات دي بدوخ طوالي مراد قال لي داليا؟؟قلت ليه نعم قال لي ارح نعرس مع ناس وجدي(عرسهم كان بعد 7 شهور يعني جية ابوي الجاية)قلت ليه لالا ي مراد ما معقولة معاك انت خليني اخلص الجامعة ما بقدر على بيت وراجل وعيال وجامعة اولا البيت انا ح اجيب ليك حبشية تطبخ وتنضف ليك راجل ما ح اتعبك انا بالمناسبة😌😌 عيال ما دايرين زاتو لحدي ما تخلصي جامعة وبالنسبة للجامعة انا بشرح ليك تاني في شي؟؟؟ قلت ليه لكن... قاطعني قال لي لكن شنو؟؟ قلت ليه موافقة قال لي حبيبتي انا😍😍"عليكم الله خليكم من مراد ونفسنتو😂😂 انتوا كيفكم"المهم رجعنا وداني بيتنا ومشا بيتهم وانا وحاتكم نمت بي فستاني تاني يوم جاتني دينا ناطة قالت لي دالياااااا😃😃ح نعرس مع بعض قلت ليها يعضيك كلب ي سجم ي رماد ياخ خبررك بايت ومقدقد بالجنبات😛😛😛 عليك الله اقطعي وشك خليني انوم عويرة دي😒😒 قال نعررس مع بعض قال دينا دي انفقععت بالضحك قال لي خربتي لي مزاجي لمن تصحصحي زي الناس نجي نحتفل مع بعض ومشت وانا ولاااا كضبت قفلت النوور ونمت صحيت 3😅😅 وكمان شنو بصوت التلفون يعني لو ما مراد اتصل ولا كنت صحيت😂😂اول ما رديت اسمع ليك ي بنت انتي جنيتي ولا صبح ولا ضهر والعصر قرب😠😠قلت ليه صباح النور مشتاقين😂😂قال لي طيري صلي😡😡قلت ليه ما عندي جناحين😝😝 قال لي داليا جادي معاك بعدين اقلعي الفستان دة كرهتيه عيشته والبنس الفي شعرك دي بعدين تجي تتبكي لي مصدعة وما بعررف شنو يلا انا بقيت كدة😳😳😳قلت ليه عرفت كيف دي دينا مش؟؟ قال لي ما يخصك امشي صلي وتعالي😪😪قلت ليه سمح ماشة قفلت منه مشيت استحميت وصليت ...الخ امي قالت لي اجهزي ناس مراد جايين قلت ليها اووووف عشان كدة ما كنت عايزة اعقد😤😤ياخ قولي ليهم نايمة ودخلت جوة ربع ساعة كدة اتصل علي مرادي♥رديت قلت ليه اها وريني عرفت كيف قال لي يعني حيكون كيف اكيد دانية😂😂قلت ليه ي لهوووووي ي مصيييبتي وكوركت لي دانية قلت ليها تعالي ي زفففففت😂😂😂ي قوالة ي سوواطة عايزة تخرربي بيني وبين راجلي ي سقييييلة😒😒😒لا وكمان من اول يوم ومراد دة يضححك😂😂😂طبعا هي ولااا هببت لي ولا قالت لي بتقولي في شنو😅😅امي نا دتني قلت لي مراد امي بتناديني قال لي ختي السماعة وامشي ليها عملت القالوا لي ركبت السماعة ومشيت امي قالت لي ناس مراد الليلة جايين قلت ليك قومي اعملي لينا كيكة وداك بي هنااك يسمع ومستكييييين😂😂😂 واثناء ما امي بترغي قال لي ي داليا انا بحبك حب💖ياخ بعشقك عديل يلا شفتو دي خلتني في عالم تاني😂😂ولا سامعة امي بتقول في شنو بعد انتهت مشيت غرفتي وقفلت الباب والله نبذتو نبذ الكلب قلت ليه جنيت انت قال لي بعدين البسي كحلي"سفهني الكلب😂😂"قال لي البسي كحلي عشان نكون زي بعض وفعلا لبست فستان كحلي طويييل ومعاه حزام بني لبست طرحة بني وجزمة بني وعملت حببة ميكب كدة وكنت قمر 14 بس😍 المهم ناس مراد جو وكالعادة انا ومراد طلعنا ومشينا سيتي مول واتفرجنا مراد قال لي ي داليا ما ممكن نجي لحدي سيتي مول وما تشتري شي😔قلت ليه اشتري لي طيب طووالي😆😆قال لي انتي نهائي ما عندك اتكيت😂😂قلت ليه اجي!!!اتكيت مع راجلي كمان هه دنيا لكن😅😅كنت دايرني اقول شنو؟؟قال لي قولي ماف داعي وكدة😚😚قلت ليه انت مجنون اجي لحدي سيتي مول وما اشتري؟؟يتخيل ليك يلا ارح قدامي اشتري لي اسبورت وردي ياخ نفسي يكون عندي ياخ قال لي طيييب ي ستي واشترى لي اسبورت وردي خوووووررراااافي ولمن طالعين خلاص قال لي دقيقة انتظري ماشي وجاي قلت ليه طيب مشى اشتري لي دبدوب احمرر كبييييييير واشتري لنفسو نفس الاسبورت بتاعي بس لونو ابيض قلت لي ي سلاااااااام😍😍 كيف عرفت اني بحب الدباديب الكبيررة؟؟ قلت ليه مررررراد حببيبي قال لي شنو شنو عيديها تاني قلت بيه اضانك خذلتك😜😜😜 قال لي دانية ورتني انك بتحبي الدباديب الحمراء الكبيرة😉😉قلت ليه ةالله انت احسن زول😍😍 ومشينا رجعنا البيت والعربية كلو مقضينو حبكانيات😂😂وصلنا البيت وانا شايلة الدبدوب زي الشافعة الصغيررة😂😂امي قالت لي سجم خشمي اجي يا بتي دة شنو دة😂😂قلت ليها دبدوب يمة😢قالت لي عارفة😒😒مراد قال ليها انا اشتريته ليها ما طلبته😊 قالت ليه لالا كان كدة تمام طلعت غرفتي ختيته في السررير ونزلنا شربنا الشاي بي كيكتي💖طبعا مراد عارف انها كيكتي قام همس لي قال لي كيكة زي وشك😣قلت ليها معناها خططيرة كدي النضوق😂😂 قال لي انتي غايتو تاني ما بتكلم معاك زاتو😂😂قلت ليه معقووولة بس😉😉المهم مشوا وانا صليت العشاء والنومة الياها😂😂😂صحيت وكان يوم خميس والاحد جامعة جهزت حاجاتي وكدة...يوم السبت طيارة ابوي راجع تاني😂😂التقول لعبة😂😂تاني يوم كان الجامعة😍😍مراد اتصل الصباح اتونست معاه وانا ماشة ع العربية قال لي ما تجي اوصلك قلت بيه لشنو العوارة تجي من بيتكم وتركبني ونرجع تاااني الجامعة😪😪قال لي ي عويرة احسن نمشي مع بعض عشان كان وصلت قبلك ولا بدخلك المحاضرة😂😂اتخيلوا بس قلت ليه محاضرتك التانية ي دكتور مراد😛😛😛 قال لي ااي صح😅😅 قلت ليه يلا ارح نعمل سباق كان انا وصلت اول انت تعزمني غدا في سافوري وكانت انت وصلت اول انت تعزمني غدا في سافوري😂😂😂😂😂😂قال لي يعني في الحالتين عزومة قلت ليه مش راجلي؟؟؟تعزمني جوة عينك قال لي نوافق واصلا انا حافوز قلت ليه نشوف يلا انا اصلا بالطريق العادي بصل في 20 دقيقة😂😂وعندي طريق مختصر 5 دقايق بصل(بالمناسبة بصل ولا عجوور😂😂)ومراد بيصل في 15 دقيقة يلا انا مشيت بالطريق المختصر وصلت الجامعة ودخلت المحاضرة قام هو دق لي في المحاضرة قال لي فزت عليك قلت ليه انا في المحاضرة لمن اطلع بنتفاهم😂😂اتصدم يحليلو بعد مرقت في بت قالت لي دكتور مراد بيناديك الليله دقستي(طبعا ماف زول عارف انه عقد علي واصلا ما عندي صديقات مقربات عشان اكلمهم صحباتي كلهم مشوا كليات تانية وصحباتي الهنا ما صحباتي لدرجة اوريهم)مشيت المكتب قلت بيه مرررادي ازيك😍😍قال لي انتي لمن قلتي لي ارح نعمل سباق كنت في الجامعة مش😂😂😂قلت ليه واحمد اخوي معاي في الجامعة صح؟؟(طبعا لمن كنت في البيت مشيت اشرب الشاي اديت مراد يتكلم مع احمد اخوي)قال لي كنتي في البيت طيب وصلتي كيف😂 قلت ليه عندي طريق مختصر ووصفته ليه قال لي ي بنت الهكس.باشا المهم ساقني غداني بيتززا في سافووري زي العجب😂😂....المهم عدا شهر بي خيرو وبي شرو ابوي اتصل قال لامي ام منى ماتت(منى مرة ابوي للناس النسوها وبالنسبة لاخوي منها ف انا ما بعرف عنه اي شي ولا في سنة كم وغايتو حيكون في الثانوي واللع اعلم) امي ورتنا ابوي قال لينا انا ودينا نمشي نعزي وقال لامي ما تمشي😪 كلمت مراد قال لي الا امشي معاكم وانتي حياتك في خطر وما بعررف شنو قلت ليه حنمشي بكرة الدغش وحنجي مدني بليل ما بنبيت واصلا المسافة بين مدني والهرطوم 3 ساعات بس(طبعا ما وريتكم اني من مدني مش؟انا من مدني وافتخر😌🖐🏻)..
يتبع....
