نمت صحيت الساعة 2 ظهر واصلا الايامات ديك ما كان عندي صلاة عادي الموضوع انوم واصحى ع كيفي😂😂صحيت شلت تلفوني لقيت 3 مكالمات فائتة من مراد😱الليلة ي يممة دة مالو اجي🙀رجعت ليه هاج فيني قال لي وين انتي وما بعرف شنو قلت ليه نايمة ي دوب صحيت قال لي وما صليتي😒😒طبعا اتكسففت ما عرفت اقول ليه شنو قلت ليه ما بصلي😒طوووالي سكت😹😹غير الموضوع قال لي ما عرفتي حاجة عن احمد ابراهيم داك؟؟قلت ليه ما تذكرني عليك الله انساه بس قال لي بس انتي كمان اعملي حسابك انتي حياتك في خطر فاهمة؟؟على بال ما تسافرري😉طوووالي قمت ع حيلي قلت ليه ي رمة ي غبي ليه ما وريتني انك مسافر معاي😕قال لي انا عرفت هسي ناس ابوي بقرروا ساي قلت ليه انا زاتي وروني امس بعد رجعت وحكيت ليه الدراما😹😹😹قال لي دة كلو عشان ميك اب وتلفون يحنكوك بي ميك اب وتلفون عويرة خلاث😝قلت ليه اسكت هسه بغير رايي قال لي سكت😅قال لي طبعا ما ح اكون جمبك قلت ليه احسن زاتو سكت قلت ليه زعلت؟قال لي اي قلت ليه طق😝😝قال لي اصبري لي بس يلا اقطعي وشك ما فاضي ليك قلت ليه الله يسلمك😏وقفل قمت طلعت لقيت امي بتستف لابوي هدومو قلت ليهم صباخ الخير قالوا لي صباح النور مشيت اتسوكت وشربت الشاي ووقفت ليخم الف احمر الا نمشي شارع النيل امي قالت لي انا ما فاضية داية اجهز لابوك حاجاتو ابوي قال ليها هنودتي عليك الله ياخ بعد نرجع انا بساعدك انا ودينا قلنا ليه ابوي ي بكاااش😹😹امي قالت ليه خلي كسير التلج المهم اقنعنا امي وسقتهم مشينا شارع النيل اكلنا اسكريم وجينا ابوي ي يمة راجل السرور وفا بي وعدو مشا ساعد امي وانتهوا وتاني يوم كان طيارة ابوي 7 صباحا مشينا معاه المطار وركب ورجعنا بيتنا بالجد ابوي خلا لينا بيتنا فاااضي مع انو حنمشي ليه بعد 4 ايام انا جهزت شنطتي والايام مرت عااادي وجا يوم السفر مشينا كلنا المطار ولاقينا ناس وجدي هناك انا ومراد مشينا مع بعض وناس امي كان معاهم وجدي وابوهو مشيت همست لدينا قلت ليها جات ثمحة معاك ومشيت طوالي😹😹هم سافروا قبلنا بساعتين وفضلنا انا ومراد قاعدين نتونس ونتونس وانا جعت خلاااص وما قدرت اقول للولد والبيريود معاي ما باكل الا اكل محدد يعني اكل مافيه بهار قمت قلت ليه اسمع ي ولد من الاخر كدة انا جعت وشوية كدة ح اموت😂😂قال لي حسستيني انك دايرة تطلبي يدي😂😂قلت ليه هاها ظريف عليك الله امشي شوف لي اكل كان مت ابوي ابوي ما بريحك قال لي جبت ليك معاي من البيت لانه الاكل هنا فيه بهار وانتي ما ينفع معاك😳😳اسمعوا اتخيلوا منظري بس انا دخلت حوة ضفوري ابتسمت ليه قلت ليه ما عايزة منك طبعا😳قال لي خلاص نتفق انتي تاكلي هسه انا اصلا جبت ليك كتير للطيارة برضو قال لي تاكلي وانا بنسى اني عارف الموضوع داك وكدة(عليك الله شوفوا قليل الادب دة داير يخليني اكل بعد ما سد لي نفسي)المهم اكلت تمام بعد شوية {تعلن الخطوط الجوية عن قيام رحلتها رقم 666 المتوجهة الى المملكة العربية السعودية الرجاء من جميع المسافرين التوجه الى البوابة رقم 5}مشينا ركبنا ومراد ما كان جنبي طوالي كان جنبي في ولد الولد كان بيحاول يتحرش بي وانا ولا كضبت الحمد لله كنت خاتة الدبابيس في شنطة اليد شلت الدبوسة واديته ليك خليته يكورك لمن مراد جا جاري قال لي في شنو قلت ليه اسأل المحترم دة(اتخيلوا ي جماعة تحرش في الطيارة هه والله دنيا)سألني تاني قلت ليه اسأله هدا قدامك طوالي مراد بدلوا واتبدلوا التذاكر ومراد جا قعد جنبي سأاني تاني ولا اشتغلت بيه ركبت سماعاتي قام بالله شال السماعة قرب يقطعها وشال التلفون دة انا لمن اتهجمت(ماقلت ليكم اخلاقو ضيقة؟؟😂😂)قًامٌ قًالُ لي انتي وريني الولد عمل ليك شنو وانا ما بريحه قلت ليه حاول يتحرش بي وانا طعنته بالدبويس اها اناغلطانة؟ ويا مستر مراد المحترم انا لابسة محتشم عشان ما تقول لبسي هو الخلاني اتعرض للتحرش ولحدي هنا انتهيينا وقعدت ابكي قال لي هسة انتي بتبكي مالك😕قلت ليه انت مالك ومالي قال لي ما بقدر اشوف دموعك قلت ليه ودموعي بتأثر معاك في شنو سفهني الحيوان😒بعد شوية قال لي عندي شماار خططير طبعا هو عارفني الشمارات دي نقطة ضعفي كان زعلانة بنسى الزعل عشان اعرف الشمار😹😹بس المرة دي بقيت تقيلة قلت ليه عفوا؟؟قال لي انتي الليلة ما تمام انتي عارفة عشان تقلتك دي ما بحكي ليك وانا الشمار حرقني بس ساكتة قمت لمن خلاااص فاض بي قلت ليه مراد؟؟قال لي نعم قلت ليه مش انت صحبي😂😂قال لي بطلي بكش وقولي من الاخر قلت ليه الشمار شنو قال لي بحبك💓..
يتبع.....
