طلعت مشيت البيت وانا مهمومة امي تتونس معاي وتتكلم وانا ولا كأني قاعدة قامت قالت لي ابوك جاي الاسبوع الجاي انا قلت ليها والله😍😍؟ قالت لي اي قلت ليها كويس والله قمنا مشينا نمنا ع كدة وبقيت افكر دة منو العايز يقتلني دة اكيد الزول دة قاصد طيب عرف كيف اني ح اطلع من العربية معقولة يكون هو الشال الموية من العربية لان انا متاكدة ان كان عندي قارورة موية لكن دخل كيف مش عربيتي مقفولة وحاتكم ي جماعة نزلت تحت عشان اشوف عربيتي مشيت بدون مفتاح فتحت باب السواق فتح قلت ايوووا يعني القارورة اتشالت عديل لكن الزول دة عرف كيف ان باب عربيتي ما بيتأمن طلعت فوق دخلت غرفتي واتصلت ع مراد وحكيت ليه قال لي بكرة لمن تجي الجامعة نشوف الموضوع دة. فعلا تاني يوم مشينا وجا هو فتح عربيتي عايز يعرف الباب خرب كيف فجأة لقينا ان القزاز زي كآنه زول طلعه ودخله تاني استغربت..قام مراد نزل واداني المفتاح قال لي امشي صلحي القزاز دة وصف لي المكان ومشی قال عنده مشوار مهم دايرة ادخل العربية كدة لقيت فاروصة سودااء ظاهر عليها حقت ساعة رجالية قلت بسم الله دي الجابها شنو شلتها دخلتها شنطتي ومشيت صلحت عربيتي ومرت الايام وابوي جا وجوا الناس يحمدوا ليه السلامة انا سمعته قال لامي ناس احمد ابراهيم جاييننا يوم الجمعة امي قالت ليه حبابهم عشرة🙂 قمت انا قلت ليهم احمد ابراهيم منو قال لي اخو منى طوالي قلبت خلقتي ومن عوارتي ما لاحظت ان دة نفس اسم سيد العربية المهم دخلت غرفتي ودة كان يوم اربع دخلت الواتس لقية رسالة من مراد قال لي مسااء الخير قلت ليه ي هلا والله مساء النور اتونس معاي حبة كدة مشيت صليت العشاء ونمت😴 صحيت الصباح بدري مشيت جامعتي ومرا اليوم عادي وما لاقيت دكتور مراد ياخ حسيت يومي دة ناقص عديل كأنو رايح لي شي😕😕 رجعت البيت وكان بكرة ناس احمد ابراهيم جايين مشيت جهزت مع امي ونمت بدري صحيت الصباح لقيتهم جابو حبشية عشان تنضف غسلت شعري وسرحته وهم كانوا جايين غداء جو اتغدوا واحمد ابراهيم دة كان معاهو مرة ما عرفتها المهم المغرب اذن ومشا احمد ابراهيم اتوضا في الوضاية قام اظنه قلع ساعته ونساها انا جيت اغسل يدي لاحظت للساعة تصدقوا لقيت نفس الفاروصة السوداء ديك(ديك ولا دجاجة هههههههه😂😂😂) المهم اتهجمت لكن قلت ما اظلم الراجل ساي اشوف اذا في واحدة من الفواريص ناقصة قلبت الساعة كدة لقيت فعلا في واحدة ناقصة فجاة سمعت صوت راجل وراي قال لي عجبتك الساعة ياخ انا عاينت ليه بقرف قلت ليه خطيرة قال لي دي كان جبتها من السوق صدفة وبي 200جنيه(انتوا الراجل دة عوير؟ هسه انا مالي ومالو يحكي لي قصة حياتو غايتو جنس غايتو😒😒) دخلت جوة وحكيت لمراد بالتفصيل قلت ليه احمد ابراهيم دة اسمو غايتو قال لي اوعا يكون دة سيد الهربية قلت ليه عربية شنو قال لي انت عبيطة ولا بتتعابطي المجرم الكان عايز يقتلك كان في بيتكم وانتي ما ركزتي؟؟ قلت ليه انا عرفت انه هو الدخل عربيتي يوم الحادث لكن ما اتخيلت يكون هو زاتو سيد العربية قلت ليه عموما نحن ما متاكدين بسأل ابوي من اسمو كامل مشيت قعدت جمب ابوي قلت ليه انت احمد دة ما كان تخليني او صلو قال لي هو بي عربيتو قلت ليه بالله؟؟ قال لي ما شفتيها برادو قلت ليه ووووواي ي ابوي اموت انا في البرادو😍 قاعد يضحك قال لي انتي غايتو 😂😂قلت ليه دايرة اشوفها عليييك الله قال لي هم مشوا انا اجيب ليك ىلعربية من وين قلت ليه ابوي حرام عليك ياخ قال لي انتي هبلة😒؟ انا زاتي اتهجمت لآنو انا بالجد بتعاور قال لي ي زولة عموما هو جاييني بكرة تاني داير يوريني بيتو امشي شوفي عربيتو واشبعي شوف فيها(قالها لي بطريقة مريبة كأنو شكا في حاجة😕) قلت ليه هو اسمو احمد ابراهيم منو قال لي احمد ابراهيم صديق وامشي خليني انوم زهجتيني مشيت وحكيتو كلو لمراد قال لي احتمال يكون تشابه اسماء قلت ليه بكرة ح اشوف رقم الهربية و منها ح نتاكد قلت ليه لكن المستغربة فيه ان هو ليه عايز يقتلني انا عملت ليه شنو😭 قال لي انا داير اسآلك كل مرة بنسی هو بيبقی ليك شنو قلت ليك اخو مرة ابوي قال لي ايواا وانتهينا ع كدة تاني يوم ضحيت لقيت احمد داك معانا طوالي جريت الشارع لقيت العربية اول شي صورتها واتصورت معاها عشان اوري ابوي الصور😚 عشان يزح الشك الفي راسه دة ويعرف اني بالجد عاجباني العربية عاينت للرقم لقيت نفس الرقم بس المستغربة منو ان ليه هو عايز يقتلني بقيت افكر قطع تفكيري ابوي واحمد ابوي قعد يضخك قال لي انتي مجنونة قلت ليه عارفة ومشيت حكيت لمراد بالتفصيل قال لي انتي عندك م شاكل مع مرة ابوك قلت ليه لا بس بكرها كدة قال لي اتذكري اتذكري انتي عملتي ليها شي يخليها تنتقم منك قلت ليه لالا قال لي غريبة! عموما لبكرة قلت ليه طيب يلا.... وعدت الايام وانا ومراد حبينا بعض بس ماف زول اعترف للتاني يلا في الفترة دي كان دينا اختي جاها عريس اتقدم ليها وكانوا عايزين يعملوا الخطوبة قبل ما ابوي يسافر وفعلا عملوا الخطوبة في صالة وانا كنت مسؤولة عن الترتيبات.......
يتبع........
