وصلنا وسلمنا ع امي وحكينا ليها وهي زعلانة حسيت بيها والله ابوي مرق يجيب حاجات من برة قمت حكيت لامي عن بت عمة خالتو منی وحكيت ليها كيف ابوي هاج فيها قامت قالت حسبي الله ونعم والوكيل قلت ليها مالك قالت لي ماف شي قمت عاينت لدينا وشلت تلفوني ووريتها الصور قامت شافت خالتو منی قالت لي دي منو(اي هي عارفة ان ابوي معرس لكن ما شافت المرة)قلت ليها دي خالتو منی وحكييت ليها عن منی وكنت مبسووطة قامت هي حسيت بيها دمعت😢 كدة قمت قلت ليهم انتوا مالكم كل ما اجيب ليكم سيرة المرة دي ولا اي شي بخصها تتعولقوا وتتبشتنوا في شنو وروني😒😒 قامت امي قالت لي ماف شي قلت لا في شي قامت دينا قالت لي وكاانت الصدمة قالت لي ابوي معرس قلت ليها منو م معرس م منو😨؟؟؟ قالت لي منی انا طوالي انهرت كدة فهمتوا الحصل في بداية الحلقة الاولی صح؟؟
يلا نرجع للقصة مشيت نمت صحيت الصباح عيوني مورمة من البكا 😪مرقت لقيت امي وابوي في الاوضةة ابوي قال لي يا مرحبا يا مرحبا صباح الخير ي دندنة😁 عاينت ليه من فوق لتحت قلت ليها اولا اسمي داليا😒 ثانيا انا بكرهك😠 ابوي دة مهجوم وامي تعاين بس وانا مشيت طوالي امي حكت لابوي وانا بهناك مشيت استف هدومي ماشةة ناس خالتي قلت اصلو راجل زي دة ما قاعدة معاه فجاة باب غرفتي دق قلت منو ابوي قال لي ممكن اخش؟؟ قلت ليه في حاجة😒؟ قال لي اسمعي كلامي دة للنهاية قلت ليه ع فكرة ما عندك سبب تعرس في امي اصلو ماف سبب قال لي اصلا منی دي كان خطيبتي قبل امك قمت قلت ليه هههه يعني ما نسيتها😏 قال لي داليا لو سمحتي اسمعي كلامي للنهاية قلت ليها عوضنا الله اها قول قال لي خطبتها وحصلت مشاكل وما عرستها وانا شغالة بسمع قال لي بعد عرست امك وجبتكم احلی بنوتات كنت فرحان شديد قال لي كان في السماية بتاعة دانية اختك امك عزمت بت خالتها قامت بت خالة امك عزمت جاراتها ومن بين جاراتها ديل كان في واحدة اسمها نفيسة نفيسة دي ياها بت عمة منی الشاكلتها اليوم داك😣 قال لي جات السماية وقالوا دايرين يباركوا لي جوني وهي اول ما شافتني اتخلعت كدة وانا اصلا ما اتذكرتها مشت شالت رقمي من بت خالة امك وادته لمنی قامت منی اتصلت علي تبكي قالت لي عرسني😒😒😒(عليك الله شوف الما بتخجل دي) قلت ليها انا عرست وهسة عندي تلاتة اولاد خلاص ماف نصيب قالت لي علييك الله انا ابوي عيان وما بعرف شنو المهم ما اشتغلت بيها وهي تتصل وتتصل ما عبرتها المهم دقت لي يوم برقم غريب وانا رديت ليها قالت لي ابوي مات وقبل ما يموت قال دايرك انت تعرسني قالت لي دي وصية والله يرضی عليك وما بعرف شنو المهم في النهاية عرستها وامك ما عارفة لحدي ما يوم اتصل ع امك رقم غريب وقال ليها راجلك معرس ليه 4سنوات امك سألتني وحكيت ليها القصة عذرتني ومرت الايام واختك عرفت. هسه دة دورك مسكته حضنته. بكيييت😭😭😭😭😭....ومرت الايام وانا منی دي ما دايرة معاها علاقة ابت تتبلع لي كلو كلو والعجب ولده ابوي يقول لي اخوك وانا ما قادرة اتقبله..مرت السنين وانا دخلت الجامعة طب واتعرفت ع بنات كتااار. صاحبتهم و انا اصلا من الناس المعروفين في الجامعة بتاعين مقالب وضحك😚😂 وهناك في الجامعة كان في واحد دكتور انا بكرهو وبشمو وكل مرة يقول لي بعد المحاضرة تعالي لي بس مقاصدني كدة التقول انا الوحيدة البضحك الطلبة في الجامعة وهو زاتو شباب كدة لكن اخلاقو ضيقة وثمح ثماحة كان شفتو اسمر طويل وانا اصلا قصيرة لمن اعاين ليه ارفع راسي فووق ههههههه😅😅 يلا ابوي اشترا لي عربية عشان كل مرة بجي اولی الدفعة احم احم... يوم كنت طالعة فتحت العربية دايرة ابلع حبوبي مهمة شديد لقيت الموية اف اضطريت نزلت من العربية عشان اشتري موية من البقالة قطعت الظلط وضربتني عربية برادو وما وعيت بنفسي الا في المستشفی فتحت عيوني كدة عاينت لقيت الدكتور بتاعنا اتهجمت قال لي حمدلله ع السلامة واهلك جايين في الطريق ومشا خلاني قلت ليه دكتور مراد قال لي نعم قلت ليه جيب لي شنطتي جابها لي وشكرتو ومشا بعد شوية امي جات تبككي😭😭 ومعاها دانية واخوي طبعا انا اكبر من بي 9 سنوات دة وجوني ويبكو قلت ليهم انا كويسة ي جماعةة زحوا مني 😪ونمت وتاني يوم خرجوني نزلت الجامعة بعد اسبوع دكتور مراد قال لي بقيتي كويسة؟ قلت ليه اي قال لي عندك كم محاضرة قلت ليه 2 قال لي بعد المحاضرات تجيني في المكتب دايرك وفعلا مشيت ليه دكتور مراد قال لي كلام غريب شديد قال لي انا حاسي ان الحادث بتاعك دة بفعل فاعل😐 قلت ليه😨 ما فهمت قال لي انا كنت سايق عربيتي لقيت نفس العربية الضربتك واقفة وجواها زولين نزلوا وكانوا مراقبينك واول ما نزلتي ركبوا عربيتهم وجو حصل الحصل انا اتصدمت قلت انا متين عندي اعداء عشان🙆🏼 يصمموا يقتلوني انا فعلا لو ما انتبهت للعربية كنت ميتة هسة قالي انا شلت رقم العربية شلت منه الرقم وقلت ليه شكرا ليك قال لي العفو واذا احتجتي لاي مساعدة وريني قلت ليه بس حاول اعرف لي سيد العربية دي قال لي تمام 👍
يتبع...
