اها سافرنا انا ودينا الدغش الساعة 5 وصلنا 8 طبعا ما كنت متذكرة البيت خليت منى الزفت دي ترسل لي اللوكيشن رسلتو لي وانا قلبي دة شغال زي الدلوكة😂😂دق دق دق ما بعرف ليه ودينا شغالة لي بعدين كان في واحدة سمعتك كلام اسكتي منها قلت ليها ما بتوصى انا😌😌قالت لي ابتسامتك دي ما بتبشر بالخير نهائيا😂😂سفهتها وصلنا ودخلنا عزيناهم كللهم وادينا ابوي يعزيهم دخلنا قعدونا في غرفة كدة وجنبها طوالي غرفة تانية انا طلعت امشي الحمام سمعت صوت احمد ابراهيم ومنى يتكلموا ما بعرف ليه بس وقفت سمعتهم والكلام كان كالاتي احمد ابراهيم:لاحولااا يعني محمد عثمان عرف؟؟؟(محمد عثمان دة ابوي طبعا قلت دي شنو البلوة الداسينها من ابوي دي كمان ابوي عرفها)
منى:ااي والله عررف لكن ما سألني غايتو الخوف يكون دة الهدوء وبعدو العاصفة😁😁
احمد ابراهيم:انتي زاتك دة شنو اللماك في الراجل دة كان نعرس ليك ايمن وخلاص هسه كان عشتي في امريكا وكان جاب ليك الدهب كيماان
منى تاني ي احمد؟؟قلت ليك اول شي الدهب دة ما تذكرني😒😒اصلا كان عايز يشتري لي السيت العجبني لكن نطت ليه بته ديك قالت دايرة عربية سفهني اصلا بته دي نحس عديل انا من المرة الفاتت كلمتك قلت ليك اقتلا هبشتها هبشة بس بالعربية😒😒 لكن كان ما قتلتها ما برتاح عشان كل مرة قاطعة لي رزقي(كدة فهمتو؟؟كان عايز يقتلني عشان القروش اصلا اوريكم حصل شنو كان منى السجم دي طلبت من ابوي سيت كدة بتاع دهب داير يشتري ليها عشان يسكتها انا جيت اولى الدفعة قام غير رايو من السيت عشان انا طلبت عربية تمام؟؟وغير كدة في مواقف كتيييرة ابوي بيكون داير .يشتري ليها حاجة بقوم انا بكون دايرة شي بيقوم بيخلي حاجتها ويجيب لي حاجتي عشان كدة بقت ترسل في اخوها عشان يقتلني اتخيلوا تقتل زول عشان قروش ي سبحان الله)قامت واصلت كلامها قالت ليه وتاني شي ما تجيب لي سيرة ايمن دة تاني😒😒😒الزمن داك انا كنت مستعجلة ما صدقت لقيت محمد عثمان قاعد كذبت عليه عشان يعرسني قلت ليه ابوي مات ودي وصية كان ما كدة ولا كان عرسني وهسي عرف وما طلقني خلاص في داعي تجيب سيرة ايمن؟؟( 😱😱😱ي لهووووي كذبت ع ابوي قالت ليه ابوي مات ووصى ان انت تعررسني😨😨لا اله الا الله وهسه ابوي عررف وما طلقها؟؟؟معقولة؟؟)يلا انا الماكنت قادرة افهمو هي لي كانت مستعجلة تعررس ابوي ي ربي في شنو حتى ابوي قال لي انهم عرسوا بالمحكمة معناها كانوا مستعجلين ي ربي في شنو
احمد ابراهيم:مستعجلة؟؟؟ههههه ما كلو من ورا عمايلك انتي مشيت حملتي من ولد سعاد الخيبان داك وهرب بعد عرف انك حملتي منو وايمن ي ستي كان مستعد يتحمل مسؤولية ولد الحرام الكان في بطنك داك😡😡كان تعرسيه وتريحينا بدل محمد عثمان بتاعك دة هسه كان عرف حيطلقك منو البيتحمل مسؤولية ولد الحرام بتاعك دة؟؟؟؟(ايووووة يعني كمان الولد داك ما ولد ابوي ولد حرام وهي مستعجلة تعرس ابوي قبل ما تولد وتتكشف اوووه ي دنيا ابوي مغشوش السنين دي كلها وهسه كمان لازم اكلمه لكن ما حيصدقني اعمل شنو؟؟)
منى:ايمن كان مستعد يتحمل مسؤولية ولدي اي صح لكن ما كان خيعرسني الا بعد سنة ي احمد يعني اولد والناس تقول شنو؟؟كنت مضطرة اعرس ياخ افهمني هنا انا ضربت الباب بالغلط هم طوالي جو مارقين وانا من عوارتي خليت نضارتي في التربيزة الجنب الباب لان كنت ببكي طلعتها ولمن ضربت الباب جريت خليتها
منى:اهاااا دة الكنت خايفة منو الشومة داليا دي كشفتني خلاص ي احمد عليك الله اقتل البت دي قبل ماتجيب اجلي وتكلم ابوها...انا مشت لدينا مهمووومة قالت لي مالك قلتليها ماف شي ارح نرجع مدني قالت لي انا جعانة خلينا نتغدا قلت ليها ارح مطعم ناكل ونجي ولا اقول ليك ما نجي ناكل هناك ونشي معانا اكل للسفر وطوالي نساغر ي دينا قومي المهم مشينا دريم واكلنا بيتزا وشلنا معانا بروست للسفر المهم وصلنا مدني بليل وانا طوالي دخلت غرفتي وبقيت افكر اعمل شنو اعمل شنو ح اكشفها كيف طوالي فكرت في مراد قلت ح احكي ليه اي شي واكيد ح يحلها لي وفعلا اتصلت عليه وقلت ليه نتلاقى بكرة واتونسنا شوية وقفل ويلا انت من الصباح كان يوم سبت😂😂😂شربنا الشاي هناك قعدت سلمت عليه واتونسنا شوية وحكيت ليه من البداية لحدي النهاية(يعني من بداية الراية بتاعتنا)ووريته ان ابوي عارف انه هي كانت بتكذب عليه وابوها عايش بس ابوي ما عارف ان الولد ما ولدو وبالتالي لو عرف ممكت يطلقها بدون ما يكون عليه شي تجاه الولذ لانه اصلا ما وَلدو قال لي يعني انتي عايزاه يطلقها؟؟ قلت ليه اكيد😃قال لي بسيطة اعملي تحليل DNA للولد ولابوك وحتتكشف القصة قلت ليه هو انا الولد دة لمن مشيت ليهم شفتو مرة واحدة بس وابوي القاه وين زاتو قال لي انا عندي خطة سمحة اول شي لمن ابوك يجي قعديه واديه فنجان قهوة وقولي ليه انت عرفت انه ابو منى عايش ليه ما طلقتها؟؟؟طبعا ي داليا الكلام دة حيكون بعد المقدمات وكدة ايااك تقولي ليه طوالي حيقوم يقول ليك عرفتي كيف قولي ليه عرفت لمن مشيت البكى وما تديه اي تفاصيل تاني فهمتي قلت ليه طيب اها قال لي حيقوم يقول ليك ما طلقتها لانو بيناتنا في ولد قولي ليه واذا قلت ليك الولد دة ما ولدك حتطلقها؟حيستغرب تقومي تديه الورقة بتاعة التحليل طوالي انتي ي داليا حتقولي لي انت ما وريتني ح اعمل التحليل كيف ح اقول ليك تقنعي ابوك انه يجيب ليك اخوك اللي هو ما اخوك في الاجازة يجيبه ليكم في البيت صاحبيه كدة ولمن خلاااص يبقى صحبك قعديه سرحي ليه شعرو وبالجابس كدة شيلي شعرو من المشط وطبعا ي داليا المواضيع دي حتحصل جية ابوك الجاية فهمتي؟؟ابوك لمن يجي يمر على ناس منى اقنعيه يجيب الولد معاه وبرضو سرحي لابوك شعرو وشيلي الشعر من المشط وكدة حتكوني اتحصلتي ع الحمض النووي للولد ولابوكي وامشي اعملي فحص لل DNA وكدة حيكون التحليل جاهز نررجع لكلام قبيل حتدي ابوك نتائج التحليل وحيتصل ع منى ويطلقها وخلاص😊😊😉😉 قلت ليه مرراد؟؟قال لي نعم؟؟قلت ليه بحببك ياااخ انت ما عارف نفسك حليت لي مشكلة صعبة كيف بالحد ربنا يخليك لي وما يحرمني منك ي حبي😍😍😍❤قام مراد طلب ايسكريم وجا قلتقلت ليه تاااني ايسكريم؟؟قال لي ما وجعتي لي خشمي من الكلام😂😂😂وضحكنا مع بعض...
يتبع....
