رجل الأعمال الوسيم وفتاة من عصر الجاهلية 😘

part : 16

انا..كندير لي كيديرو الناس مالك مكلخ
جود (بصدمة فوق الصدمة لي مصدوم)..واش نتي لاباس
انا..بيخير حمد لله ونتا صيحة بيخير مالين الدار بيخير كلش....
جود (قاطعها)..سكتيييييييييييييييي صافي سكتي واش عرفتي راسك شنو درتي علاش جاية هنا ديري خنزك علي قلت لحمامات كاينين 4 لحمامات فدار
انا..قلبت وملقيتش بيتيني نديرها فحوايجي ونتشوه
جود..علي اساس دابا متشوهتش واش عرفتي شنو درتي
انا..وشنو درت كاااع
جود (كيحاول ايتمالك نفسو اعصاب عنقو وايدو خرجو ووجهو حماار)..عاداك الورد لي درتي عليه زمر ديالك كيسوا لملاين فراسك
انا (درت شفت فيه او كنعفط عليه برجلي)..هدا هدا
جود (جرني لعندو)..او زايدة فيه بااااقي
انا (بقيت كنشوف فعينيه)..بغيت نقولك واحد الحاجة
جود (غمض عينيه كيبرد فراسو وباقي شادها من دراعها ومقربها ليه)..شنووووو
انا (بهمس)..فيا جووع
جود (حل عينيه من هول اللحضة لا هادي بزااااف)..بالصح
انا..وحق مولانا (ومخرجة عينيا باش ايطيقني)
جود..زيدي قدامي قبل نفرشخ مك وداك باك لهبيل هو لي غادي اينضف هادشي مفهوووووووم
انا (بشوية)..اودي با غادي ايحيد مو من جدر غار بلاتي
دخلنا لداخل او دفعني جيهت واحد لباب بالجهد حتي صاطحني معاه
انا..ايه ايه ايدين هادوك ولا خباطة
جود (كيقرب)..شنووووو قلتي عاودي عاودي
انا (هربت)..لهار لميمة غير ناكل ونشبع وديك الساعة الي باغي تسلخ سلخ
جود (بنفاد صبر)..اتقودي عليا دابا تغسلي حالتك وفمك راه ريحتو دوخاتني ومن بعد ترجعي توجدي ليا لفطور كتفهمي (كيقولها وايخنزر)
انا..هيهيهي خلعتيني صافي بغيتي غير تاكل هاني غادة نوجدو
مشيت باتجاه لكوزينة او شدني من لكول دلقاميجة
جود..فين غادة
انا..مالك دايخ مالك ياك قلتيلي بغيتي لفطور
جود..وشنو قلت ليك انا
انا..قلتي بغيتي لفطور
جود (جمعها معايا بتصرفيقة)..شنو قلت انا
انا (كنحك فيها)..احححح قصحتيني الي بغيتي ضرب ضرب بشوية (شفتو بغا ايطرطق) صافي صافي هاني غادة
مشيت دخلت لداك لبيت ولكن لقيتو ماشي بيت لقيتو طواليط او حمام ولكن فينا هي لبرمة وفينا هو لكيس والصابون بلدي وسطولة ايييخ هاد ناس لمدينة شحال فيهم ديال شيكي ولاش دايرين بانيو كبيير لصابون غير ديال لميكة لجزء 17
مشيت قدام لمراية او بقيت نشو فحالتي مالي كيف جيتو مزيناتني بنت شهوة مني شفت هكا وهكا ولقيت شيتة صغيرة او حداها بومادة فكرت حتي عيييت وعقلي عيا من التفكير وفلخر شدت لبومادة شرتها فشيتة او درتها لوجهي وبديت نحك وننفرك وريحتو مجهدة دخلتلي فعيني وبديت ندمع ومشيت خرجت لعندو ايعطيني شي واحد ماشي مجهد هدا حرقني
انا (كنقلب عليه)..افينك ابو لحية...هاااا نتا هنا
دخلت عليه لصالون وجهي كلو عامر بديك البومادة (سينيال) او نفرك
انا..اه نتا عتيني شي واحد ميحرقش فلعينين
جود (كان كيقرا جريدة هز عينيه وتخلع)..شنو داكشي دايرة فوجهك
انا..اووووف شحال كتسول ياك نتا لي قلتي ليا جسلي حالتك
جود (باستغراب)..وشكيدير سينيال فوجهك
انا..علاه مكيغسلوش بيه لوجهين
جود..لوجهيين منين نازلة نتي منين
انا..قلت ليك من دارنا
لاح عليا مخدة ومشيت نجري لطواليط او تبعني دخل او ضربني لراسي غسلت وجهي او هو دارلي داكشي فشيتة او خشاها ليا ففمي وقالي حكي وبديت نحك ايييه هو كيدار لفم ويخي مطورين هاد ناس لمدينة .ساليت او خرجت مشيت لكوزينة نوجد ليه لفطور حليت تلاجة او بالي فيها شلا حوايج مفهمت فيهم والو سليت منها الزبدة هي لي عرفت او سديتها ومشيت نبقشش هكا وهكا بالي دقيق طيبت لماء وجلست الارض بدييت نعجن شي نص ساعة لي درت مع انا حادكة قولو تبارك الله عمرت اتاي وشحرتو مزياااان دوبت الزبدة او كبيتها علي لخبز او ديرت لعسل تاهو لقيتو فالتلاجة معرفت شكيدير فالتلاجة لعسل كيتحط علي برا لمهم فرحااانة بداكشي لي درت نضت لعندو وقلت ليه راه وجدت ليك لفطور تبعني بقا غير حال فيا فمو ايمكن معجبتوش ديك تبعني دخلت لكوزينة وهو تابعني وكيشمشم كيلكلب
انا..جلست تفطر
جود (كيقلب بعينيه)..فيناهو لفطور
انا..وجلس بعدا
جلس ومشيت انا جبت ليه اتاي ولخبز مروح شي 4
انا..بالصحة
وبديت ناكل وهو ايشوف فيا
انا..كول شتشوف
جود..دابا هدا فطور شنو هادشي بعدا
انا..لخبز مروح واتاي مكتعرفش منين نتا منين
جود..انا لي منين ولا نتي لي منين خليتي التلاجة اطرطق بالماكلة وتلاجة فلاكاف لتحت حتي هي ودايرة ليا لخبز منعرف اش
انا..شوف اتاكل هو هداك مغتاكلش ضبر راسك
جود بقا جامع ايديه وايشوف وانا ناكل الله ايعتيني الصحة نعرف نطيب
انا (شفت فيه)..كول كول اتبقا حاضيتي (وخشيت ليه ضغمة ففمو)
جود (عاف ولكن من بعد دطر ايسرطها حيتاش خنزرات فيه)..شنو درتي هادشي (بدا اياكلو وجاه مابيهش وسكت)..
انا..عجبك
جود (مرضاش ايقول ليها عجبني).. خايب بحالك
انا..وكول كول انمشي نوض با وديك لهيشة ونجي
جود (شدني من ايدي)..واش هاديك مسكونة
انا..معرفتش ولكن غير تعود كل ليلة هيا هكاك
جود..خفت غير نصبح شي نهار بلا راس
انا..وهداا عليا ليومة ونعرفو واش اتصبح غدا