رجل الأعمال الوسيم وفتاة من عصر الجاهلية 😘

part : 37

بوشعيب:ايه هاديك راه بنتي و عرفت شنو ربيت دارو عندو كاملين و كيشوفو فيه
سيف..جيتيني علي ود الصحبة اما كون شي حد اخر بربي حتي نسيفطو لفين ايتربي عاد نعرضوه علي وكيل الملك ولكن سير وحتي هاد القضية خليها عليا دعي غير هادوك ميرفعوش عليكم قضية
لينا ..الي فاقو ديك الساعة ايرفعوها
شاف سيف ف لينا لي واقفة لور مور جود او داخ مبقاش عارف ميقول جود شد فمو وختو وجر هنية وبوشعيب تابعهم ايجري خرجو وركبو فطوموبيلاتهم او تاجهو لدار جود دخلو او الصمت هو سيد الموقف ضواو طافيين وسقييييل ومع تحل الباب دار صوت بحال دوك افلام الرعب تصافو كاميلن حدي بعضياتهم واحد شوية كيبال ليهم واحد اخيال لابس لبيض واقف بعيييد سلمي خافت او شدات فجود
سلمي (بخوف)..جود شكاين شكون هاديك
جود (كيحاول ايتاكد)..معرفتش ولكن..
هنية..مرام هاديك ليوم دير بيكم بولفاف
مرام(بصوت غليض)..مين انتووووو
بوشعيب..لي حو** ومعطاك ههههههههه شحال عزيز عليا نقشب
دارو شافو فيه كلشي مخرجين عينيهم وهنية تحلف عليه
هنية..الي بقينا عايشين انعاود لمك ترابي من جديد
بوشعيب ضربها بسقلة وهوما ايشوفو فبعضياتهم ومرام خرجات من موراها شاقور
هنية..طورتي بغيتي تهرسي لينا لعضام
لينا(بغات تموت بالخلعة)..اهئ اهئ لالالا واش غتقتلنا
سلمي طاحت سخفات
جود (شاف فيها او بط ايهزها علي ضهرو)..وقتك تسخفي دابا
جات تجري مرام او هوما لي عندو شي رجل واش طلقها لريح جود هز مو او مشا ايجري بيها لفوق وهنية ولينا خرجو لجردة بوشعيب شافها جاية مشا ايجري بغا ايطلع ورجع ايجري خارج وايعيط
بوشعيب..وييييييييييع جنية شاقور لا عيشك عيشك وييييييع
جود طلع او حط مو فواحد الشومبغ او طل من الشرجم لقا هنية ولينا او مرام لاعبين طباكا فالجردة ماتش ديال كرة القدم صافي
لينا..وعتقونااااااااا
جود(كيطل من الشرج وداير ايديه)..هاني جاااااي
هنية..بغيتلك الموت يولد البقرة عتقنااااااا
لينا (دارت فيها)..هيه راه ماما هاديك
هنية ..ويلي ويلي سبيت مك سمحيلي حق ربي الي نسيت
لينا (شدات علي كتافها)..ويلي هانية احبيبة
معاقو حتي رمات عليهم مرام الشاقور جا فواحد الشجرة فوق راسهم شافه او علقو ايغوتو باعلي صوت هوما راجعات ايجرو وجود غادي ايجري تخالفو صدق جود راجع ايجري سابقهم وهي تابعاهم
هنية(تغوت)..واااااع ياودي علي الرجلة تا غير موت علي ود ختك ومراتك
جود..ولي خاف نجا
بوشعيب دار دار دار ايجري غار وحدو متابعو حد وبارك ايوعوع حتي بانت ليه مرام قدامو من جيهت لابسين وجاية ليه بشوية بشوية السيد دارها فسروالو
بوشعيب.. تقربي ليا نحرق مك
مرام..انت ضحيتيييييي
بوشعيب (ايبكي)..عارف بويا معندي زهر اهئ اهئ وييييييييييييييييييع (ونقز فلابسين وبدا ايتخبط ميعرف ايعوم)
جات هنية ولينا وجود ايجرو بانت ليهم مرام ورجعو ايجرو بالاتجاه الاخر ضربو دورة علي الفيلة ورجعو عاود بان ليهم بوشعيب ايتخبط
بوشعيب..واااهن غرغرغرغر واهنيا غر غر غر وبغيت لمك بوتفتاف عتقي عتقي
هنية (مشات تجري).. باااااااا (وتلاحت فلابسين ونسات واش حتي هي متعرف تعوم فبعها جود ولينا ملقات فين تهرب حتي هي طاحت شافتهم مرام او طاحت موراهم وغير قاسها الما عقلات)
خرجهم جود كاملين وغير خرجات مرام ونزلو عليها بالعصي والعضان مخلاو فيها غير لي نساو عاد تفرقو كل واحد مشا لبيتو اينعس
صبح صباح نهار جديد علي ابطالنا الحماق واحد انسيك فلاخر ناضت سلمي تحك فراسها لي ضارها حاولات تدكر شنو وقع البارح او نزلات لتحت بانو ليها جالسين كلهم علي الطبلة وايفطرو وجود شاد فهنية وايضحكو
هنية (كدوي بشوية مع جود)..قلت لمك حيد ايدك عليا وزايدون شهاد اللبس ملبساني ختك مع صباح مالي ميتة لاوياني فهاد طرف تاع التوب كلشي لحمي ايبان
جود (كيحاول ايشد فيها ومبتاسم)..تي سكتي ايسكت ليك لحس هاهي جات
هنية..صباح الخير خالتي
الكل..صباح الخير
سلمي (شادة فراسها)..صباح الخير شنو وقع البارح مبقيت عاقلة علي والو من غير فاش دخلنا او شفنا (دارت شافت فمرام وكتحاول تاكد)..
جود..الواليدة الله ايهديك باينة تاترتي بداكشي لي وقع فالمطعم لبارح فاش جينا لدار تفرقنا كل واحد مشا اينعس فبيتو
سلمي..معرفتش مبقيت عاقلة علي والو
هنية..جلسي تفطري ومديريش فبالك
سلمي..اه اه خاصنا نفطرو بالزربة عنا شلا ميدار وخاصني باقي نقول لسارة باش تحجز القاعة وتوجد كلشي ونعرضو علي الناس راه غدة عرسكم ولا نسيتو
جود (ناض ومخنزر)..نتوما ديرو لي بغيتو وانا مليا كلمة فهاد الدار (خرج او خلاهم مشا لعند مراد ايفش عليه قلبو)
هنية..مديش عليه راه زان زان
سلمي.. كولي كولي وتغداي مزيان باش تكوني منورة فعرسك
ايوا يسيادنا دوزو داك نهار غير من الحمام لعند بيوتي سنتر ايقادو ليها وجها وجستها دارو ليه لاسيغ ومشاواتقداو كاع داكشي لي خاصهم ودارو مع احسن نكافة فمراكش كلها و سارة المساعدة ديال سلمي تكلفات بالدعواة وداكشي الاخر وغدة مع 8 ليل ايبدي حفل زفاف راعمال جود السعداني بخطيبته المجهولة والتي لم تضهر للاعلان بعد
سالاو الشوبينغ وكلشي ولات هنية بنت خري كليا الزيف طار وبينو ليها شعرها لي طويل وايهبل وركزو ليها علي ملامحها البريئة وزوينة وطايتها لي تهبل كامرات الصحافة متفاكاتش معاهم وخداو ليها صور مع لينا وسلمي ونشروهم فمواقع التواصل وكلشي كيدوي علي هاد العروس الفاتنة واصلها لي مجهول وكلشي كيترقب الغد بفارغ الصبر جود مشا لعند مراد وعاود ليه كلشي ومراد غير كيتشتت عليه بالضحك وفالاخير عنقو مراد بلي ايمكن ايكون فيها خير خصوصا بتصرفاتو الاخيرة وبلي ايمكن ايكون كيبغيها غير هو مبغاش ايعتارف لراسو بهادشي اما واحد بوشعيب فغير بارك علي سريط طالع واكل نازل واكل رجع جود فالعشية لدار او خدي معاه بوشعيب للانو عندهم واحد اللقاء صحفي بوشعيب لبس وتقاد (انحط شنو لبس ههههه) جا الفنون صافي شافو جود عيا معاه ايبدل ولكن هو فرحان براسو مشاو للقاء الصحفي وكلشي ايسول فالاطباء وجود وايناقشو وهو محاضرش عينو علي داك العاصير وحليوات لي حاطين وريوقو سايلين ومستحيل القضية فيها بوشعيب ومتنوضش روينة واحد الصحافي سول بوشعيب واش نتا هو بات العروس قالهم ايه انا باها قالو واش بالصح نتوما جايين من دوار وشوف حالتكم كيفاش حتي غادي ايتزوج مسيو جود السعداني علي سن ورمح ببنتك سيفط ليه بوشعيب الميكرو جاه لراس او فلقو فكوهم غير بزز وبوشعيب ساخط اول مرة اينفاعل دائما هو طالقها تسرح ولكن فالحقيقة هنية عزيزة عليه بزاااااف وخا هو زان زان والماكلة هي همو الاول والاخير ايسمح فهنية علي ودها وخا عزيزة عليه
طول ديك الفترة جود مشافش هنية للانو عاداتهم هكاك ميشوفش الرعوس داكشي علاش بات عند مراد لي مقاداه فرحة صاحبو واخيرا ايتزوج وايدير عائلة
**في صباح اليوم الموالي**
ناضت سلمي وهزات الدار بزغاريت فيقات البنات وناضو ومرام مشات تفيق هنية هاد لخرة لي ناضت او ناشطة اتولي عروسة مشات لدوش قضات حاجتها غسلات سنانها كيف علموها او لبسات كنضورة بالابيض ومرصعة باحجار من جهت الصدر وخلات شعرها علي راحتو هعبطات لقات الدار عامرة بافراد عائلة جود بنات خوالاتو عماتو بناتهم ولادهم شي خارج شي داخل شافوها او بداو ايزغرتو وايطبلو
سلمي..فرحي يالالة وسعدي يالالة زوج وليدي وحيدت اللوما عليا (تحية لي قراتها بلحنها هههههه)
بقاو ايضربو وناشطات وهنية فرحانة وحشمانة فنفس الوقت جا جود او دارو عليه حالة حتي هوما وبداو وميستاهل لعريس غير لمضمي وسقلي وشعر لمدلي ...داها وداها والله ايمخليها ويهنيا ويقتيب اللوز خليوها دوز .... المهم كاع لي حافضين واش قالوه باركو ليهم وجود حلفو لوراوه هنية (انحط جميع صور العرس بغيتكم تشوفوهم كااااميلن بكل حدت صورتو) تغداو مجموعين كاملين الفيلة كلها واش مقربلة وبوشعيب غير ايجري بيناتهم تكول واش ايجلس اما هنية قالت ندير عقلي شوية ونتهدن واااخدة راحتها معاهم ومنساجمة مع البنات وعائلة جود لي كلشي حبوها ودخلات ليهم لخاطرهم وصلات وقيتة لعشية ناضو كاملين مشاو لصالون لي كراوه غير ليهم هوماتي عائلة العريس دخلو هنية ايتبالاو بيها وكلمن خدامة تما واش تجري من هادي لهادي ايصايبو ليهم لبسو تكاشطهم او تقادو وحدة تنسيك فالاخري ولينا حتي هيا عارضة علي صحاباتها مت جود كلشي حاضر جاو ليهم الطوموبيلات وكاين لي عندو طوموبيلتو كلشي مشاو لقاعة بقات هنية صافي هي ولينا و شي بنات خرين مع عمت جود وخالتو حتي سالاو ليها جات اميرة لي شافها ايبغي ايهبل جات الرانج ديال لينا عاد شراتها جديدة او خرجو هنية بالصلاة علي نبي وهي فرحانة وتشطح ضاربة الدنية بركلة وتقول واش حشمانة وتحركو باتجاه القاعة وصلو او جلسات بلاصتها وكلشي تما حال فمو فيها وخا مغطية وجها جات ليها النقاشة وحنات ليها غير ايديها جاوها زوينين بزاااف بقات جالسة وكتشوف فالناس كيجيو غير الشخصيات وكل وحدة تفوح علي الخري باللبس والاوركيسترا شعبياااااا المهم العرس محيح واحد شوية حبسو مولاي السلطان جا او داخل القاعة راكب علي العود وملبسين ليه الجبادور والسلهام بالابيض وصفر واقص لحيتو ومع فورمتو وجمالو جا ايهبل كلشي لبنات حسدوها عليه والصحافة تصور وهو داخل بالدقايقية والدقة المراكشية وكلشي ايشطح ومحيح هي هزوها فوق العمارية او بداو ايدورو بيها شوية قربوها ليه وهبطو حتي حيد ليها داكشي من راسها وسها فجمالها جات تفتن بالزين باسها عاد هبطوهم وغناو عليهم شحاااال والناس تشطح وتصور خرجو دقايقية او خدم الشعبي والنكافات داوها او بدلو ليها لبسوها القفطان زرق وهزوها عاود فالعمارية دارو بيها حتي عياو او حطوها ومشاو جلسو حدي بعضياتهم وجات النكافة قادات ليها ومشاو
جود (كيهمس ليها فودنها)..جيتي تهبلي
هنية..ربي ايخليك حتي نتا جيتي زوين
جود..هههه عارف راسي زوين
هنية..لمتكبر لاخر اجي مبانش ليك با
جود..مشتوش غابر حسن نيت ليخصر العرس
هنية..بربي او محضر با حتي نقلب هاد العرس سفاه علي علاه وشوف ديك الساعة معامن تبرز
جود (تخلع عرفها ديرها وتقد بيها)..مراد اجي
جا مراد حداه وقاليه جود قلب علي بوشعيب
مشا مراد مخلا فين قلب مبانش ليه الاتر بقا غير بيت الرقاصة لي جايبين دخل لقاها شادة معاه جماعة وهو ايكركر وهي تموووت بالضحك خرج وسد لباب مشا لعند جود
مراد..راه فبيت الرقاصة
جود..شنووو وليني نسيت عندي
هنية..راه با هداك
جود..مالي قلت ليك عمك
نوضوها عاود ومشاو بدلو ليها هاد المرة لبسات البيض وجود لبس كوستيم فالاسود جا قوقااااا ايهبل ولينا وسلمي بدلو عاود حتي هوما لبسو تكاشط خرين خرجو او بغاو ايطلعو هنية فوق العمارية
هنية..اوالله لطلعت
جود (كيدوي ليها فودنها)..طلعي براكا من لفشوش
هنية..كيخضو فيا حتي نبي نتقيا وتقولي طلعي طلع نيت نتا وانا نتفرج فيك مسامحاك
جود..قلت لمك طلعي
طلعو واخيرا ركبات فيها وبداو ايضورو بيها والشعبي خدام والدنيا تشطح وتصور كلشي فرحان حطوهم ومشاو كلسو
هنية..فيا الجووووع
جود..دابا غادي ايحطو لعشا وكولي ولكن غير بالشوية راه الكاميرا كتصور
هنية..وفيا الجوع بيت ناكل قوليهم ايعزلو ليا ونتهناو
جود..هنياااا
هنية..اوووف الله اينعل بوه عرس ليميعشيو العروس هي لولة..بقا تنفخ وتفش وجود ايقولها ضحك واحد شوية جابو ليهم الماكلة كلشي بدا اياكل الا هوما
هنية..وهانتا علي القوالب مسبقينهم هوما ومخليينا حنا
جود..ورصاااي غير ندورو رحبو بالناس وحتي حني ايجيبو لينا
هنية..ناااري كتجعرني صابرة ليك بزز
ناضو ايضورو ايرحبو بالناس وهنية تشوف فالماكلة مشات حتال حدي واحد البنت
هنية (كتنغزها)..عتقي عتقي ختك مدايقة النعمة من صباح
جرها جود وزادو ايضحكو او داها
هنية..متصبرش شوي كانت اتعتقني بين ميحطو لينا منجغدو
جود..واش نتي هبيلة اتشوهينا
هنية..بغيت انا نعرف غير فينا هو با
بوشعيب بااارك ايتعشا مع الرقاصة وايوكلها
بوشعيب..ويييييع هادشي بنين
الرقاصة ..هههههه بووووشي جيتي زوين بهاد اللبسة
بوشعيب ...احححح نموت انا فبوشي وايخليك ليلي
الرقاصة..هيهيهيهييييييو
بوشعيب...اااحححححح جري تشوفي اهنية فين باك
كملو دورتهم او جلسو فالطبلة المخصصة للعرسان وكلسات مو وختو ومرام ومراد وعماتووعمامو وخلاتو المهم 10 فالطبلة سولو علي بوشعيب قال ليهم غابر هنية بغات تقجو واحد شوية حطو ليهم بسطيلة تاع الحوت رويال
هنية (قالت لجود)..قتلني الجوع ومن صباح وانا نتسني وفلخر حاطين ليا كواتشو ديال الطوموبيل جيبو ليا اللحم
كلشي دار شاف فيها او دارو ابتسامة لوطها معاها جود حتي بغات طير بداو ياكلو وهي غير توكوك ايمتي ايحطو شي حاجة دتغماس هزو داكشي وجابو دجاج محمر
هنية..هاحني دوينا ارا برع
طاحت فيه عمية جود ايقرص سلمي تقرص لينا تسب مرام تدفع والو لي ليها ليها حتي تكوفلات عاد هزات راسها وبدات ضحك
جود..شوهتك فالعالم ملو غدة
هنية..غير نشبع كرشي وفين ما بغات توصل توصل...هزوه وجابوليهم ضلعة مشوية ومعسلة
هنية..اخخخ فين اندير هادي فهادي غشمتوني .ومع دالك بقات تاكل والدك جود مبقاش قد ايدوي معاها خلاها تخشي جابو ليهم ديسير هزات تفاحة باش تهضم الي زادت عنبة وحدة اتفركع الصمطة مبغاتش تسد ليها ..سالاو لعشا او مشاو ايبدلو لبسات البيض الحمر وجود بدل لكرافاطا صافي او جلسو واحد شوية خدمو الشرقي وبانت ليك الرقاصة داخلة والمفااااجئة بوشعيب داخل مع الرقاصة (شوفو صورة بوشعيب) حليييلي كلشي تكرشخ بالضحك بركات هيا تلوز وبنت الكلبة تعرف تشطح كلشي دراري واش قيمو عليها
هنية..هاديك اشعيبا هاديك هههههه
بدا بوشعيب حتي هو ايشطح معاها وكلشي مكرشخ بالضحك سالاو وجا بوشعيب عنق هنية وغبر تاني تبع الرقاصة
نشطو او شطحو ناضو غناو او رقصو ولبسو هنية الهيندي بلكري جات فيه واااعرة بحق وكلشي بدل ولبس معاها الهندي جاو شطحو علي اغاني هنية واخر لبسة هي لاغوب داوها ومشا جود لبس كوستيم فشكل اخر بلكحل جا متيييييتز وهي لبسات غوب بالابيض كبيييرة بزاااف دارو ليها مشطة خري ومكياج مناسب وخفيف هبط جود او بقا جالس ايتسناها هو وصحابو ومو وهي تم هابطة علي الحان اغنية اجنبية وكلشي مبهور فيها والضو مسلط عليها بوشعيب خرج او شاف فيها عينيه دمعو كلشي هبلاتو خلاتهم غير ايدورو فعينيهم جات بحال شي اميرة نازلة قرب جود او شد ليها فايدها باسها فراسها بدون شعور وهمس فودنها
جود..شنو درتي ليا
هنية(حشمات وحدرات راسها)..والو
مشاو لوسط القاعة وكلشي ايصور وفرحان بيهم جاو بحال شي امير واميرة عتاوهم الحليب وتمر وركبو الخواتم كلشي صفق وجابو ليهم الكاطو كبييير قتعوه او بداو الناس ايسفقو جابها جود باش ايرقصو ولكن مكتعرفش ودارو بناقص جات مو وتسالمو معاهم بالبكي للانو ايمشيو ايسافرو لجزر البهاموس فشعر العسل باركو ليهم كاملين وحتي صحابو وركبو فلمبر نتاع جود لي مزينة وديريكت باتجاه المطار وخلاو بوشعيب ايبكي ماشي علي هنية علي الرقاصة لي مشات فاش هو كان كيشوف فهنية سالا العرس وكلشي تفرق مشا فحالو هادشي جوايه 7 صباح مشاو هوما لدار او لي شد شي بيت تلاح فيه ونعس اما هنية وجود مدابزين فالمطار
هنية..بيتي طلعني لسما وتلوحني يولد اللفتة
جود..وباش بغيتي تمشي لجزر الباهاموس
هنية..قلت ليك من اللول ديني غير لمولاي عقوب متسمع شبيت انا شي بهاموس ولا برخاموس
جود..شتعرفي زيدي زيدي
طلعو فطيارة جود الخاصة وشدو طريق باتجاه اجمل الجزر الموجودة علي الارض لقضاء شهر العسل