هبطات هنية لتحت وهي كتفكر كيفاش كون خطيبة واحد هي وياه ايضلو مقامشين ومشادين مشات لكوزينة كملات توجاد لغدا او مشات تقلب علي لينا لقاتها خرجات وصلات وقيتة لغدا حطات لغدا جا جود شي ايخنزر فشي والشر فعينيهم كلس حطاتلو لغدا بغا اياكل او جرات طاجين
جود..خليني ناكل هاد العجب لي دايرة وخا شي نهار نموت بالتسمم
هنية..انا لي غادي نموت بالفقصة معاك صبر تجي ختك وكولو
جود..هيهيهي فاهمة لينا اتغدا مع صحاباتها برا غير تهناي
هنية (دفعاتلو طاجين ومشات)..كول تاكل فيه جغديد
جود..وبقاي تكمكمي تما
خدا شوية او داق عجبو بزاف طل واش مجاياش لقا سقيييل او طاح فيه عما عمرو كلا السردين كواري اما هوما فكياكلو فالكوزينة سالاو او غسلات مرام لماعن وهنية مشات درباتها بتجفيفة لدار كلها اما جود خرج الخدمة وبوشعيب بارد ايحلق علي الجرة واي وردة ناضت ايقطع بوها من جدر ..وصلات العشية وجات لينا معمرا ايديها بليبلاستيك وتابعها الشوفير ومشات لصالون لقاتهم جالسين ايتفرجو
لينا..هنية مرام اجيو لبيتي
تبعوها لبنات وحتي بوشعيب لاسق فيهم دخلو لبيت او وراتهم لينا شنو خدات وهوما مبهورين
لينا..والمفاجئة تيرارااااا (وراتها فستان زوييييين ومرصع باحجار ومعري وكيلسق علي الجسم كينحتو) هافستانك
مرام(مصدومة)..واااااااو بتعرفي هاد الفستان كام تمنو شو حلووو
هنية..فستان لاواه شيفون شوفي كلشي معري
لينا..وااو كتعرفي فتواب هادا توبو من الشيفون
هنية..بغيتيني لبس جفاف واش حماقيتي
لينا..شوفي انا خديتو علي قياسك طايتك وخا دائما كتعوم وسط هاد البيجامة ولكن باينة عندك طاي صاروخ داكشي علاش هادا انسب واحد ليك وجبت ليك لبارفان والمكياج الاكسسوارات السباط كلشي كلشي هههههه
هنية..شتي هادشي كلشي غير ربحي بيه انا ملابساش هاد المسخ
لينا..واش بغيتي تكوني زوينة ولو مرة فحياتك بحال دوك النجمات لي كيبانو فالتلفازة وزايدون هوما باش حسن منك نتي راك طوب ديال الطوب غير مدايهاش فراسك وصافي غدة انخرجو نمشيو لبيوتي سونتر نضورو شوية بحالتك تحيدي ليبوان من شعرك وايقادو ليك ضفيراتك ونجيو تبدلي وهاحنا واجدين اتحمقي جود انا متاكدة
مرام حتي هي حركات راسها بالايجاب وهنية بقات حايرة بيناتهم وتشوف
هنية..وبا
بوشعيب..حتي انا غادي
مرام..لا انت راح تفضل معي
بوشعيب..قلت ليكم غادي هي غادي صافي سالينا
هنية (خنزرات فيهه)..جلس تركن خليني نضبر علي راسي لنبور ليك وتوحل فيا
لينا (نقزات بالفرحة)..واااااااو اتجي احلي خطيبة فالعالم
هنية..تكتري ليا ولا تقطعي شعري منعقلش عليك
لينا..الالة غير خلي راسك ليا وكوني هاااانية
هنية..وهاحنا انشوفو
في صباح اليوم الموالي
فاقت هنية مع صباح ناااشطة ولكن مماشطاش شعرها واقف كيطلب رحمة ربو بالسيف علاه لي فراسو كاع دوك تاحرميات شعرو كيف بغيتوه ايكون..ناضت كتاوه مع صباح وتجر فرجليها غسلات وجها او قضات حاجتها وعينيها متحلو مشات لكوزينة شافت حتي عياة وطاح ليها فبالها مدير والو مقانعاش اصلا هي عروس خاصها متحطش ايدها فلما قبل لعرس ب ايام وبعدو بايام (مشيتي فيها امسيو جود) خرجات من لكوزينة وهي هازة تفاحة وهنا دخل جود كان كيدير سبور او جا كان داخل ايشوف شي حاجة فتيلي حتي حس بشي حد قدامو هز راسو وشاف هيشة خرج عينيه
جود..هيه نتي شنو كديري فداري
هنية..كناكل التفاح شكندير شبغيتيني ندير دخني عليك بالله
جود (فاش دارت تخلع وكيدوي مع راسو وغادي طالع لبيتو)..دابا انا وهاد الهيشة تحت سقف واحد وشنو مراتي ولهبال هادا
هنية..ايه بقا تكمكم دبااانعجبك
فاقو البقية او بداو ايقلبو علي الفطور
هنية..لي بغا ياكل ايمشي ايدير لراسو انا عروس
جود..كدبي كدبة وطيقيها نوضي تكعدي وجدي ليا مناكل
هنية..نتا مدويش معايا
لينا (دخلات تلطف الاجواء)..صافي صافي خويا انا نوجد ليكم لفطور مرام تعاونيني
مرام..حاضر
هنية (جرات مرام)..علاش لمك مفقتي بليل
مرام..ليش راح فيق
هنية..هاد لمرة انخلي باب داك جمل محلول باش ايوقعلو لي وقع لي قبلو
وبقاو ايخنزرو فبعضياتهم وجدو لبنات لفطور او حطوه كلشي اياكل الا واحد غايب وهو بوشعيب لي كان ناعس حتي مشا ليه جود خشا ليه كرواصة فمو او جرو لطوموبيل ايمشيو لمختبر ايكملو الفحوصات اما لبنات لبسو هنية لبسات عباية كاشفة ومرام لبسات سروال جنيز طالع وتيشوورت عطاتهم ليها لينا هاد لخرة لي عيات مع هنية باش تعطيها متلبس والو رفضات او لينا لبسات كشيوة فوق الركبة فزرق مفتوح او سبادري هزات صاكها او خرجو ركبو فطوموبيلت لينا او تاجهو لبيوتي سونتر ...غير دخلو او هنية حلات فمها كان عامر كل وحدة وشنو دير دخلات لينا او شافتها مولات السونتر وجات تجري عندها للانهم صحابات
المديرة..حبيبة لينا نهار مبروك هادا
لينا..ربي ايخليك اصفاء ااا هادي هنية وهادي مرام
صفاء..مرحبا بيكم ازوينات شرفتو المحل
لينا..هادي خطيبة خويا
صفاء (بتفاجئ)..جووووود
لينا..وي جود وبغينا نقادوها ليوم كاين عشا موهييييم (وغمزاتها)
صفاء (فهمات)..ايوا مبروووك احبيبة بالهناء ياربي ازين مرحبا بيكم جيتو للاحسن مكان لهاد الغرض تفضلو
كلشي لكليان ايشوفو فيها شنو لابسة وهاد الاهتمام وخصوصا وحدة من معجبات جود كانت صديقتو لقديمة سمعات الهضرة كلها ومرضااااتش وناوية علي خزيت
شدو هنية او دخلوها هي ومرام ولينا لواحد الصال فين ايبدلو حوايجهم بقاو مدابزين مع هنية حتي لبسات داكشي وهي ساخطة للانو لابسة غير بيكيني صافي ولايحة عليها بينوار داوهم لواحد الصال فين ايديرو ليهم الصونا دخلو او سدو عليهم حتي قربات هنية تسخف ليهم وخرجوها وداوهم لسبا وغير كيحطو عليها لحجر تنوض تغاوت حتي سخناتها واحد الحجرة او ناضت هزاتها او دمغات بيها مولات المساج خلات دمها سايل وتسب فيهم
أنت تقرأ
رجل الأعمال الوسيم وفتاة من عصر الجاهلية 😘
General Fictionقصة طوووووب كنصحكم تقراوها مغتندمووش كوميدية بزااااف وفيها من كل فن طرف 😘 للكاتبة :زينب اسقارو #قصص_مغربية #قصص_بالدارجة_المغربية #رجل_الاعمال_وفتاة_من_عصر_الجاهلية
