دخلو او طلبو شنو بغاو وبداو ايفطرو وسارة كتحاول انها تقرب من جود وهو عايق ليها كايضحك مع ختو اما مراد فشاد لهضرة مع كوتر وهي عاجبها لحال سالاو لفطور وهوماتي مشاو ايشدو اوطيل ومشا معاهم جود باش ايوريهم فين للانو معارفينش المدينة مزيان اما جود فمشا مع ختو لشركة دخلو لداخل وهوما كيضحكو علاقة جود ولينا كتعدي الاخوة لصداقة قوية بزااااف وهي كتقرا ف السويد ولكن غير سمعات الخبر علي خوها شدات الطيارة ديك الساعة باقي وجات وتلاقات مع كوتر وسارة لي هدفهم انو ايطيحو جود ومراد فيهم وايضربو عصفورين بحجر واحد الاملاك ودراري للانو حاطين عينيهم عليهم من شحااال هادي ولكن الي كيجهلوه انو واحد الشخصية اتهبلهم واتخليهم ايندمو علي نهار لي فكرو ايشوفو فيهم وكنضن بلي راكم عارفينها المهم جود بقا كيدوي مع لينا وايقول ليها شنو وقع ليه هاد اليومين الاخيرة السرقة والتسمم وغيرو ولينا غير كضحك حتي جا مراد وقال لجود بلي كاين اجتماع ضروري توجهو فديك الساعة لقاعة لقاوها عامرة بالاجانب المسؤولين علي المشروع كيتشكاو من الاهمال لي وقع جود تعصب ولكن مراد طاحت عليه فكرة جهنمية
مراد..بوشعيب
جود..شنوو مالو
مراد..بوشعيب هو لي غادي ايفيدنا هو لي كلا فينا رفيسة بزاف انجيبوه ونديرو عليه التحاليل
جود..واش حماقيتي اصلا خاصنا نديرو ليه فحوصات راه غرقها رفيسة ولكن بالي موقع ليه والو
مراد..هداك السيد عندو جهاز مناعاتي قوي بزاااف مضاد حتي لجحم ومتنساش راه من ناس البادية وهوما كتكون عندهم مناعة قويا علينا
جود..وديك لهبيلة دهنية
مراد..القاو شي حل خاصنا ضروري نديرو ليه الفحوصات ونعرضوهم علي الاطباء ولا كلشي ضرب ف 0 واملنا الوحيد مشا
جود(بعد تفكير)..صافي انمشي دابا لدار ونشوف كيفاش نجيبو معايا لعشية
خرج جود هو ولينا وركبو فطوموبيل باتجاه الفيلة وصلو ودق جود للانو نسا سوارت
هنية..واصاااافي سمعناااااك تقب السرسار باشار كيداير (حلات لباب وبال ليها جود ولينا) مرحبا
دخل جود بغات دخل لينا مخلاتهاش حبساتها
لينا..خليني ندخل
هنية..اوهوي ومن قالي مبغيتيش تشفري دار
جود(شدها من الشال ديالها)..هادي راها ختي الهبيلة
هنية(فرحات)..ويلي ويلي سمحي ليا (وطاحت تسلم وتبوس) مرحبا مواح مواح واللللللف مرحبا دخلي دخلي تي كيدايرة
لينا(عاجبها الحال)..بيخير ههههه ونتي
هنية.انا فوق السلك الحمد لله
لينا (مفهمات والو)..هههه اه
هنية..دخلو دخلو الدار داركم
مشات هنية تجري لكوزينة طيب لما وتعمر اتاي
لينا..البنت باينة فيها ضريفة ماشي كيف قلتي
باقي كاع مكملاتها داز بوشعيب مصيفط حتي تعكل وتكركب من اول درجة حتال اخر درجة بااااااق
اينا(غواتا)..اااااااااااااااااا (شدات فجود) مات
جود(غادي لبيتو)..هاداك مكيموتش
واحد شوية وهي تجي مرام وحدة تشوف فلخرة
لينا..سلام
مرام..مرحبا انا مرام وانتي
لينا..انا لينا خت جود ونتي صاحبت هنية
مرام..اي رفيقتها تفضلي اهلا وسهلا
لينا طلعات لبيتها ديريكت خدات دوش باش ترتاح وبدلات حوايجها هنية وخدات اتاي والحلوة وحطاتهم غير هبطات لينا جلسو معاها وبقاو كيضحكو حتي هبط جود وعيط علي بوشعيب باش ايدوي معاه علي انفراد
جود..شوف ابوشعيب دابا نتا هو اكتر واحد فينا كلي فرفيسة وخاصني نديك معايا نديرو ليك شي فوحوصات ضرورية باش نشوفو تطور هاد المرض فيك نتا
بوشعيب(مفهم حتي زفتة)..هااا قلتي شي حاجة
جود(عاود شرح ليه من الاول)..فهمتي
بوشعيب..بالعمي
جود(بغا ايحمااااق)..شوف مور لغدة انديك معايا صافي
بوشعيب..وقولها من صبح وهنية
جود..هنية اتبقي هنا حتي رجعو
بوشعيب..واعاليه
جود..نتا متقول ليها والو انا انتكلف صافي
بوشعيب طار مسما مشا ايقولها لهنية سرسر ليها كلشي وتمت جاية لجود
هنية..فين بدي با
جود..انمشي نديه معايا ايدير شي تحاليل وايجي تهنيتي
هنية..همم مطعتلوش
جود..صافي وحيدي من قدامي
مشا جلس هو وختو بقاو مجمعين حتي حطات ليهم هنيا طاجين تاع لخضرة وشوية اللحم بدات هي وجود ايتغاوتو حتي فكوهم وفالاخير دائما تنتصر حبيبتنا هنية وجود كياكل داكشي ولكن لينا حمقها الطاجين ورتاحت ليهم بزاااااااف
أنت تقرأ
رجل الأعمال الوسيم وفتاة من عصر الجاهلية 😘
General Fictionقصة طوووووب كنصحكم تقراوها مغتندمووش كوميدية بزااااف وفيها من كل فن طرف 😘 للكاتبة :زينب اسقارو #قصص_مغربية #قصص_بالدارجة_المغربية #رجل_الاعمال_وفتاة_من_عصر_الجاهلية
