رجل الأعمال الوسيم وفتاة من عصر الجاهلية 😘

part : 38

بعد مدة طويلة وصلو واخيرا لجزر الباهاموس نزلو فالمطار او لقا جود موجدين ليه طوموبيلتو من نوع رانج كحلة كاين واحد الصديق كيعرفو هو لي جابها ليه ركبو او تاجهو الاوطيل لي ايجلسو فيه مشا جود دوي معاهم او عتاوهم جناح طلعو لي فاليز او هنية غير دور فراسها
هنية..هادشي زيييين
جود..(كيعايب فيها) هادشي زيين تي قادي غير فمك
هنية..هيه شوف نتا مزال مدرنا فالطاجين ميتحرق دروك رجع فحالي
جود..يالله رجعي
هنية ..وخا (او دارت بغات تخرج بان ليها شي داخل شي خارج والفندق كبير وهي فبلاد متعرف حد او دارت وقفت حدي جود) مشينا
جود (بابتسامت نصر)..كتمشي غير بتخراج لعينين
هنية..جيتيني فبلادات الناس اما كون عتيتك جوابك
خنزر فيها او طلعات تجري قدامو ركبو فالاسانسور وغير طلع وهي تجري تعلقات فيه هو عجبو الحال للانها شدات فيه (السيد واهلييي فاش كيفكر) وصلو الغرفة او بالاحري الجناح او لقاو كلشي ممجهز وماتت والجناح بيااااخد العقل حيد جود الفيستة او القاميجة بقا صولو من الفوق
جود (كيشو فهنية)..اندخل ندوش نخرج ودخلي نتي صافي
هنية (كتبقشش فالديكور)..غير سير سير
دخل جود كيدوش وكيصفر ناوي ايفدي فيها لقديم وجديد وكيفكر فشييي حوايج الله ايستر السيد باغي ايفلعصها ماشي ايدير الدخلة .غير خرج ولاوي عليه غير الفوطة عاد ايعيط عليها زعما تكون حشمانة بانت ليه مشطوووخة رجل هنا ولخري لهيه والريوق سايلة عندها سيلون
جود..ياودي ياودي قالك الدخلة نتي ايدخل فيك رموك ومتحسي
لبس شورط ديالو او خلا عضلاتو لي ايهبلو باينين او تلاح حداها فالناموسية واحد الشوية وهي تكلب عليه ونعسات فوق صدرو فالاول كان بغا ايحيدها ولكن من بعد عاد مزاد قربها ليه وباس علي راسها حس بشي حاجة فشكااااال وبدات فكرة انو ايقدر ايكون كيبغيها تسلل لدماغو بتاسم او شاف فيها قرب ليها وباسها حدي فمهي اما هي مغيبة وخي دوز الحرب العالمية 3 محاضراش هي....فصباح نهار الموالي ناضت هنية تكسل لقات راسها فوق من جود شافت فيها وشافت فيه وهي تعتيها لعياط
هنية..واااااااااااااااااااااااااااع اولد الهم شدرتي ليا (وضرب فيه بالمخاد نزلات عليه باااط حتي تزعزع وتلاح من فوق الناموسية وناضت دايرة ليه) قستيني يولد النعجة
جود (كيحامي علي راسو بايديه ومخلوع عاد فاق من نعاس وليني صباحية مباااركة هادي)..يالهيشة مال مك علي صباح شواقع
هنية..شواقع شوقاع هااا تسولني انا شواقع سول راسك شنو واقع علاش نعستي حدايا (ضرباتو بالمخدة ) علالالالاش
جود..يالحمقة راني راجلك وزايدون نتي لي نعستي وتقلبتي عليا اه اه رموك الله ايحفض مشيتي تهرسيني وديك الترمة عندك قد البرمة
هنية..وزايد فيه كتشوف ليا فالخير لي عطاني ربي
بقاو مدابزين حتي تهدو او كلسو الارض ونضرات الشرارة فعينيهم ناضت هنية هزات لفاليز ديالها ودخلات لدوش او هو كلس فوق الناموسية ايشهد
جود..مزوج بجون سينا انا ماشي مرة هادي (كيحك فراسي)..ولكن احححح علي ترمة عندها الخير نزل نزل بمرة ههههههه