ركبو فالطوموبيل او تحركو ستغرقو مسافت نص ساعة باش ايوصلو للافخم مطعم فالمدينة كلها واكيييد مستحيل هنية تكون هي وجدود وميتشادوش
هنية..عاودلي علي هاد مك
جود..هاد مي عندها سمية سميتها سلمي
انا..ايه ايه زيد هلي
جود (بغا باش ايتهني منها)..شوفي تصرفي علييي طبيعتك صافي كولي لي بغيتي شربي لي بغيتي دري نتي لي بغيتي صافي
هنية (فهماتو بغا ايتفك منها وحلفات حتي توريه)..صافي هي لولة
واخيرا وصلو للمطعم هبطو او جود مد ايدو وهنية شداتلو فدراعو وتبعاتهم لينا بكل شياكة دخلو وكلشي عينو علي هنية للانو بالفعل جات قوقة كتهبل جود فلحضة حس بالغيرة ولكن قنع راسو بلي هي مكتعني ليه والو (اودي غير عتارف طحتي علي قرقوبتك ومحدش سمي عليك ههههه) وصلو لواحد الطبلة جالسة فيها مراءة فاواخر الخمسينات ولكن تشوفها تعتيها 30 عام هنية وقفت شافت فيها وجبدات جود من لكول ديال الكوستيم
هنية(كتهمس ليه)..جايبني عند ختك وتقولي مك
جود(بابتسامة اصطناعية وكيدوي من تحت سنانو)..هادي مي الهبيلة
هنية( بصوت مسموع)..ويلي ويلي انا نبان كبر منها
سلمي مكانتش منتابهة ليهم للانها كانت حادة تشوف فصاكها غير سمعات شنو قالت هنية هزات راسها وتصدمات فيها مكانتش كضن انو خطيبة ولدها اتكون بهاد الجمال وحتي الكلمة لي قالت فحقها وخا باقي معرفاتها عجباتها بزااااف
سلمي (بابتسامة وناضت عنقات جود)..ولدييييي
جود(بادلها العناق)..الواليدة بيخير
سلمي..بيخير توحشتك بزاف شنو اخبارك
جود..الحمد لله ونتي
سلمي ..ملي نتوما بيخير حتي انا بيخير
لينا..احم احم شتكم نسيتونا
سلمي(عنقات لينا)..وعلاش كاين لي اينسا كبيدتو
لينا(بادلاتها العناق)..توحشتك احبيبتي (تباعدو وشافت فهنية) هادي هنية خطيبة جود
سلمي بقات كتشووووف فهنية هاد لخرة لي حالة فمها فديكور وناس اياكلو غير سمعات سقيل دارت لقاتهم كيشوفو فيها وجود كيخنزر معرفات مدير وطارت علي مت جود تبوس وتعنق
هنية..اهلا اهلا (وتبوس فكل حنك) تي كيدايرة
سلمي(عجبها الحال)..بيخير ونتي هههه
هنية..انا فوق السلك
سلمي(ضحكاتها)..ههههههه مزيان جلسي مرحبا بيك
جود وليا بقاو غير كيشوفو فبعضياتهم مهم موالفة كتكون حدودية شوية
لينا (كدوي بشوية مع جود)..مبروك عليك مسبقا
جود(وطع علي رجليها ونقزات)..الله ايبارك فيك (كيقولها والدخان خارج من ودنيه)
سلمي(شافت فيهم)..جلسو لاش واقفين
جر جود الكرسي لختو وجلس حدا هنية قبالة مو وهنية قبالت لينا
سلمي..ايوا كيف دايرة بيخير العائلة بيخير
هنية..حق ربي منخبي عليك شي حاجة بيييخير الحمد لله ونتيا شخبارك
سلمي..انا بيخير الحمد لله وفرحتيني حيتاش شفتك وانتعرف عليك
هنية..انا بغيت نشوفك وليني هاد ولدك ميبي وقت ما قلتها ليه ايقولي من بعد
جود (خبطها برجليه من تحت الطابلة )..ههه غير مع لوقت
هنية (عاودات ليه حتي تهزات الطبلة وتسمعات ديك اووو كرشي يسحابها جابتها فيه).. اه الوقت
جود(كيخنزر فيها زعما شنو علاش هزيتي الطبلة)..الصمت
هنية بقات تاهية تغمز ليه واحد شوية كضور رجليها تحت الطبلة كتقيس فشي حاجة بلاتي امم بنادم هادا هزات رجليها وعاودات خبطات وسمعات تاني وييييييييع زويتيني
هنية خرجات عينيها وكتشوف فجود وسلمي وكتحاول تقلبها ضحكة
أنت تقرأ
رجل الأعمال الوسيم وفتاة من عصر الجاهلية 😘
General Fictionقصة طوووووب كنصحكم تقراوها مغتندمووش كوميدية بزااااف وفيها من كل فن طرف 😘 للكاتبة :زينب اسقارو #قصص_مغربية #قصص_بالدارجة_المغربية #رجل_الاعمال_وفتاة_من_عصر_الجاهلية
