بقينا هرهر مت هرهر حتي وصلنا لسوق هبطنا حني فالطريق وهو كمل شديت فبا وجريتو مورايا وعتيناها لمشي ايوا اسيادنا مشينا حتي حسيت برجلي بيتكرضو شفت لقيت كاااع داكشي لي مشيناه راه رجعنا لفين هزنا لكاميومال مي مدوسة مالي ايييخ. صافي عيييييت حطيت لكواري وجلسنا بجنب الشانطي قلت اللهما نشد ركوب(اوطوسطوب) بقيت نشير نشير شي ساعة هلي وقفت واحد لبيجو مشيت لعندو وهو بارك ايطلع واينزل فيا
الراجل(كبير وكرشو سابقاه وعينو وحدة مشات عند الله تحاسب ولخري مزال تسني نوبتها)..شفت زين فنصاصات ليل
انا..هيهييييييييو ويلي ايعطيك الدل (بلعاني نتبعكك عليه الي بقيت نتغاوت مع لي جا والله لا ركبنا شي حد)
الراجل..هاهاهاهاها ولاين بيمشي زين(فين بغيتي تمشي)
انا..وفاين غادي نتا
الراجل..انا مسااااافر (وكياكد عليها مسااااافر)
انا..ولفاين بالسلامة
الراجل..غادي لواحد السوق فمراكش
انا(ضربتها بجرية لعند با)..با با فينجات مراكش
با.. هوك (شير بايديه لشجرة)
انا..مور الشجرة
با..ولا ياتا وهوووك فوتي لكدية وسيري سيري سيري سيري حتي توصلي
انا..تفو وليني عليا ماشي عليك حمارة لي سولتك
رجعت لعند الراجل وقلت ليه غير ايوصلنا لهاد مراكش ولا منعرف شناهية لموهيم نبعدو علي الدوار الي شافني لمقدم ليلة ايعشي بيا كلابو..ركبنا معاه او تحركنا علي الله ركبت با لقدام وانا لور معرفتش شحال مشينا لمهم طريق طوييييييلة وكل ساعة لبيجو خاسرة نهودو ندفعو حتي وصلنا لواحد سطاسيونووقفنا قال ليك بيدير لمازوط انا هودة ومشيت نجري لخلا نقضي حاجتي تزيرت تابنديرها فحوايجي حشاكم باحرااااا قردت (جلست) وانا نسمع تهرنين
البنت..اهئ اهئ اهئ
انا..باسم الله الرحمان الرحيييييييييييييم باسم الله الرحمان الرحيييييييييييم
البنت(سمعاتني وخرجات لعندي)..مرحبا
غير شفتها مريشة كيالهيشة وطحت بلاصتي نسيت واش تا سروالي مهزيتو بقيت شاداه بايد ونرجع باللور
انا..شك شكو..شكون نتي
البنت(مسحات وجها)..انا مرام
انا..تقوليها وتفرنسي مزال حيدي لديك الجيه نتسحابك جنية نسيت واش سكني جن شهر مقضا فيا والو وخرج
مرام..ماعم بفهم عليكي شئ
انا..منين جيتي
مرام..انا مافهمت شئ بس انا جاية من مكان بعيييد اهئ اهئ وبدي عيش
انا..لا نتسحابك بتموتي ماشي تعيشي تسناي شوي(هزيت سروالي )يالله زيدي قدامي مخارجة مخارجة غير زيدي نشوفو فين بيخرجنا هادشي
جريتها من ايدها وغادة انا وياها
مراد..ممكن اسئل
انا..مفهمتكش شمن هضرة تهضري نتي
مرام.. انتي شو كنتي بتعملي هنيك ليش شلحتي تيابك
انا..ايه راه غاديين لبلاصة سميتها مراكش بيدينا داك كحل لعفطة هو راه منعرفوش وليني غير تانوصلو وتشوفي شبيندير ليه متقوليهاش ليه
مرم..عن جد مابفهم فيكي شئ
هي تهضر فالشرق والاخري فالغرب ركبو فلبيجو وتحركو نحو مدينة مراكش فين اتبدي لقصة دبصح
أنت تقرأ
رجل الأعمال الوسيم وفتاة من عصر الجاهلية 😘
قصص عامةقصة طوووووب كنصحكم تقراوها مغتندمووش كوميدية بزااااف وفيها من كل فن طرف 😘 للكاتبة :زينب اسقارو #قصص_مغربية #قصص_بالدارجة_المغربية #رجل_الاعمال_وفتاة_من_عصر_الجاهلية
