رجل الأعمال الوسيم وفتاة من عصر الجاهلية 😘

part : 24

جات الاسعاف دخلو لقاو العساس كيتلوي وهو مغيب وشي حاجة خارجة من فمو هزوه وعيطو علي الدعم وجات الصحافة ولبوليس روينة صافي وطاحو فالبت المباشر
المديعة..مساء الخير مشاهدينا الكرام نحن الان امام منزل رجل الاعمال الشهير والغني عن كل تعريف جود السعداني بعد ان وردنا خبر تعرضه لتسمم هو ومن كان معه بالمنزل من حراس وخدم وكدي صديقه المقرب مراد العلوي هادا الاخير الدي رافقه بعد خروجه من مقر عملهم هادا المساء باتجاه المنزل ويروج سبب هادا التسمم انه عائد الي تحالف اعداء جود السعداني بهادا الميدان خصوصا وانه كان مؤخرا يشتغل علي مشروع سيحدت تورة في عالم نقل الجينات والهندسة الوراتية وهانحن مشاهدين (كتجري هي وكاميرا مان ايصورو) نري الحالة المزرية التي وصل اليها هاد الاخير هو و صديقه وكدي خدم المنزل سنوافيكم مشاهدينا باخر الاحدات والمستجدات بخصوص هاده القضية التي تعتبر جد خطيرة وتمس باستقرار البلاد (الله ايمسخ شنو دخل لبلاد فالهضرة راه غير جاهم الاسهال كلاو دجاجة مجحومة اين هو التهديد في الموضوع هههههههه) فور الوصول الي المستشفي (هادشي الي وصلو) كانت معكم شيماء لهبيلة من قلب الحدت
جات لامبيلونس وداتهم وكلشي ايصور وكل واحد شنو كيقول مبعيداش ايدخلو حتي داعش فالموضوع انه المغرب يا حبيباتي داوهم باقصي سرعة كلهم مغيبين الي بوشعيب مرا مرا اينوض وييييييييييع بنموت وايعاود ايتخبط مغيب وصلو للمستشفي واخيرا دخلوهم كلهم لغرفة العمليات غسيل معدة ومصارين ههههههههه بقاو معاهم سوايع حتي سلاو خرجات طبيبة او تلامو عليه الصحافة
المديعة..كيف اصبحت حالتهم الان
الطبيبة (كتقاد فوجها)..هو انو يعني حني اسعفناهم ودرنا ليهم غسيل معدة للانو لاحضنا انو هادشي راجع لتسمم شي حاجة كلاوها وكانت مسممة للاخر درجة بمعني مبعيدش انو تقدر ضهر اعراض علي المصابين
المديعة..بحالاش هاد الاعراض
الطبيبة (بصوت خافت)..صور صور من هاد الجيهة كنبان زوينة...اممم هاد الاعراض بحال النباح الجري السريع والقفز مسافة 400 متر حواجز ههههههههههههه شحال عزيز عليا نضحك
المديعة (شافت فيها من لفوق لتحت)..نتي طبيبة
طبيبة..لا فرملة ههههههههههه
المديعة..وشنو كنتي ديري لداخل
الطبيبة..كنت كنضرب سيلفي مع جود كيهبلني ههههههههههه
المديعة (كدوي مع الكاميرا مان)..قتع البت ايتفو من صبح وحني مضيعين وقتنا معاك زيد زيد نمشو نشوفو شي طبيب
بعد ساعتاين من العملية بداو ايفيقو الا بوشعيب وكلهم فبلوك واحد كبييييير
جود..اخخخ راسي
مراد..شنو وقع ايييي كرشي
مرام..لك شو صاار ماني متدكرة شي
هنية..ميمتي ترمتي تحرقني اخخخخ
جود..كلشي بسبابك الله اياخد فيك الحق
واحد شوية وهي دخل الصحافة مجولقين ولكارد دجود كيحاولو ايخرجوهم
مراد..لالالا متقولوهاش
جود..اووووف دابا العالم كلو ايسيق لخبار ناااري يهنية ونشدك لي ندير فيك ايحيرو فيه علاماء التشريح
هنية..وشنو درت انا غير بغيت نحمر ليك وجهك مع صاحبك
جود..كحلتيه الهبيلة دعيتك لداك لي خلقك اوووووووف
بوشعيب (عاد فاق)..شنو واقع
هنية..نعس نعس ابا غير نعس بغيت ليك الضر نعس تخمد نتا لي بقيتي ليا شداني لشي رفيسة ايرفس ليا لعضام اييييييي مصارني اهئ اهئ
دخل طبيب او مشا وقف عليهم
الطبيب..مسيو جود علي سلامتكم
جود (كيحاول اينوض)..الله ايسلمك
الطبيب..جاكم تسمم حاد قولولي شنو كليتو
هنية..الرفيسة الرفيسة هي لي دارتها
الطبيب.شنو
جود..احم احم لا حني معرفناش
الطبيب..علي كل علي راحكم للانو لبوليس برة وبغاو اياخدو ايفادتكم
خرج طبيب ونطق جود..بربي وايدوي شي حد فيكم حتي نصفيها ليه
دخلو لبوليس وجود قنعهم بلي مكاينش والو وفقط انو الماكلة لي تعشاو بيها كانت فيها شي مادة هي لي تسببات فهاشي وجود سيفط لمحامي ايقول لطبيب ايتستر علي لموضوع وضوروها بيناتهم لفلوس وجرعو ديك اليلة باقي لدار كل واحد وفين مليوح وكينهج كانت حوالي 3 دليل واحد شوية عاد قالو رتاحو نعسو وهي تنوض مرام جاها حالها هزات لمدلك دلعجينة وبان ليها بيت بوشعيب محلول دخلات بالحس هزات لمدلك حتال لفوق وهي تنزل بيه عليه لراس ديريكت خلاتو مدوخ فبلاصتو وبدات ضحك ومرة مرة تشد فكرشها واحد شوية وطلعات لفوق مع وصلات لطابق لعلوي بان ليها فالجنب بيت الضيوف حلاتو لقات مراد معري من لفوق وطايح ناعس معاقلش وبدات دوز عليه لمدلك هو حس بشي حاجة وبدا ايشهد
مراد..اشهد ان لا الله الا الله باسم الله الرحمن الرحيم
مع دار لقا مرام مخرجة عينيها وواقفة عليه
مراد..ههه هادي نتي شوفي نزلي داكشي من ايدك وخلينا نتفاهمو بالخاطر والله معندي دخل فهادشي راه هنية هي لي طيبات انا مدرت والو
مرام..هاهاهاها انت مرااااااد وانا مرااام
مراد..اه اه نتي مرام وانا مراد لهبيل لحمق لي بغا ايتعرف عليكم بغيت لراسي غبارة من هاد الدنية اكفس قرار خديتو فحياتي هههه شوفي حطي لمدلك وخلينا ندويو بالخاطر
مرام (عتاتو لكرش وزواتو)..ليكنييييييييي هاهاهاها
مراد..واكواااااااااااااااااك اعباد الله
ناض جود مفزوع واحد شوية تفكر مرام وشنو دارت داك نهار لبس عليه وخرج ايجري وموعك باقي من العملية حل لباب او شاف لقا غرفة مراد مشا ايجري لقاها اتهود عليه بوحدة خرة ولكن شدها هي دفعاتو وخلطاتهم بزوج دقة فهادا ودقة فهادا حتي جات هنية عتاتها ضربة برجلها حتي غيبات وتلاحت الارض
مراد..شك شكر شكرا (وكيكمدها)
هنية (كتحك فعينيها)..متخلو لي بغا اينعس شهاد الدار ايتفو
جرات مرام من الرجل وهودات وخلاتهم مصدومين وكلهم زرقين جود مبقاش قاد ايدوي غير مخرج عينيه وايحك فالدقة